fatlo215的个人专页

自從十年前呢區開左呢間回味車仔麵之後，我就時常幫襯，食慣左佢地嘅味道就唔想再食第二間，我又比較麻煩鍾意走湯，凍飲又要少冰，比著第二度都嫌煩或做漏，佢地永無甩漏！所以值得介紹親友去幫襯佢地！做食肆能夠企隱幾年都難，何況十年？祈望貴店上下繼續努力，再服務本區多幾十年吧！…查看更多

久聞珠江酒家麻甩格局 , 菜式挑戰健康而聞名 , 終於有機會比我試到了 ! 同家父兩人六點幾去到 , 一入門口有一女士就問有冇訂位 ? 我答冇呀 !咁佢就睇睇本訂位薄 , 之後就問我七點半交枱得唔得 , 我就話梗係得啦 ! 入到去已見有一家人在開飯中 , 女士安排一張樓梯底大枱比我地 , 坐低之後就睇牆上如揮春嘅菜式 , 好多都好吸引 , 例如金沙黃金魷魚啦 , 涼拌花甲啦 , 豉油皇鵝腸啦 , 椒鹽墨魚咀之類都好想食 , 奈何只有兩個人 ,同埋呢到碟頭頗大 , 所以只點了潮州蠔爽 , 勝瓜浸蝴蝶腩 , 豉油皇炒麵三樣 .潮州蠔爽隻隻都好大粒 , 蠔味足 , 得兩個人食的話略嫌有D漏 ,勝瓜浸蝴蝶腩 , 清清地 , 呢個時間食瓜好合時 , 蝴蝶腩家父好喜愛 , 密密食 , 帶點豬肺味嘅蝴蝶腩有D有筋膜位嘅地方煙煙韌韌 , 十分好味 !豉油皇炒麵係用粗麵黎炒 , 色澤較淡 , 味道適中 , 唔會過咸 ,因碟頭大好足料及蠔爽比較漏嘅關係 , 兩個人係食唔哂嘅 !   今次得兩個人食唔到太多野 , 下次一定約齊好友再戰珠江 !( 一路食時見到訂左枱嘅客人沿沿不絕咁黎到 , 可想而知此店係好受各路挑戰者歡迎呢 ! )   …查看更多

今次九個人選擇左呢度聚會...開頭選擇左個$1600的十人餐 , 但係呢間食店的銷售手法有問題 , 人多的話實會話十人餐裡有好多野都冇哂 , 會推您去要個$2088以上的餐 , 咁就算啦 , 咁就要個 $2088的餐 , 但問題又黎喇....$2088 的餐有個翅 , 但佢會同您講個翅唔好食的 , 加錢換第二D海鮮 , 我地就轉左聖子 , 之後又話冇蝦 , 又換左做瀨尿蝦 , 加埋補左百三蚊 , 雖然唔係話補好多 , 但佢地做生意手法好有問題...食物方面係唔差嘅 , 芝左焗龍蝦仔個芝士汁保持水準 , 其他海鮮亦好好味 , 朋友們都食好開心 , 橙汁 , 竹庶茅根 , 金威啤任飲 , 白飯任裝 , 仲有椰汁糕及橙送...對佢地食物滿意 , 只係不滿其銷售手法...因為唔係第一次係咁了...係次次都係咁...        …查看更多

