saib522's Profile

成日經過都會見到幾多人買，今日就自己一試，買左個豬脾飯，酸辣鳳爪加左杯龍眼冰!個豬脾超林超入味，份量好足，好好食酸辣鳳爪可以有得選擇辣度，我就簡左少辣，但都幾辣下，好食嘅龍眼冰唔太甜總括黎講，價性比都幾高…Read More

食物整齊上唔錯，我叫左個檳榔白咖哩轉左老鼠粉，叫左杯桔仔話梅水。。但係有一個服務員我覺得佢態度十分令人反感，入去嘅時候冇人帶位。。冇人帶當然會自己搵位坐，間鋪岩岩開門冇乜人，當然想坐得舒服少少，跟住那個服務員就問我幾位，我答佢一個，咁岩我就坐左係梳化位，佢就咁同我講戈度坐4位以上架，你坐呢度啦！語氣十分不禮貌，我只回覆佢一句，我點知一個人唔可以坐梳化，你地又冇人帶位，當然自己周圍坐。。。隔左10分鐘左右，跟著又有一檯3位入黎想坐梳化，又講同一番說話，又唔比人坐。。。我唔明點解咁早都要hold住晒d檯?咁早真係會爆場?人地會霸住你張枱坐成晚?…Read More

都知唔係深水埗文記車仔麵架喇，但自己想食就走左去試下囉，點知中左伏，套餐凍飲加3蚊又冇啦啦收多人錢都算，檸檬茶冇檸檬味都算，叫左秘製香辣汁少辣得一滴都算，搞到都要自己落其他野去調味，最過份係個瑞士汁雞中翼12蚊一個餸得兩隻，為起6蚊一隻，6蚊一隻白灼雞翼，我自己整都得，洗鬼黎食！(鋪入面仲要寫住必食推介)真係攞你命三千。。。大家自行判斷下，我唔會再有下次…Read More

Openrice寫3點開門，我地3點10分到門口都未開門，都有啲驚驚地架喇。一入到去叫左個龍蝦雙層丼飯同築地壽司杯，個龍蝦飯難食到傻左，從未試過食喇咁難食既刺身飯，戈個咁既海膽醬，冇海膽味都算，你都唔好整得咁難食丫大佬!隻龍蝦完全冇味，好似食紙皮咁樣。2百幾蚊既丼飯，爭鮮咁既質數，呢間野都幾好賺。個築地壽司杯又係垃圾，你擺啲黑松露醬係個海膽上面，搶晒海膽啲味，整之前有冇諗過呢個問題架?不過可能粒海膽本身都係冇味既，其餘已經唔想打，中晒伏!P.S. Openrice 寫住5月21號，即係今日有下午茶半價優惠，但係個佢地話openrice唔update,佢地已經冇左下午茶優惠，咁即係個優惠未開始就已經冇左，咁好心你地就唔好出優惠啦!…Read More