yyuentingg的个人专页

VCity 小見韓食店 小店所以地方啲枱都好逼 飯面有小小蒸菜，但啲菜蒸到好腍😥😥見佢個飯寫明蒸飯，但飯底偏油 ，可能想製造有飯焦但又唔脆口，變左又油又唔脆口，有啲奇怪😥😥豆腐海鮮湯，味道正常唔會太濃太鹹 😉豆腐嫩滑，海鮮份量亦正常😉 配菜係泡菜+芽菜 無咩特別 🤨🤨但成個套餐要加1 埋單$86 略貴唔太特別出眾 …查看更多

搬左新鋪試試佢新鋪比舊鋪地方仲遠左，相對無咁方便。星期六下午茶時間都要等位～15分鐘　地方大左，位置多左，坐得舒服，但同樣地始終係戶外地邊，食緊時不時會有烏蠅飛。招牌芝士鹹牛肉豬仔包$23味道一樣，一樣出色，包皮脆，份量多，芝士加鹹牛肉正流🤤🤤豬扒雞翼蕃茄湯米線$53湯底依舊濃郁有蕃茄粒，夾起一住米線都會掛到湯。雞翼入味（瑞士味）得黎又夠淋但又keep到唔爛😍😍豬扒就正常煎魚餅$40$40有8塊 味道岩岩好，煎到好香口，條邊脆脆地，size略為小所以覺得價錢略貴雞翼煎蛋肉眼筋冬陰功米粉$57冬陰功湯底相對重口味食完覺得好鹹，要飲多啲水，雞翼一樣入味同上，相對蕃茄個人更中意蕃茄…查看更多

平！靚！正！客家小菜！ 豬雜米粉，豬雜爽口無異味✨，米粉似東莞米粉正常，但湯底略為淡口，好健康無味精既感覺。客家酸菜豬手飯強烈推薦！首先呢個汁撈飯十分出色，可以話係好好味，唔會太咸太重味精。客家酸菜相比下偏甜，比起豬手，酸菜更加係重點。豬手唔太淋有咬口，豬手入味又夠香👍🏻👍🏻👍🏻食完可以再叫多碟食或者加多個白飯撈都得😂😂胡椒豬肚湯湯足料，多豬肚，夠胡椒味，飲完成個人都暖曬整體黎講平靚正 又好食 會再encore 🥰🥰🥰…查看更多

小見既健康小店！見新開 仲要標明健康 有減肥健身最愛既雞肉 三文魚 所以一試！💪🏻💪🏻雖然價錢略高 但份量多 食物質素高 所以都合理！ 新開業 老闆好主動問食客意見 服務態度好好 好有禮貌！ 份量男仔一定夠食 女仔可以叫小飯 飯係紅米飯 食落健康 今次配菜係青椒 菠菜 紅蘿蔔 菇 食落爽口 新鮮 慢煮鮭魚拼魚湯泡飯 因為慢煮所以三文魚唔會鞋 反而好juicy 👅👅 魚皮食落香口 可能煎過或者燒過 所以唔會成舊都係淋既 有驚喜😋😋 但最出色係個魚湯 🐟飲落啖啖鮮味 ✨慢煮紐西蘭牛扒便當 $98 性價比高 👍🏻牛扒因慢煮只有5成熟 黎到唔會血淋淋先 入口鮮嫩 仲好有牛味 😋😋 想要健康但又要好食 呢間小店可以變飯堂🤩🤩🤩…查看更多

平日兩點鐘去到竟然無人排隊直入坐低，不過位置比較逼，網上吹捧厚蛋治但比預期中失望咸牛肉蛋治，蛋略偏乾 味道平平，真係無咩特別但勝在大大份，蛋厚。咖哩牛腩撈粗跟湯，湯就普通味精湯，但個撈粗有驚喜，個咖哩汁真係好好食，牛腩又夠腍一啲都唔韌，直得一試。鼓油王雞翼，一定要食，隻隻雞翼又大又肥美又多肉，仲要又滑，入曬味。涼粉奶茶，第一次呢種配搭，原來好夾總括黎講，嘉樂冰室食物大大份加上呢個價錢呢個食品質素絕對底食。…查看更多

好好味👍🏻 有驚喜，即叫即整即炸軟殼蟹， 新鮮熱辣辣軟殼蟹多肉多汁，蟹膏大大份，加埋一齊蟹味十足， 蟹籽沙律手卷有蟹籽，青瓜，蟹柳同平時食一樣，不過就比平時多料。…查看更多

金華並沒有被傳聞中的那麼好食，唯一印象深刻一杯凍奶茶，茶底香 味道岩岩好，其餘既西多、撈丁相對比預期遜色。果然係香港既茶餐廳 枱上既食物仲未食曬 1分鐘就已經執左3次枱， 飲緊杯奶茶被問仲要唔要 體驗香港生活節奏快既好地方…查看更多

平價日本料理 最低食既魚生飯 魚生大大塊 夠多 仲要跟埋飲品，麵豉湯仲有前菜，麵豉湯相對普通，無咩特別， 總括黎講係一個抵食豐富既套餐， $55呢個價錢食到呢個質素絕對係低，夠曬驚喜。…查看更多