呢間小肥牛响大圍初初開時黎過一次 , 果時價錢合理 , 質素過得去 , 昨晚再到此店晚飯 , 發覺中伏了,黎到呢度先真正感受到咩叫百物騰貴 , 首先叫左湯底 , 係蕃茄薯仔牛腩湯 , D料少到呢...  點左隻象拔蚌 , 3.8一両 , 佢秤左32両 , 牛肉粒 , 簡直係叫牛碎 ,  碎濕濕咁 , 羊肉片正常 , 清酒黑豚肉 , 呢個根本就似肉眼筋片出黎 , 皇帝菜普通啦 , 墨魚滑 , 隔左成個鐘先黎 ,  前後催左三次 , 味道唔錯 ! 鱔片 , 呢個先攞命 , 一碟四塊 , 售$62 , 即時退貨 ! 完全唔明點解呢間可以開咁多分店 , 講真 , 好多有名的火鍋店我都去過 , 收費貴得黎食物份量都叫合理 , 呢間野牛肉粒我唔介意佢少 , 因為而家牛肉真係貴 , 但都請交D似樣嘅食物比客吖 , 牛粒同牛碎冇咩分別囉....個鱔片真係不得了 , 我自問真係食唔起....         …查看更多

經常於新蒲崗晚飯的我 , 看見呢間閒日靜過鬼的餐廳 , 終於鼓起勇氣入去試試 , 進餐當時為星期六, 全場爆滿 !但明顯人手不足 , 眼見計埋廚師只有四人 , 全部踢哂腳 , 當晚大部份客人皆選擇任食火鍋 , 只有幾枱客人食鐵板扒餐, 我亦都係食鐵板扒餐 , 點了個什扒餐 , 有餐湯 , 餐包 , 什扒 , 飲品 , 價錢為$60 , 餐湯要了羅宋湯 , 味道黎講好過飲水 , 因為比水黎講多左些少酸味 , 但只係一個失敗的羅宋湯 , 什扒餐內有火腿 , 煙肉 , 腸仔 , 豬扒 , 雞扒 , 薯條 , 雞扒咸到死 , 豬扒唔錯 , 其他冇特別 , 黑椒汁冇味 , 餐包冇食 , 因為看見到員衛生意識不足 , 所以浪費個包都好過要睇醫生 ,事緣該店有個開放式廚房 , 可看到店員工作情況 , 當時看見一店員抱住一包冰 , 狠狠地將冰摔落地下打散D冰 , 呢層可以理解 , 之但係打散哂 D 冰後 , 店員再次攞起包冰收埋 , 之後就徒手攞餐包放入微波爐叮熱個餐包 , 問題就係包冰掉過落廚房地下 , 廚房地下唔慌乾淨得去邊啦 , 點解唔洗手先去攞餐包呢 ? 一切看在眼裡 , 所以白白浪費左餐包了 , 雖然個餐包唔係值什麼錢 , 但都唔想浪費吖嘛 , 仲有就係因為佢地做埋火鍋 , 食到咁上下就要加水啦 , 果到地方淺窄 , 店員揸住壺滾水打衝鋒咁 , 有次仲差 D 仆倒 ,仆倒的話就大件事了 , 因為裝滿滾水嘅壺係冇蓋的 , 一仆倒實有人被燙傷 , 請店主注意一下吧 , 任食配料種類不多 , 好多客人要催促先有食物上枱 ! …查看更多

