jennyli.blog的个人专页

嗰日下午經過尖沙咀，咁啱見到呢條街有間話自己係牛腩牛雜麵專家嘅小店，即刻好好奇究竟啲牛有幾高質！我見到菜單上有個用煲仔裝住嘅咖喱牛腩飯，即刻俾佢吸引叫左嚟試試。啲牛腩煮到勁腍勁入味，每一啖食入口都好滿足。同埋食咖喱牛腩飯其實咖喱都係好重要嘅元素，呢度嘅咖喱都好出色，感受到廚師用心嘅製作。朋友叫咗肉燥豬扒米線，個豬扒都好好食，而肉燥撈麵簡直係一流。如果同行朋友唔食牛嘅話，不妨都可以試吓呢一個菜式。另外我哋都叫咗碟油菜同埋特飲，兩樣都正常發揮，加埋主食超豐富。…查看更多

•Pizza Maru•pizza maru 嘅pizza一向都好受大家歡迎，pizza嘅配料新鮮同特別，同一向常見嘅pizza款式唔同。今次同朋友行完街之後諗起呢間餐廳，本身都怕walk-in 要等位，好彩今日唔太多人一到門口就可以入座了。太陽蕃茄芝加哥呢款pizza有好重嘅蕃茄味，配上餐廳獨有嘅麵團製作嘅麵包底，再加上超級無敵多芝士，口感超好。唯一嘅缺點係食唔到好多件，因為都係比較重口味嘅食物。蜂蜜蒜泥炸雞普普通通嘅韓國炸雞，唔知係唔知出菜慢左嘅關係，外皮唔太熱同埋比較淋身。不過調味方便都係好食嘅，有甜甜嘅蜂蜜味，食落覺得唔會太油膩。總結而言，呢間都係一間值得一試嘅餐廳，雖然未到超水準發揮，但比起常見嘅pizza連鎖店更有驚喜。…查看更多

· 川川 ·作為一個嗜辣既人，一直都尋覓緊香港出色既川菜。據聞呢間餐廳主打四川菜式，大廚更曾任職三希樓同埋駿景軒，相信都有一定既水準。餐廳裝修係中式裝修，餐具有啲中式宮廷風。-水煮桂花魚（小）呢道係一道常見既川菜，好多餐廳煮出黎好易太辣搶哂魚本身既味，川川就將辣度拿捏得好好。魚肉較厚身，而裡面除左有魚之外，仲有寬粉同埋其他配菜。-化皮乳豬（例牌）乳豬好脆好香口，配上醬汁同埋細細塊既有少少似刈包既麵包，完美！-虎皮尖椒偏簡單既一道菜，廚師煮得好入味。味道甜甜地加上少少尖椒本身既辣，惹味到忍唔住係咁食。…查看更多

·榕哥陳皮燒鵝·最近喺尖沙咀多咗好多間食燒鵝/燒味嘅餐廳，有啲食過都覺得麻麻地。呢一間之前未開尖沙咀分店嘅時候，已經係佐敦食過幾次，以前食嘅時候覺得好神奇地真係有陳皮味。所以依家見佢喺尖沙咀開咗分店，搵日晚餐就試吓尖沙咀分店係咪都係咁好食。燒鵝瀨粉燒鵝嘅質素同以前喺佐敦食嘅差唔多，表皮咬落有少少脆脆地，而入邊都係保持到肉汁。但係唔知點解陳皮味好似冇佐敦食嘅時候咁重味，比較似普通燒味店好食嘅燒鵝。燒鵝叉燒雙拼飯同行朋友食嘅雙拼飯燒鵝同我嘅差唔多，而叉燒都係正常發揮，不過不失。服務質素以前喺佐敦食嘅時候，可能因為鋪面比較細嘅關係，同樓面嘅姐姐有時都會傾吓計。而尖沙咀分店可能因為鋪面比較大，樓面姐姐相對之下都比較忙碌，要照顧更加多嘅客人，所以冇咁有人情味。但係依然都係好有禮貌，值得欣賞呢…查看更多

* Terrace in Seaside •之前見到報導介紹呢間韓國過江龍cafe，一直都想搵機會試下，最近同朋友係海港城行完街，決定去試試。餐廳廳面唔算大，座位都較少。好彩去到時可能因為已經過左lunch hour，所以唔需要等位就直接入座。-辣蟹肉意粉意粉以茄汁作主要調味，配上冬菇同上面既蟹肉。食落有微微既香辣味，但又唔會去到太辣。蟹肉份量偏少，獨立食冇咩味，撈勻食後略覺份量不足，如果多返少少會更好。-燉牛肋骨蛋包飯上菜後店員會幫手切開蛋，蛋內係預期中既茄汁炒飯。牛肋骨食得出燉左一段時間，夠哂入味！但配菜就明顯唔夠入味，有少少可惜。-水果忌廉三文治簡單既麵包配上cream同生果，就成為一道幾得意既甜品。見到時覺得幾靚，味道方面幾清新…查看更多

· 友義氣酸菜魚 ·有一日想食酸菜魚，係openrice見到呢間餐廳嘅銅鑼灣分店竟然係0負評！好奇心驅使下，我地就walk-in上左去，係餐廳門口見到入面客人唔多，本身都有少少怕伏。但心諗既然都上左嚟，就試試佢啦！🫣-酸菜魚酸菜魚份量睇落好多，最特別係佢有埋魚頭，呢點係其他食酸菜魚嘅餐廳比較少見。辣度方面我地揀左中辣，不得不說佢嘅辣度做得幾好，惹味得嚟唔好遮左魚嘅鮮味。而酸菜魚除左魚之外，仲有芽菜、金菇、雲耳等等嘅配料，都幾豐富。-避風塘茄子呢個菜式係因為見到有網民推介所以試試，雖然睇落唔係好多辣椒同炸蒜，但係完全夠味，送飯好正❤️…查看更多