jane26的个人专页

件事非常簡單，早前我經優惠訂購平台以$298 快閃價購買海雲天海鮮餐講明提供“鱈長蟹腳”所以$298 位我覺得物超所值，期待去食鱈長腳蟹。但優惠訂購平台近期推出快閃價$188 “松葉蟹腳。今天我去到酒家發現並沒有提供“鱈長蟹腳”，貨不對版。我行去收銀處問一個女士，請問你哋邊個係經理？她問我咩事，我話我在優惠訂購平台買的是“鱈長蟹腳”，女待應竟然欺騙我呢啲就係嗰啲蟹，我話鱈場腳蟹同松葉蟹腳係唔同。佢走去找男經理講：果個女人話......（我感覺一啲禮儀都冇，識唔識講有位女士）。我：你哋呢家提供係松葉蟹腳。但我買的套餐是鱈長蟹腳。後來男經理話：我哋有權更改，係優惠訂購平台寫錯。我：我之前買的$298 是“鱈長蟹腳”價錢比現在我套餐$188/位，每位相差$100。我話會向優惠訂購平台投訴你哋貨不對版。佢即刻叫我唔開心可以唔食，退返錢比你。我：我特登揸架車過嚟食飯！依家你咩意思？叫我走唔好食呀！男經理仲要越講越大聲，引起其他食客注目，目的想我難堪，要我知難而退！明明係你哋公司做推廣$298 打正排頭提供“鱈長蟹腳”，因為被“鱈長蟹腳”吸引我先會買，你哋呢個推廣未完，就推出另一個價廉$188 松葉蟹腳。變相令食客造成損失，我同經理講：你放心！我一定會同優惠訂購平台投訴你們貨不對版。#大聲說話、印起其他食客注目，故意令我難故意令我難堪，想我知難而退！呢啲行為真係不知所謂，自問我係客人都沒有發爛渣，身為酒家一個經理，處理手法極有問題！絕對唔會介紹呢間畀朋友。只有蒸蠔合乎期望食物質素差提供速度慢經常冇嘢食要等沒有我購買的“鱈長蟹腳”違反商品條例海關可以跟進！我比$298 食$188 的推廣，請問該酒樓這樣手法合理嗎？…查看更多

提前book枱5人晚飯要分開兩張枱食飯！今日食飯已經係有父親節套餐，order後上菜速度都好快，服務都唔錯,啲份量偏小，而且個壽桃包偏細:(仲要冇咸蛋，有點失望。個size細個平時食點心嗰啲壽桃包。最後，整體食物水準我覺得可以啦！…查看更多

收工又要諗吓邊度買外賣好！第一次幫襯呢間《火山燒》，買咗三個飯回家，加$29可以4撰3，要湯、沙律菜、飲品、是日串燒/炸物其中3款。食完之後，我認為唔會再有第二次去呢間餐廳買外賣返屋企。食物質素一般， 試咗烏龍茶海鹽奶蓋＆ 茉莉花海鹽奶蓋 ！飲品一啲都唔好飲， 尤其個吉列炸蝦…個粉厚度呢。以呢個價錢，中位高小小，有心想去試呢間新開日式餐廳。大家可以放棄呢一個念頭喇！因為今日本人試了，中伏！我未試過係openrice 比unlike, 呢間真係……讓我失望…查看更多

疫情之下六點後冇得堂食，就要變咗外賣返屋企！ 今日我買咗兩碗唔同湯底嘅牛肉麵， 蕃茄牛肉麵、醉酒三拼牛肉麵、肉燥蛋飯！ 湯麵味道ok，但係個肉燥飯唔得， 肉燥好咸。 外賣優惠價$65蚊有碗牛肉麵，可選擇要送既兩粒花之戀，但係花之丸炸到乾曬身，唔好食:(！或者可以選擇另外一啲飲品， 茉香蜂蜜綠茶或冬瓜茶！…查看更多

平時經過都見到唔少客人排隊幫襯， 今日放假終於與家人去試一試！ 除咗有新鮮出爐嘅菠蘿包，蛋撻之外。有車仔麵，招牌豬扒煎蛋飯， 同其他小食 例如煎釀三寶，豬大腸，豬紅等等，有茶餐廳一般奶茶咖啡凍檸茶，有特飲加紅豆冰，抹茶茶紅豆冰！ 今日試咗個招牌豬扒煎蛋飯$68同埋男神車仔麵套餐…… 味道係唔錯！但係價錢真係有啲貴， 普通一個車仔麵四個餸要68蚊！正男神車仔麵要$88, 我哋叫咗男神套餐$128同招牌豬扒煎蛋飯再加兩件蛋撻$6/件， 埋單加一， 手機落單有95折，折扣後埋單成為$222. 真心覺得車仔麵貴咗啲啲囉！…查看更多

北角有間泰國人開的泰國菜，小食及主菜都好好味，除左有泰式沙冰还有泰國啤酒飲，4人枱/6人枱卡位，坐得好舒服，員工態度親切有禮！今晚order 了泰式白雲鳳爪， 炸魚， 泰式串燒， 泰國生蝦， 泰國海南雞， 叫了一支紅酒飲！ 味道好好，尤其炸魚， 起曬骨啖啖肉 ，食得開心！今晚好滿足， 好食過九龍城嘅泰國菜館多多聲。 一定會再來光顧，下次叫埋屋企人或者朋友嚟食飯先！ 又畀我發現一個好地方！ 原來北角有一間好好食嘅泰國菜《暹羅苑泰國餐廳》，Siam Garden Thai Restaurant. …查看更多