尋日同女友一行兩人路經深水埗時想食下午茶 , 就去左北河街搵食 , 去左一間越南食店 , 老闆娘好熱情及熱誠 , 一坐低就問我地係咪第一次幫襯佢地 !我地話係呀 , 佢就介紹左佢地熱賣食品比我地 , 又會同我地講唔駛叫咁多野食 , 咁我地就睇 MENU 啦 , 我叫左一個正常 SIZE 嘅香茅豬扒配風沙雞亦撈檬 , $28蚊 , 跟飲品 , 女友就叫左一個迷你餐嘅越式蝦膠扎肉番茄湯米 , $23蚊 , 跟飲品 ,跟手老闆娘問我地試唔試吓 D 小食 , 春卷 $15 有三條 , 可以叫兩條都得 , 價錢照除 , 再推介埋蝦餅比我地 , $27 三件 , 不過佢驚我地食唔到咁多 , 所以幫我地寫左一件 , 價錢又係照除 , 等左一陣 , 食物開始陸續黎 , 我本應一開始食撈檬先 , 老闆娘先狀就同我講 , 食左 D 熱野先 , 凍左唔好食 , 咁樣我地就聽佢講食左熱食先 , 春卷跟生菜 , 自己包黎食 ,春卷好脆 , 用米紙包好薄 , 但都好脆 , 蝦餅食到有蝦味 , 但又唔似泰式果種上好厚粉黎炸 , 食完呢 D 我就開始佢嘅撈檬了 , 配料及份量好足 , 豬扒醃得好入味 , 風沙雞亦似牛油雞亦 , 但冇咁油 , 肉好嫩 , 女友果碗越式蝦膠扎肉番茄湯米好好味 , 蝦膠好彈牙 , 番茄湯好夠味 , 女友差唔多飲哂碗湯 , 之後都唔覺好口渴 , 老闆娘响我地食到尾聲時包左兩隻外賣杯比我地 , 話係越南咖啡粉 , 送比我地返去飲 , 不過我地好少飲咖啡 , 所以唔識分好唔好飲 , 好飲過 SUPERMARKET 買果 D 啦 ! 兩個人共食左 $71 蚊 ! 個人覺得如果真係鍾意食野可以去試 ,如鍾意食裝修嘅就唔建議去了 !http://static3.openrice.com.hk/UserPhoto/photopending/4/3DH/00NZWW01E51DF512BAA202c.jpg…查看更多

星期二到深水埗工作 , 原本會到常去的華南食 LUNCH , 路過新香園 , 一直知好多人話佢蛋牛治好冶味 , 就去買一份黎食啦 , 等左約五分鐘 , 响門口一拎到就即食 ,點知一拎上手已經覺佢搵笨 , 食落仲發覺名過其實 , 因為一份蛋牛治賣 $15 , 烘底加 $1 , 即係 $16 , 加 $1 唔係問題 , 問題係烘左同冇烘只差一點點 , 完全冇食多士果重乾身脆口感覺 , 揸上手係軟(淋淋) ,至於個蛋牛 , 蛋只有微微蛋香 , 牛就完全冇咩味道 ,不過 , 可能呢次黑仔啦 , 下次路過比多次機會佢 ! …查看更多

一月中幫襯過隔離新九華徑之後黎呢度幫襯作比較.......吉吉燒場地睇落係比隔離大 , 但係星期六去時好多人 , 我們一行十人被安排坐於人群中 , 人多時根本同隔離場冇分別 , 一樣都係密麻麻好迫 , 食物方面個人認為都係隔離場多花款 , 最可取只係香草豬仔脾 , 用羊扒醃法 , 的確好香 ! 雞扒好味(呢個難食就驚) , 丸類都係一般行貨 , 其他食物好多都帶辣 , 真的普通過普通 , 場主注重環保係好 , 但D碟立痴痴囉 , 攞食物嘅雪櫃極差 , 係敞門式 , 即係左邊有人夾野時右邊果個要等 , 有時遇到D盲毛仲可能被對方夾到手添 , 繁忙時間有REFILL不足情況出現 , 好多時係去到見到雪櫃食物疏落 , 等又唔係 , 行多轉又唔係 ! 場中有音樂播放 , 音量適中唔會太大聲 , 有人生日會播生日歌 , 呢方面唔錯 , 職員好主動問駛唔駛加炭 , 呢樣響其他燒烤場係冇的 , 值得一讚呀 ! 廁所充足整潔唔臭夠光 , 雖然係踎廁 , 但個人認為公廁用踎廁比坐廁好 , 啤酒較貴 , 半打要$108 , 整體黎講吉吉燒勝在夠主動 , 而隔離場D人就比較粗豪D , 各有各好 !…查看更多

