澎湃的炸雞的個人專頁

這天放工跟朋友走到葵芳廣場行街買衫，走了一段時間就肚餓了，打算掃街。走到3樓TOP世界內有很多不同食店，其中吸引我眼球的就是這間布丁燒。門面的小鹿我覺得好可愛，側邊還有手寫的味道牌子。未走到廚窗就聞到陣陣香氣，原來是剛剛焗起的布丁燒。共有5種味道，我和朋友選了凍的椰爺和抹茶布丁燒。椰爺布丁燒抹茶布丁燒我們發現店鋪有幅打咭牆是他們精心設計的，我們就往這裡打個靚咭。布丁燒震動相當有回彈力，切開後裏面分2層，味道很立體。椰爺布丁燒甜度適中椰香味又特出又清新。抹茶味非常濃郁，是女生最愛。…查看更多

放工後在將軍澳附近行了個圈，見到呢間食物幾吸引就入左去了。入面唔算太多人，我同朋友就坐卡位。我點左一個長崎雜菜麵，朋友就叫左個辣肉醬雞肉脆麵餐。長崎champon 個湯唔油，雜菜都不少，是健康之選。呢個辣肉醬雞肉脆麵真係幾辣，但非常㘃味，食得辣的朋友可以一試！…查看更多

一早就聽聞李圓圓在台灣很出名，很好飲，我就特地去佐敦去拜會一下這間人人都讚的台式手搖飲品。去到門口就見到一個大的易拉架，寫了頭5位熱門飲品。進入店鋪就見到他們的餐牌都頗多選擇還有現炒的黑糖珍珠。店內有透明玻璃能看到廚房。收銀處有飲品說明方法，教您怎樣飲才最好飲的！十分仔細。我點了暖暖的，No.1黑糖鮮奶，加多了30%鮮奶，他們的珍珠一開始只有小許彈牙，但用飲管攪拌幾圈後珍珠變得很煙韌，很有咬口，奶味跟黑糖味都很濃，非常出色！…查看更多

公司附近開左間手搖飲料，呢間都係我好喜歡飲的飲品鋪頭。那天和同事一起買左2杯飲品。茶蓋的飲品以布雷波波最為出色！我就是買了這杯。珍珠有黑糖的味道，奶味香濃，他們還會在飲品表面燒一燒，有更濃味的奶味！同事就買了珍珠烤奶茶。我也試飲了一啖，他們的奶茶很香醇，感覺很厚身。…查看更多

在觀塘行街，行行下好想飲茶，第一時間就諗起附近有間天仁茗茶。行過隔離東廣場都有好多不同特色的食店餐廳。我喜歡飲天仁茗茶的913茶，所以就叫左杯913黑糖珍珠鮮奶茶。天仁有個賣點就係有得選擇甜度同冰度，我簡左微甜同少冰！買完後等左大概十分鐘就有得飲喇！飲之前要搞一下個底的黑糖珍珠令黑糖同茶融為一體。個黑糖珍珠真係非常之出色！不太甜之餘啲珍珠仲好煙韌，好彈牙，黑糖又好入味唔似得某啲店的珍珠煮到淋哂，珍珠又無黑糖味。但茶味就相對無咁出味，就睇下你喜歡黑糖味重啲還是茶味要濃啲了！…查看更多

跟家人逛街經過這間上海菜，就決定晚餐食這間。拿了票等了多於半個鐘，一張3人枱都無叫過，但就不停入人數多的枱。終於有位坐了，我地就點了幾個菜，分別有花雕醉雞，招牌小籠包，銀芽炒鱔糊，鹹肉豆腐湯和奶油腿茸津白。首先上菜的是花雕醉雞。味道還不錯，但雞肉質地比較硬，不夠嫩滑。之後上的菜是這間的招牌小籠包。皮薄，咬落又多汁。不愧為招牌菜！再來一個奶油津白。在表面有些火蹆茸，味道配搭適當！這個鹹肉豆腐湯都十分濃郁，沒有加水溝淡！鱔糊是這一餐的重點！味道果然無令我失望！非常出色，鹹度適中，送飯一流！不過有頭髮痴住左。總括來說整餐飯都算滿意！…查看更多

見茶木進駐咗入將軍澳大型商場popcorn都好一段時間，在商場star cinema 睇完戲後就同朋友去食個tea。在門口排隊等咗大概25分鐘就有位坐了。一坐低聞到陣陣臭味，我地發現侍應抹完枱之後臭味就產生了！係塊抹枱布的問題！建議經常徹底洗乾淨塊布先好抹枱！本身想叫芒果蜜糖香草磚塊食，見茶木新推出了一舊黑色吐司幾特別，就叫了這個流心起司竹炭吐司試一試。等了不到二十分鐘的時間，磚塊就來了！曲奇味雪糕份量都算大，跟住我地就切開磚塊！果然有流心起司！好似瀑布咁湧出來！視覺效果不錯👍🏻起司連埋吐司一齊食味道算夾，不過吐司第一啖味道好似燒焦咗嘅炭咁嘅味，竹炭應該唔會有這種味的！總括茶木的水準好像降低了！…查看更多

在大坑同友人經過呢間餐廳門口，覺得幾別緻，就入左去試下。入到去係法國餐廳咁嘅格局，有暗暗嘅燈光，又有好聽嘅英文情歌，氣氛不錯👍🏻我地叫左一個龍蝦set，另一個鴨胸主菜嘅set。首先上左個黑松露牛油麵包，個黑松露牛油幾出色，有別於普通嘅牛油。跟住就上龍蝦沙津，個龍蝦好入味！這個是羽衣甘藍沙津，頂層是配以牛油果。海膽湯好濃郁！啲海膽都落足料！鴨胸配秋葵，汁料酸酸甜甜的，幾好味。海膽意粉加埋炸秋葵，配搭幾新鮮。最後甜品是朱古力蛋糕，非常出色，入口即溶！這餐非常滿足，是晚餐不錯嘅選擇！…查看更多

