elementli的個人專頁

This restaurant has the perfect vibes for a relaxing dining experience, making it an ideal spot for a leisurely meal.We began our meal with a delightful dish of mussels cooked in white wine, accompanied by garlic and shallots. The dish was rich and flavorful, with the mussels perfectly tender. One of the highlights was dipping the sourdough bread into the creamy parsley sauce, which complemented the seafood beautifully.For the main course, we ordered a sharing plate featuring slow-cooked beef short rib ($528). The beef was incredibly tender and packed with flavor. Accompanying the short rib were super crispy dauphinoise potatoes, which added a delightful texture to the dish. The glazed carrots and broccoli, served with a pepper jus, provided a fresh and vibrant contrast to the richness of the beef.…查看更多

同朋友嚟到位於銅鑼灣登龍街既究極堂一試佢哋嘅日本料理，菜式五門百款，有卷物刺身、鐵板料理、和風薄餅，而且份量十足，價錢好相宜，十分抵食！明太子芝士玉子燒 $78近乎半熟嘅玉子燒滑捋捋，加入恰到好處嘅明太子醬以及蟹籽令整個層次感增加，又唔會感覺油膩～三文魚（4切） $58超級厚切新鮮三文魚，每一片都呈鮮亮淡橙紅色，口感嫩滑，且無任何腥味，香口充斥口腔！4重芝士炸蝦卷 $48芥辣八爪魚 $38呢兩款小菜都好大推 ，八爪魚清爽而刺激芥辣味好醒胃，夏日冰涼之選！炸蝦卷芝士味好突出，色香味俱全～萬華丼 $118角切魚生丼份量適合二人分享，一個丼飯試足幾款刺身，CP值極高！！威士忌梳打 $65日本拌酒小菜又點少得飲highball，威士忌獨有香甜氣味配搭碳酸氣泡滿滿既梳打水，令聚餐氣氛高漲，又可以解膩^-^…查看更多

同朋友嚟到位於鰂魚涌食街既海鯛魚湯專門店一嘗佢哋主打既湯底，座位寬敞，卡位坐得超舒服，一入到店舖店員就熱情招待，特別推介佢哋最新嘅二人套餐，價錢實惠而且試到多款美食，但即使單點都CP值好高！牛肩片鯛魚湯烏冬 $68Beef Shoulder And Tai Fish Soup Udon牛肩片紋路一間間，肥瘦適中，烹飪時間掌握得好好，唔會過硬，而湯底用上真材實料熬製，濃郁惹味，食完烏冬更係想一口氣飲晒成碗湯！三文魚帶子丼飯 $128Salmon and Scallop Rice Bowl新鮮三文魚配搭晶瑩剔透帶子，味道絕佳，而且定食配有味噌湯，中和整體味道！串燒牛脷 $28/串Skewered Beef Tongue 厚切牛脷超級有咬口，外表燒至金黃，而入邊保持嫩口，一串有三件真係超級抵食！…查看更多

Treehouse at Taikoo Place offers a list of healthy food choices, like salad bowls and flatbreads. Ordered a Regular Pine that costs $68. This item is their summer special, using a great combo of vegan ingredients! Fresh tomato slices + cucumber + olives, scooped with vegan labneh that added slightly sour taste. The mint increase the whole freshness😎Many choices for drinks as well, ranging from coffee to cold press juice. Nile juice is highly recommended, costs $45. It used 4 ingredients, pineapple + apple + ginger + lime. It got strong ginger flavour and not that sweet, while offers a nice vitamins mix to the body😝…查看更多

又發掘到食四川菜既好地方，位於鰂魚涌既湘蜀人家內部裝修走傳統中國風，以燈籠作點綴好精緻，而且座位舒適闊落，同朋友嚟用膳體驗極佳！今次點了精選二人套餐份量十足，$458可以試到涼菜加幾款特色川菜，價錢合宜，絕對值得一試：涼菜部分有夫妻肺片及涼拌兔耳尖，香辣前菜口感清新，涼拌木耳又爽又脆口，夫妻肺片薄薄一片，係開胃之選！招牌菜式選了酸菜粉條鯛魚，鯛魚肉質嫩滑，無厚厚既脂肪加重油膩感，只有少許魚刺需份外小心，整體來說都好惹味！自選小菜款式多籮籮，點了宮保雞丁及黑醋小排骨，兩款口味都好正宗，火候控制到位，色香味俱全！另外套餐已包燉湯，瘦肉雞爪老火湯十分足料，熬既時間充足，令湯水好入味，香味撲鼻而來，而且適合進補人士，非常推介！…查看更多