呢間車仔麵開左約兩個零月 , 我幫襯左不下二十次 , 佢地D車仔配料雖然同其他車仔麵店差不多 , 但係佢地嘅烹調味道就比同區的好 ! 今日再去我就叫左牛腩 , 鹵水雞翼 , 豬皮 , 及靚姐請我食的一條炸蝦條 , 牛腩好冧好夠味 , 鹵水雞翼好入味(鹵水雞翼差唔多必點) , 豬皮爽口及大塊 , 炸蝦條有蝦味及有咬口 , 唔會話粉多 ,配料份量好足 , 麵底都有多種比客選擇 ,如銀針粉 , 上海麵 , 米線 , 油麵及其他大路麵底 ! (有埋瀨粉就好了)整體比同區的(一新)好幾條街 , $25一麵三餸送冷/熱飲品 (茶水都做得唔錯) , 以今時今日通脹咁犀利黎講 , 咁嘅價錢咁嘅份量及味道算超值 , 一家大細好努力咁用心去做 , 由朝做到黑真係辛苦及唔容易 , 雖然店仔細細 , 但好光淨 , 服務好好 , 仲有此店保持傳統 , 唔係用而家流行的點餸紙去點餸 , 而係一入去就可即時點餸 , 點完就幫您拎埋 , 很有效率及環保呢 ! …查看更多

呢間金牌小龍未黎香港之前 , 响深圳有幾間分店 , 但名稱係叫鼎泰豐架 !舊年年初去深圳都仲係叫鼎泰豐 , 但年中去就改哂做金牌小龍喇 !但D(架餐)都仲有鼎泰豐名稱 , 可能為左响香港開分店嘅原因啦 !知道香港有正牌响到就改哂名了 , 食物方面坦白講 , 一定冇鼎泰豐做得咁好 !但價錢就冇鼎泰豐咁貴 , 如想頂癮又糧尾的話可以考慮嘅 !我當晚兩人九點幾去 , 因為夜了所以只叫了三樣食物 !小籠包 , 担担撈麵及魯肉飯 , 小籠包唔夠熱,但好食過霸王山莊 !担担撈麵係小辣 , 份量足 , 魯肉飯如大食的話就唔好叫了 , 好細碗 !服務方便就參差左D , 有D好好禮拜 , 但有D就唔掂了 !擺位擺到嘭嘭聲 , 同D碗筷有仇唔緊要 , 收舖打爛哂佢都唔緊要 !但對住客人請細力D放吧 ! 真係耳都比佢整得聾呀 ! …查看更多

女友成日想試的霸王山莊 , 呢晚終於試左 , 但應該唔會有下次了 !當晚係九點幾先至到 , 因為算夜唔想食太飽 , 所以只叫了三樣食物 !叫左小籠包 , 半隻風沙雞及霸王炒飯 ! 霸王炒飯飯太(淋)身 , (明明就係楊州炒飯,懶勁咁叫霸王炒飯,仲要叫招牌菜)小籠包唔夠熱 , 用料過肥 ! 風沙雞皮脆肉嫩 !點解會係試一次就夠 ? 因為碗筷不太清潔(雖然一般都會自行沖洗,但見到都唔想洗)同埋最唔鍾意擺低要收費之所謂小食 , 因為唔係人人啱食 !份量及價錢不合理 ! 比呢個價錢的話我會選擇去鼎泰豐 !起碼人地食物做得好同埋招呼極有禮貌 !…查看更多

光棍節約左一班舊同學BBQ聚舊......貪呢到算方便 ! 所以一早BOOK定位 !預先ORDER左海鮮拼盆 每盆$120燒焗日本味噌魚 每盆$100蒜茸焗虎蝦十隻 ! 韓式燒牛肉(4-6人用) 每份$100 共兩份 !其他食物如雞翼,豬扒,豬頸肉,牛扒,牛柳等各種食物均可於場內任取 !基本的食物味道OK ! 調味適中 ! 反而另外ORDER的食物就不太好了 !燒牛肉沒有味道及太肥 ! 虎蝦我冇食 ! 不便評論 ! 海鮮拼盤還可以 !燒焗日本味噌魚太腥......所以整盤也加了大量薑片去焗 ! (加左咁多薑都辟唔到腥味) 整盤魚及燒牛肉白白浪費了 !這個BBQ場是我去過的算擠迫,但幾乾淨 !雖然BBQ當晚為閒日 ! 但場內很快爆滿 !服務OK,有禮貌 ! 廁所乾淨 ! 怕狗的人請注意 ! 場內有多隻很乖的唐狗自由活動 !但不會滋擾人及不會向人討食物 ! 因為這些狗是場主飼養的 !當晚場內有很多愛狗人仕主動跟牠們拍照呢 !…查看更多

