Kannie Bobo Chung的個人專頁

一對好有心嘅夫婦，因為覺得退休對佢哋太唔適合，所以個女打本比佢哋搞一間自己嘅食肆，老闆娘話佢先生本身喺酒樓做大廚，所以已經有好多年嘅大廚經驗，大廚出身嘅先生，加上呢位背後女人助力，開業至今做到停唔到手，好多時候一早已經賣晒佢哋嘅招牌乳鴿。點解會知道佢哋嘅故仔？呢對夫婦之前接受報紙訪問，喺佢個舖頭都有張貼分享出嚟。我幫襯嗰日啱啱有另外一個女孩子話喺報紙度睇到佢哋嘅報道，專程去買佢哋嘅斑蘭糕，仲叫夫婦倆繼續加油。而我就專程去幫襯佢哋嘅招牌乳鴿飯，同埋手撕雞飯準備聽日食，另外啲炸豆腐真係超正，有原味同芝士味，外脆內軟口感啱啱好，彈牙芝麻卷同香脆炸鮮奶唔係太甜，健康又好食，老闆娘話每日要準備最受歡迎嘅招牌班蘭糕都要花上三個鐘頭。老闆娘非常友善健談，見到冇乜客戶嘅時候，過嚟同我傾偈，所以知道佢哋咁多故仔，超水準嘅乳鴿仲係平民街坊價錢，一隻乳鴿只係為$36，我諗都幾難搵到呢個質素嘅乳鴿係咁平。大家去深水埗大力推薦呢家店幫襯，一定唔會令大家失望。…查看更多

食材都好健康同埋好有質素，非常新鮮，兩人餐嘅份量剛剛好，有各種類火鍋配料，就是環境，也很有香港地道復古的特色，是我國內朋友特別推介，也是她的飯堂，所以特地這裡請客招待我，人流也是附近最旺呢！…查看更多

好有質素嘅意大利餐廳，我哋因為太夜食，叫咗個set dinner同我個朋友一齊食，個risotto海鮮飯好味道，食材新鮮，除咗味道之外，擺設都好靚，色香味俱全正宗意大利餐，環境氣氛都非常唔錯！…查看更多

呢間味道唔錯，食材都幾新鮮，環境就普通，招呼都ok。自己嚟過食幾次，好多次都係半夜收工或者開工，然後想搵間麵舖，於是就係呢度落腳。佢哋有牛腩麵、魚蛋麵、雲吞麵等，價錢都算係合理。如果特別係半夜三更喺旺角搵地方食嘢，呢間可以考慮下。…查看更多

灣仔地區算係差唔多最抵食嘅雲吞麵舖，呢度人流都好多，所以食材好新鮮，今日叫咗淨雲吞，雲吞裏面嘅蝦非常之爽脆，豬肉都好鮮味。好多時候選擇餐廳，都會揀啲人流多嘅餐廳去食，因為食材九成九都會非常新鮮，呢間餐廳位於頗旺嘅街道所以人流特別多。呢度一個套餐，包一碗麵、、一杯豆漿，同一碟菜都係四十幾蚊，價錢經濟實惠。…查看更多

今日啱啱經過太子道西行街行到超口渴，所以就同我個朋友每人買咗兩杯飲品，包括奶蓋，加埋啲清清哋嘅關東煮。老闆娘好友善，麻雀雖小,但係老闆娘親自出嚟招呼我哋，我最鍾意飲嗰個奶蓋飲品，平時飲柑桔檸檬或者紅蘿蔔橙汁就多但係加埋個奶蓋，又有另一番風味，同個飲品好夾，而且喺出面好少見到咁樣嘅奶蓋飲品組合，奶蓋芝士好新鮮、同埋好香滑，幾杯飲品覺得好解渴，老闆娘話佢要確定啲奶蓋一定要新鮮，飲品嘅質素要高；關東煮食得出食材好新鮮同埋完全冇隔夜味道，食得出老闆娘真係好用心同埋好用心思嘅製作，如果去開太子道呢頭，真係值得幫襯下，超讚！奶蓋甘吉檸檬 29芒果雪梨鮮奶 37起司奶蓋紅蘿蔔橙 36關東煮 四餸：海帶結串、雞肉、芋絲串、 西蘭花 39…查看更多

用政府消費券食下午茶超抵！呢排可以用政府消費券，用wechat畀， 加埋wechat裏面商戶優惠食下午茶，35蚊嘅免治牛肉蛋飯 、燒雞翼、加熱檸茶，35蚊減咗三蚊變32蚊。 食材都好新鮮始終係大嘅連鎖式快餐店，所以 食材消耗咁多， 應該好新鮮啦！ 平日都幾鍾意嚟呢度食，因為佢哋都有提供健康餐，譬如可以轉紅米。 加上街坊價，抵食！…查看更多

今日啱啱上到山頂 ， 搭山頂纜車一出閘口第一間見到嘅香港地茶餐廳，好方便好就腳呀！我就入嚟叫咗個好有家的味道及 兒時 味道嘅午餐肉太陽蛋公仔麵。食材都好新鮮，不過不失，其實呢啲地方最緊要係就腳、方便、食環境，同埋食完可以即刻出去跑步行山，超方便！…查看更多

真係好有香港特色家的味道嘅茶餐廳，同埋店內非常之光猛，無論提供嘅食物、餐飲或者佈置都好香港特色，不過有種現代化嘅感覺，入到去好似有種好熟悉嘅味道，不過又有啲好潮嘅感覺。佢哋嘅菜式名稱都起得好有特色，佢哋叉燒加雞蛋飯，煮得好有鑊氣。我來過好幾次都覺得佢哋嘅食物煮得好到位，好好味，同埋食材都對非常新鮮，價錢都係幾街坊價，加上近排可以用政府消費券，所以更加抵食。…查看更多