中環新開既五感日常主打蒟蒻製品，低carbs食物好適合想控制體重既打工仔，等外賣時間都好快，買返office或堂食都一流😛烤豬頸肉蒟蒻麵 $68湯底用上每日鮮煲椰子海螺雞湯，用料好足，蒟蒻麵口感爽口有咬勁，吸滿濃郁湯底，配上香烤肥瘦適中既豬頸肉，十分惹味💯四季春冷泡茶 （跟餐配$8）冷泡茶有幾款，四季春香氣撲鼻，唔重苦澀味！自家花雕醉雞卷 $48冰涼透心醉雞卷好入味，雞肉口感淡淡酒香味，好啱炎炎夏日消暑食🙈…查看更多

太古坊新開Cafe，裝修用上火星橙色，感覺新穎，而且採光好好，周末黎食brunch好享受！Flat White (Regular) ($39)，必試佢地店既咖啡，house blend嚴選優質咖啡豆，味道偏nutty，而拉花用心，打卡一流！檸檬汁烤雞煙肉Panini ($73)，係經熱壓後酥脆麵包同餡料徹底融合，加入Mozzarella Cheese係中間再烤焗，達到拉絲效果，而檸檬汁令整體更清新，兩款肉好夾，滿足感爆棚！Homemade Loaf Cakes ($33)，自家製蛋糕有多款口味，今次試了香蕉及咖啡胡桃，加熱後香氣撲鼻，香蕉味偏甜，而咖啡味用上Alchemy Blend豆製作，口味更獨特！…查看更多

東涌東薈城除左多野買仲有好多正野食，今次同朋友一齊黎食呢間知名台灣菜館-茶木，餐廳座位舒適，而且氣氛好好，店員服務都唔錯，晚·嚐 二人餐 Dinner Moment For Two $258就試到多款地道食品，下次有機會都會再黎食！台風小食，作為小食前菜份量唔多，可以淺嘗一兩味同開開胃：黃金鹽酥雞：即炸鹽酥雞外脆內嫩，粒粒一口size令肉汁一次爆發！櫻花蝦魚湯浸娃娃菜：淡淡湯底透出鮮味，開胃之選～主菜：紅燒牛肉麵：牛肉係近牛腩部位比較軟嫩，湯底徹底吸收牛肉精華，味道層次豐富，麵條掛滿湯汁超正！飲品選擇應有盡有，由台灣奶茶到茶藝師精選純茶都有提供，甜度都有得自選，今次試了凍紅豆薏米水及熱玫塊紅需桂圓茶，兩款都好補身，甜度適中！…查看更多

呢間連鎖米線舖招牌相當搶眼，一出北角地鐵站一眼就見到，非常易搵，入內後店員好熱情推介各款小食及套餐，詳盡解釋了一番，仲提供埋圍裙，勁貼心，而主食價錢相宜，二人套餐$200都唔到，好抵食！蟲草花胡椒杞子雞肉配豬骨湯米線必試呢個廚師推介米線，雞肉新鮮勁嫩，胡椒味恰到好處，仲有健康嘅蟲草花，食米線都可以補身^^飲品試左新品冰感冬瓜茶 ，冰震口感帶有冬瓜凍，好有咬口，配香辣主菜一流！小食選擇多多，香噴噴奶黃金沙脆雞翼經蝦醬醃製更香口，即炸口感脆卜卜，一口氣食3隻都唔膩～…查看更多

太古城Apita food count多左好幾間日本餐廳進駐，包括呢間知名既拉麵店Tonkotsu，價錢實惠而食物質素高，下午茶套餐平均$70就品嘗到新鮮拉麵，更送生菜沙律及麵豉湯，非常抵食！經典濃豚骨湯拉麵 $68湯底非常濃郁，長時間熬製去提鍊出骨頭內精華，呈現奶白色湯頭，拉麵條偏幼細爽口～東京風味醬油湯拉麵 $72醬油湯底口味較甜，而味道一啲都唔單調，配上較粗既麵條更有咬勁，而每碗拉麵都配有半粒Q彈溏心蛋，香濃蛋黃配拉麵超正！…查看更多