今天在佐敦經過丸茶手作，聽友人說這裡的黑糖珍珠鮮奶頗出名，於是我就買了一杯$28熱的黑糖珍珠鮮奶。可能剛剛放工時間尚早，沒什麼人輪候，所以大概等了3-4分鐘，很快就可以品嘗到。他們的珍珠較軟，不是很煙韌。鮮奶味被黑糖蓋過，黑糖味道較重，也較甜。黑糖珍珠撞奶沒有什麼驚喜，特別，普通的，不過口痕時飲都不錯。我看到他們有不同的珍珠味道，包括全港首創的桂花珍珠，還有櫻花珍珠，紫薯珍珠，下次有機會都想再試試他們的特色。…查看更多

我試過很多間台式飲品既招牌黑糖珍珠鮮奶，珍煮丹確是數一數二好飲的！其他台式店的珍珠不是很軟就是黑糖珍珠不入味，但珍煮丹的珍珠有咬口之餘，還能食出滿滿黑糖味的珍珠！奶味都是非常出色的！咁好飲搞到我係一個星期之內飲左3次，仲要特登由荔枝角放工去銅鑼灣買🙈另一樣要讚的是飲品可以選擇甜度和冰度。微甜的甜度剛剛好，冰亦不致於溶哂會溝淡飲品。有很多黑糖飲品如老xx等都不能選擇甜度，說是預設了，但我就覺得太甜所以飲左一次就無再飲了。…查看更多

有一日同朋友經過登打士街，見到真幸福堂開始試業，鐘意飲台式飲料的我立刻就買左佢地的招牌黑糖珍珠鮮奶。我叫了少冰，因為多冰溶化會溝淡奶味。由落單到攞到野飲大概等了十五分鐘，其間我見到隻烏繩係個手炒黑糖鑊上飛來飛去，我幾驚佢飛落去游水。就係嗰15分鐘我一直注視隻烏繩確保我的飲品未受到污染！(隻烏繩飛太快我影唔到)手炒黑糖既哥哥見到烏繩係咁盤旋都毫無懼色亦無打算保護碟黑糖。。如果有客真係食到隻烏繩咁點算🤭終於攞到飲品，珍珠都幾煙韌，不過都係欠缺啲黑糖未，唔太出，奶味都算濃。整體而言都係台灣嘅幸福堂好飲啲。…查看更多

在荔枝角工作的我在lunch時候都會周圍找尋不同的餐廳吃飯。有天我留意到在一個小小的鋪位內有間賣漢堡的店鋪，裏面的漢堡名字就更吸引我，有Captain Burger, Hero’s Burger 等等。。配料都非常豐富，有煙肉，有蛋，有菜，有蕃茄。。我點了一個雙層芝士漢堡餐，包埋汽水和薯條。他們的芝士都很香，有點像老麥的芝士漢堡。他們的牛排雖然大塊足料，但硬了些少，如果唔煮得咁熟可能更好味！另外薯條都是一個賣點，非常香脆又大條，十分滿意。…查看更多

行過油麻地聞到好香榴槤味就周圍搵，搵到一間叫榴槤王嘅鋪頭有賣榴槤果肉同製品。見到佢地個招牌貓山王雪米餅就叫左一個試試。佢哋即叫即製，過程中見到佢哋用新鮮榴槤果肉嚟整個餡。大概等左10分鐘左右就整好了。未咬開之前有啲似白色嘅豬柳蛋漢堡。熱哄哄嘅雪米餅咬開之後榴槤果肉變左流心，流哂出來，非常之香嘅榴槤味湧哂出嚟，完全足料無呃砰！個雪米餅煙煙韌韌有啲似糯米糍，口感不錯。不過店內無座位，所以要企係度食，或者邊行邊食。…查看更多

我生日朋友帶左我去呢間食日本野。朋友訂左枱，但都要係門口等半個鐘先有得入座。超級鐘意食海膽既我毫不猶豫點咗個大海膽飯。另外叫左啲壽司，三文魚籽飯同埋辣酒煮硯。海膽飯嚟嗰陣我望住成座山咁高嘅海膽，太興奮了！海膽下面嗰層有吞拿魚蓉，連埋飯食配搭一流！！不過大海膽飯一個人食會好漏，2個人食就剛剛好。三文魚籽多到滿瀉，勁正！個辣酒煮硯都係精髓，唔太辣，硯又好鮮甜。整體而言今餐都非常滿足，食物味道都好味，唯獨是等位等得耐，門口又不太寬敞，幾個人等都好逼。…查看更多

2018年11月男朋友生日，正當我苦惱緊應該簡咩餐廳嘅時候，我入OpenRice search西式餐廳，俾我搵到當時還是試業階段頭幾日嘅Bellevue Bar and Grill。(到而家先得閒寫食評😂)呢間餐廳位於油麻地地鐵站附近，非常方便。上到去好似包場咁，可能因為我地時間早，同仲試業緊嘅關係。餐廳氣氛好好，好有情調，播的歌係西方舊嘅情歌，好好聽。之後我地叫左2個 set，先上左頭盤沙拉，又有湯飲，賣相都好靚。港女嘅我當然係相機食先啦。然後到主菜，我食肉眼扒，非常好味，肉質好嫩滑又易咬，個汁先係亮點！另外服務都相當之不錯，waiter笑容滿分！甜品係焦糖燉蛋，我預早備注要寫Happy birthday ，一上甜品就令男朋友非常開心瘋狂影相。這間餐廳令我感覺很舒服，我之後有咩慶祝活動都會再食！…查看更多