叫過呢間都不下多次 !通常叫佢地嘅套餐....自取唔轉批$120有大PIZZA , 飯或意 , 小食 , 飲品 / 湯 / 蒜蓉包 !整體水準一般及不穩定 ! 焗意粉比較乾身得滯 ! 飯就濕得滯 ! PIZZA就唔夠熱(我唔係好遲去拎架咋 ! 不過芝士幾多嘅) ! 蒜蓉包因為老父鍾意食 ! 所以次次都叫 ! 但我就覺得麻麻 ! 因為冇蒜蓉包應有嘅香味 ! 炸雞算係KEEP到水準嘅一項 ! 初開張第一次食就唔覺掂...之後食就開始轉好了 ! 肉質做得好嫩...冇家鄉雞咁鞋口 ! 燒排骨就覺得麻麻地了 ! 服務黎講都算可以嘅 ! 不過應該冇咩溝通咁囉 ! 成日一個打黎話外賣可以拎 , 收線冇耐另一個又打黎 ! 仲有嘅係有個女仔成日發夢咁囉 ! 完全唔識分應該做咩先咁囉 ! 拎親外賣比錢時唔係(禁)緊電話就接電話 ! 要人等佢搞掂先收錢囉 ! 完全唔識安排第二D同事跟囉 !又成日問人要唔要餐具 ! 支持吓環保 ! 講真吖 ! 唔係話唔支持環保 !而係我外賣的話已經極唔環保啦 ! 又膠袋..又紙袋...又紙盒..又鍚盒...又膠蓋 ! ( 咁就唔爭在果兩支叉及一把刀啦 ! )(做外賣為主都唔講得話環保 ! 同我上面講嘅外賣所需嘅用品之外 ! 佢地仲要係電單車送外賣 ! 增加碳排放 ! 相對地我行去自取更環保吧 !整體黎講PIZZA癮起的話可以試吓 ! …查看更多

女友想打邊爐 ! 又想試吓呢間 ! 咁就同佢去啦 !大圍呢間地方唔算好大 ! 招呼都算唔錯 ! 全部用電爐 !牛肉有好多選擇 ! 我地叫左個$28標準本地牛 ! $10嘅和牛牛頸脊$28嘅花雕牛肉 ! 三寶丸(牛,墨,豬) ! 黃喉 ! 黑柏葉 ! 標準本地牛呢個價錢絕對食得過 ! 不過我果日果D有根 ! (就當有咬口啦)$10嘅和牛牛頸脊我覺得麻麻 ! 因為我食牛係鍾意有(0趙)頭嘅 ! 所以和牛太淋唔啱我 !$28嘅花雕牛肉不叫也罷 ! 鞋口又UN ! (早知叫牛肉刺身啦)黃喉好爽脆 ! 不過本身冇咩味...要靠配料調味 !丸類都OK ! 牛丸有好重嘅果皮味 !黑柏葉都唔錯 ! 都係好爽 !我地9:30入座,買三送一 ! 即四樣野以最低價錢果樣免費($18以上) !冷氣幾勁 ! 女仕記得帶外套喇 ! …查看更多

呢間野一次比一次差 !可能百物騰貴啦 ! 個豬扒包越黎越細個 ! 塊豬扒又係越黎越細塊 !同埋而家真係名大於實了 !仲係好多人去食 ! 已經冇咩好講了 !我唔會再幫襯了 !…查看更多