今日去咗佐敦一間非常精緻嘅日本餐廳食下午茶，裏面同出面嘅裝修都好有格調，裏面以灰色為主，坐嘅位置都好舒服，感覺好似去咗日本一啲特色餐廳小店食嘢咁。價錢都算非常相宜，係其中一位負責人招呼我哋，非常之friendly，遞咗個ipad餐牌畀我哋而唔係傳統嘅紙餐牌，價錢以日本餐來講都算相宜，88蚊包曬主餐、前菜、同埋湯，老闆都好有諗頭，套餐有金、銀、銅、鐵四個款式畀我哋揀，我就揀咗烏冬麵，上菜時間好迅速，5至10分鐘已經到。如果喺佐敦想去一間有啲日本特色嘅小店享用一下，呢度真心推薦畀大家！…查看更多

今日去打波之前，我又想食得清清地，又想 搵返個就腳近打波嘅地方，因為好懷念細個食嘅豬紅牛肉粥，所以叫咗一碗 再加碟西生菜47蚊價錢都ok。粥煮得好棉，豬紅同牛肉都非常之新鮮， 讚！…查看更多

剛剛昨天去買了一個手撕雞湯麵的套餐，很欣賞那個裝麵的兩層碗，湯和麵都可以分開裝，不會令麵軟化，湯底也挺好喝，還有一個飲品送，另外雞是蒸煮、手撕，沒有特別煎炸烹調，加了青瓜也是挺健康的。…查看更多

下午茶時間我哋想搵返間有啲香港特色嘅茶餐廳，就入左去敏華餐廳，裏面裝修好光猛，食咗個雞扒公仔麵加個雜菜湯同檸檬水，個公仔麵炒得都好有鑊氣，雞扒食落都好新鮮，加上啲薑蔥喺面，配搭得唔錯。下午茶時間唔係太餓份量啱啱好雜菜湯有幾種蔬菜，加上味道都幾ok。…查看更多

呢間位於觀塘崇仁街嘅香港傳統小店，麻雀雖小五臟俱全， 好有香港傳統特色嘅小店風味，同埋真係有健康家常飯嘅感覺。 嗰日同個朋友一齊過去就叫咗蝦仁炒蛋、豆芽鱔線糊、酥炸雲吞、 粟米羹、同八寶茶。雖然係下午茶時間人流都頗多，上菜時間都好迅速， 5至10分鐘已經上曬所有菜式。 蝦仁炒蛋嘅蝦都好大隻同埋都幾多， 好耐未食過鱔糊， 同埋芽菜都落得好重手，因為我自己好鍾意食菜，而我亦都好欣賞個八寶茶，我連啲食得嘅配料都食曬， 而我朋友就鍾意食啲清淡啲嘅菜式，佢最鍾意個粟米羹，粟米超多， 我哋一齊每一碟餸都清曬碟， 食落真係好似返屋企阿媽煮餸嗰種感覺。如果大家經過觀塘附近有想食下一啲簡單家常便飯小菜，呢度真係一個好好嘅選擇！…查看更多

感謝卓賢匯商會潘會長特別推薦我到她朋友新開的韓國餐廳Kim's Deli試食，當晚老闆娘Agnes預備了港菜煎餅、 麵豉湯、石鍋飯、醬醃牛仔骨， 還有自家炮製的酵母水果茶給我們品嚐，開業不夠兩個星期，當晚旁邊幾桌客人都是韓國人，很好證明了是一家正宗的韓國餐廳呢。餐廳老闆娘說疫情之前她常常到韓國學習製作正宗韓國甜品、果茶等等，她也操一口流利的韓語，餐廳也聘用了韓國廚師主理，老闆娘說她堅持要賣正宗的韓國菜，不會特別轉變味道迎合香港人，讓香港人嚐嚐正宗道地的韓國味道。這裏介紹幾種特色菜：港菜煎餅韓國煎餅最大特色就是蔬菜特別多，這間餐廳用了很多的香港特色蔬菜炮製韓式煎餅，吃起來也覺得特別健康和很有香港特色， 利用地道蔬菜也會比較新鮮呢。自家製作酵母果茶如果在街上買酵母價錢可能會比較昂貴， 老闆娘提到不同的水果製作出來的酵母有不同的果效。她現在也有教授不同年齡層的學生製作酵母果茶，酵母可以有針對性的療效，例如某種酵母果茶是適合糖尿病人飲用，並且有治療功效。韓式拌飯（韓語：비빔밥 bibimbap或교반／攪飯 gyoban），韓文비빔是混和的意思，밥是米飯的意思，所以비빔밥就是拌飯的意思，是韓國百年歷史的傳統米飯料理，又稱石鍋拌飯，台灣亦有音譯為乒乓飯、嗶嗶飯，是一種著名的韓國菜餚，材料有米飯、炒過並加上調味的蔬菜、牛肉、雞蛋和苦椒醬。可以熱食或冷食，食用時把材料拌勻。石頭鍋飯記得要加韓式辣醬， 個人感覺韓式辣醬比較甜， 與其他種類的辣醬相比沒有那麼辣。大醬湯（或稱韓式味噌湯 ）是一種韓國特色料理，用韓國大醬（豆醬）為主要材料煮成的湯，其他材料有蔬菜、海鮮及豆腐，在韓國是平民代表性的料理。Kim's Deli:韓國人主理正宗韓國私房料理，堅持煮出韓國地道風味的韓國美食。地址：香港九龍尖沙咀廣東道82號流尚坊10樓全層, 香港電話：36203889…查看更多