敗類剋星的個人專頁

呢間野專用曱甴嚟幫的食物調味.我叫左碟滷水鴨腎,果然無另我失望.足料有一整隻曱甴係裡面.各位網友,下次幫趁記住摷下的滷水汁或者湯睇下有冇曱甴.有嘅話證明佢地保持水準,無偷工減料. 如果搵唔到記,住一定要叫佢換. 食滷水嘢無落曱甴?! 有冇搞錯! 點食得入口.其實個老闆加呢種獨門材料駛乜咁鬼鼠.慌死人抄佢橋咁.計我話應該大方的,係餐牌上指明所有菜式一律用曱甴調味. 人地叫乜嘢"魚湯米線", 點解佢語可以開創先河做第一間"章郎拉麵".…查看更多

蠄晚去到食飯. 不嬲都覺的野食唔太差（但係咁係應該嘅，因為佢地唔算平．）但係的服務態度有待改善．我叫咗杯”香味氣酒”．哇！難飲到好似的模型膠水咁．餐牌上又冇寫明成份．我見到部長行過（著西裝嗰的）就同佢笑住講話好鬼難飲．佢初頭衝口而出想話同我換．點知又即刻轉口同我解釋成份．跟住未講完就借度意幫後面檯埋單．我見佢咁無誠意．我見佢一行過就要佢幫我埋單．仲問佢可唔可以ｃａｎｃｅｌ．點知佢唔睬我就走左去．雖然最後佢都ｃａｎｃｅｌ左．但我唔係志在嗰２８蚊．而係的咁嘅野都可以攞出嚟款客，你以估係的低級餐廳咩．ｃａｎｃｅｌ唔ｃａｎｃｅｌ好少事．但連經理嘅態度都係咁．真係好失望．做消費者千祈唔好”鵪鶉”啞忍．下次唔好幫唔幫趁係另一回事．出聲攞返個公道最緊要．我用手機當住佢面影左幅相留念．（注意真係飲咗兩啖唧）…查看更多

睇完King Kong大約八點鐘. 見周圍食肆門口排長龍,淨係得呢間隨時有位. 通常呢種情況一係就貴一係的嘢就唔好食. 結果兩樣都係. 碟頭細價錢貴. 一睇餐牌己心知不妙. 所以淨係叫兩個餸(畀人搵笨都畀少的). 落單時個女部長搏命叫我地加多個餸. 我先無咁笨.1. 滷水鵝- $78 (10小片, 4小薄片豆腐, 一大湯碗沙葛)2. 胡椒排骨芥菜- $56 (6小塊排骨碎(真係碎, 無一塊排骨係正常size),幾塊芥菜)呢的係香港經濟起飛時嘅歪風.而家又有呢種跡像.似呼香港經濟又開始有隱憂.…查看更多