係中環附近返工又發掘一間性價比高既餐廳，位於蘭桂坊左近，門面及內部裝修都非常有格調，用植物元素作點綴，再加上柔和燈光，同中環繁忙既氣氛形成對比！佢哋做緊soft opening外賣折扣，$100內就有主菜+飲品，即叫即整，食物質素相當唔錯，超級抵食👍🏻今次試左以下呢兩款：芝士肉醬千層麵Lasagna $78用數層麵皮夾上濃郁肉醬及芝士，多重口感互相配合，經烤焗後，面皮微微焦脆，而芝士融化後色澤非常吸引，悠長香氣令人一試難忘！份量足夠，旁邊配了點沙律菜，減輕千層麵帶來既油膩感～紅酒燉牛肉飯Beef Cheek Stew in Red Wine with Rice $88經紅酒燉煮牛肉保持到鮮嫩口感，唔會柴或乾，牛腱牛腩部位有啲脂肪，令口感更飽滿且好入味，非常下飯～…查看更多

餐廳最近有同美食平台合作，拎住優惠卷黎食真係好抵食，夜市人均$200左右就食到main同飲品，仲可以試到佢地自家甜品！雖然位置係工廈入面，人流都好多，建議提前訂位😎香煎北海道刺身級帶子及燒慢煮八爪魚 $198慢煮八爪魚口感軟稔，一點都不韌，且保留原汁原味，而帶子粒鮮甜，肉質細嫩，配上車厘茄及香料薯仔，以級香辣調味粉，非常滋味，食物水準絕對對得起價錢！燒法國帶子配墨魚汁扁意粉 $152自家製墨魚汁香濃，且營養價值高，扁意粉掛滿醬汁，勁好食！原粒帶子好大粒，香氣撲鼻，呢個份量比較適合同朋友分享～…查看更多

今年情人節黎到西灣河East Soho區試下呢間豬門店，餐廳設計時尚，整體氣氛好chill，望住海滂用餐極歎，食物質素高，非常享受😋Brown Butter Scallops & Sattron Risotto $188牛油帶子煎至兩面金黃焦香，上面加上濃郁既巴馬臣芝士碎增添香氣，而Risotto保留到微硬度👍🏻Crispy Pork Knuckle $308豬手足足1KG分量啱晒兩個人share，而口感略為結實有嚼勁，膠質滿滿，超有口感！…查看更多

黎到中環九如坊搵好野食，見到呢間專賣Panini既店就一試，一入到店就傳黎陣陣麵包香氣，原來係焗製緊自家意大利香草包，而老闆係茗茶之人，四周放滿好多茶具及傳統實木家具，整體情調好好~首先經老闆熱情介紹試了冷泡鐵觀音，茶葉經長時間浸泡於冰水之中，萃取出黎既茶品味唔苦澀，而咖啡因量比熱茶，好啱年輕人！再試五年老白茶，茶香醇厚!試了兩款三文治：火雞波羅伏洛芝士意式三文治Turkey breast and provolone dolce panini $88烤猪波羅伏洛芝士意式三文治 Porchetta and provolone dolce panini $88三文治剛烤好，香脆滋味，而且配料份量十足，火雞同烤雞係新鮮切出，香味保存到，唔會太乾，非常推薦！…查看更多

又去發掘更多東南亞餐廳，今次黎到銅鑼灣維園附近既南洋家，店鋪細細但選擇多多，除左串燒小食，仲有$100有3盒任選小餸，非常抵買，店家仲可以幫手加熱，超推介！今次點了3個小餸及1份甜品：泰式鹵水豬腳仔Thai Marinated Pig's Trotters $40滷水金錢肚Marinated Honeycomb Tripe $38豬腳仔及金錢肚經長時間醃製，外皮爽滑而肉質細嫩，色澤到位，非常下飯！泰式酸辣魷魚鬚Thai Sour and Spicy Squid Tentacles $38酸辣醬汁好正宗，唔算太辣，非常開胃魷魚仔一粒粒超得意又入味～芒果糯米飯Thai Mango Sticky Rice $38即切新鮮香芒有金黃果肉，多汁甜蜜口感配上勁多椰奶糯米飯，食過不停！…查看更多