豬慧文的個人專頁

在美林村搞完啲野就去凱施買個包去搭車走人, 買咗蒜蓉包($5.5)再加$12要樽奶茶, 塊蒜蓉包雖然唔係剛剛出爐, 唔係熱辣辣既, 但仍然係外脆內軟, 個包邊脆卜卜, 咬到入面的麵包部份就軟熟的, 蒜蓉味好夠香, 好味道! $5.5都幾大塊, 幾抵食吖.至於樽奶茶, 同平時便利店買到既唔同, 因為呢樽話自己冇加防腐劑既, 仲係每日新鮮製造, 聽落幾好咁! 用上LIPTON錫蘭紅茶, 茶味香, 奶味亦濃厚, 口感滑滑地, 幾好飲!!正~ 買咗野就可以加$12換一支, 但如果單買一支奶茶就要$15了~…查看更多

有事要做來到美林村, 先吃個早餐, 近排有個超值早餐有一碗榨菜肉絲米粉, 兩件蕃茄碎蛋三文治和飲品都係25蚊, 幾抵食就試下啦. 買食物時唔洗點等, 不過去到取食物的部份就等了好耐.....原本要排隊等取食物係好正常, 但這間分店的運作實在好混亂, 排了一會後我已經是排第一名取食物的客人, 爭碗榨菜肉絲米粉我就已經可以搵位吃早餐....但放食物的員工只懂把食物放在他們眼前的食物盤上...我見到他們已經把榨菜肉絲米粉先放給排在後面的客人, 還不止一次...要我忍無可忍開聲跟他們說我爭個米粉....他們才把下一碗米粉給我....我唔明白點解會咁樣安排分配食物....希望呢間連鎖店可以再培訓員工吧...至於食物黎講, 呢個餐確係唔錯的, 榨菜肉絲米粉雖然佢話係細碗, 但我覺得份量唔算細了, 味道都正正常常, 還有兩件蕃茄碎蛋三文治, 入面都幾足料, 味道唔錯, 再飲埋杯熱奶茶, 熱奶茶質素不錯, 這個餐都好飽了. 希望佢可以長期有呢個早餐比人選擇啦.…查看更多

早幾日在公司打仗, 由朝早忙到夜晚, 古語有云"吊頸都透透氣啦", 有兩個偉大的同事就為人民服務"鼠"落隔離街的半熟工房買啲正嘢食叉叉電, 所以我就趁下午茶時間試咗呢個"半熟芝士布甸"!!雞蛋布甸就食得多, 芝士味真係第一次食, 好正, 質地好淋好滑溜, 唔係超級市場果種硬身布甸.  芝士味亦都好香, 帶有少少芝士嘅酸味, 又有啲好香嘅牛奶味+芝士味, 好好味! 有驚喜! 細細杯食完都唔怕會好肥雖然以呢個份量嚟講齋睇價錢好似唔平, 不過性價比都好高嘅, 一分錢一分貨啦! 推薦鍾意食芝士味嘅人去試下!P.S.:同事平日下午去買唔駛排隊!…查看更多

今次經過尖東, 當然要上天橋的林昌記食魚蛋! 照舊一杯7粒原味魚蛋, 只售$10~真係好味又抵食! 魚蛋顏色雪白, 每粒圓圓的好飽滿,  好有魚味, 不過又唔腥, 最重要係咬入口既口感爽口彈牙, 魚肉軟綿綿, 真係做到佢寫出黎既 "滑而不膩" 的口感, 好正我通常食兩三粒原味之後, 就會加少少他們的自家製辣椒油, 原味配上辣油真係無敵, 辣度溫和, 唔算好辣, 不過好香, 好惹味, 同白魚蛋既濃郁魚味相輔相成! 下次會試埋"金蛋" (炸魚蛋) :)…查看更多

間唔中都會來永珍吃午餐, 今次就嗌左"茄露牛腩飯"...個飯一黎到見到咁紅有點驚嚇真係好蕃茄!茄露入面仲有幾舊蕃茄, 幾片大大的紅蘿白, 同埋主角牛腩. 茄露味道好開胃呀, 酸酸甜甜幾好味, 蕃茄味唔會好假, 估計應該真係用新鮮蕃茄淆成的, 蕃茄味好香, 個汁食落感覺幾鮮味. 主角牛腩更加係十分驚喜, 雖然每件都大大舊, 但原來咬落口完全唔"鞋", 好林好嫩滑, 好想知佢係點樣處理牛腩可以令佢咁林..讚!不得不提, 碟白飯好大碟, 雖然個茄露撈飯好好食...但都係食唔晒, 細食的人真係要叫少飯!…查看更多

是日買了半熟朱古力撻吃.賣相好吸引, 大大個, 漲漲的,  深啡色的外表不用說朱古力味一定會好香濃; 食第二次都覺得很好味! 咬落脆脆的. 通常其他店的朱古力撻都用平常的牛油皮做撻邊, 不過這裡除了內裡的餡料外, 連個撻邊都係有朱古力! 令到滿口都充滿濃郁朱古力的味道, 感覺超幸福的說!!! 而入面餡料都好香滑而不過甜, 口感幼滑. 朱古力控快快去吃吧!…查看更多

今晚叫了麻辣雞中米線，這裡有個特別好的地方，就是米線份量可選細中大三款size，我第一次去唔知究竟有幾細幾大，就穩穩陣陣叫中size啦～米線黎到之後發現份量都唔少㗎，如果平時細食的話，可以叫細就ok了。味道黎講，唔知係咪我未去到前已經對佢有些期望，所以吃了之後就覺得沒什麼特別。。望落去個米線湯底應該係普通清湯（他們都不像其他米線店有幾款湯底選的，湯底是冇得揀的），上面就加了一堆麻辣雞連洋蔥和醬汁，雞的份量是頗多的，但食落去真係食唔出麻辣味，覺得有辣味但麻味就欠奉了。雞肉就有少少鞋，不過都可以接受。米線的質量反而不錯，粗幼適中，很滑，吃得耐米線也沒有發漲的感覺。…查看更多

今日又黎左一休食個lunch，我間唔中都會去呢間食lunch，晚餐就真係未試過，貪佢午餐有好多選擇而價錢都經濟，環境方面雖然餐廳環境都幾舊而且燈光昏暗，但係so far 都未比我見到小強今次叫了槍燒鰻魚飯，跟餐的一碗面豉湯和飲品先到～ 面豉湯屬正常普通水準，熱辣辣的，飲品叫了杯熱鴛鴦，反而幾有驚喜 因為估唔到佢沖得幾好飲 碗飯的賣相都唔錯，鰻魚有五六片 份量都算唔少，雖然每塊的厚度都相當薄，但都幾好味而且全部都冇骨的，略嫌佢唔夠多鰻魚醬汁，多d 汁可以撈飯就更好。啲飯係壽司飯嚟，室溫偏涼少少的溫度，好似食緊好多件鰻魚壽司咁:)壽司飯都調味不錯，醋味適中。上面仲有好多我最愛的紫菜絲，撈埋一齊食幾好味。…查看更多

週末來了大圍吃下午茶，選了這間專門吃生蠔的西餐廳，但下午茶吃生蠔實在太誇張了，所以都只是在下午茶餐單上選了個意式茄汁辣肉腸尖通粉吃～雖然是下午茶，但來到發覺份量都不算少，味道剛剛好，酸酸甜甜，不會太鹹太濃，而且夠多汁，每一條尖通粉都沾滿茄汁的，肉腸的數量都不姑寒，而且上枱時熱騰騰，相信是即叫即煮的，相當不錯 幾好味！環境就真的蠻擠迫，好窄，不過香港寸金尺土 冇乜辦法，所以如果諗住係傾計食飯的cafe就不要到這裡了, 我也識趣地吃完就立刻埋單！服務方面，很久之前來過這裡食飯，記得果陣覺得兩位女侍應的服務態度都不太好，今次再來可能是已經換了人，服務好得多呢。…查看更多

住呢邊的朋友告訴我這間燒臘飯店好出名的，今日去開灣仔就去朝一朝聖啦！點了油雞叉燒飯～先講講白飯，飯質有少少稔，燒味飯的飯身如果硬身少少更好吃，不過這個都還可以。叉燒切得好大件，唔講以為係燒排骨可能因為叉燒偏瘦又厚的關係，覺得有少少鞋，但色水唔錯，食落口都幾有肉汁，味道幾香帶點蜜甜～油雞就沒有什麼特別，略嫌雞皮有點太肥，不過就幾入味幾香，同埋雞肉都算嫩滑的。  感覺和其他燒臘飯店沒有什麼大分別，試下便可。…查看更多

好耐冇食過exp了，今晚和男友二人來這裡食個晚餐，因為6點半就去到了所以唔洗排隊等位！款式其實唔係太多，最後點了鮮茄水牛芝士薄餅和燒帶子墨魚忌廉汁意粉。鮮茄水牛芝士薄餅：好得意，落單後侍應放了個木製的X型座在我們枱上，原來是用來放pizza的～呢度的pizza係長長地既橢圓形黎既，pizza賣相好吸引，未食已經聞到好香，pizza上面的水牛芝士都唔少吖，正～pizza底外脆內軟，食落口口感很鬆軟，而且pizza焗得唔錯，見隔離枱份pizza焗得有點燶，我地呢份就好彩冇事。鮮茄感覺好juicy，配埋芝士感覺會冇咁漏，味道亦好夾呀！燒帶子墨魚忌廉汁意粉：見好多人都有叫這款意粉，就點黎試試啦。質素不錯的，意粉軟硬適中，都幾彈牙～帶子都煎得幾好味，唔會太熟太乾，時間掌握得唔錯。意粉上還有些蟹籽和菜苗，除了意粉的彈牙，還加了蟹籽和菜苗的爽脆，令到口感更豐富了！滿意，下次會再來試下其他款式的pizza:)…查看更多