baby0213的個人專頁

收工突然想起元朗呢間餐廳「肉慾」，因為厚切牛舌飯受到網民熱烈推捧，睇社交平台 都好吸引，所以決定試一試。同西鐵站都有點小距離，踏入餐廳都環境簡潔舒適，店員有2位。點了他們的招牌厚切牛舌飯同埋安格斯封門柳飯，滿心期待同網上面講既咁正。等候期間都留意下佢地整，好似好簡單咁係飯上面淋小小汁再放上啲肉再加蔥同蛋，女侍應生就負責最後步驟加少少胡椒係上面。不過品嚐後我對牛舌的質量感到有些失望。牛舌冇乜味道同埋切片既厚度、份量 我覺得有D不足。另外封門柳飯都味道中規中矩，比牛舌好小小。另一半食完都好似唔夠飽。所以應該都唔會有下次。…查看更多

星期日打算網上搵韓國餐廳，見到呢間野網上評價都幾好，就同屋企人黎試下佢個芝士拉絲雞放題，滿心期待。黎到見個場冇乜人食都有小小驚，入到去，order左芝士拉絲雞、紫菜飯卷同芝士蛋捲任食120分鐘放題啦。等左10分鐘左右，上左飯卷同蛋捲，途中要求侍應幫我refill 水，但等左20分鐘都冇比我，之後啲芝士雞足足等左35分鐘先黎，到個雞黎左啦，但完全唔係拉絲，非常難食，賣相似貓零食罐頭。咁order第三次既飯卷，時間係order野食45分鐘後，個侍應竟然同我講賣晒飯卷同蛋捲，然後話比3件炸雞我地，咁好啦，唸住黎埋呢3件食埋就走，最攪笑係我地等緊既時候佢又拎左個蛋捲黎🙄🙄🙄冇同我地講話炸雞唔比得我地，我地等又等，佢問我地仲有冇野要order..我地問咁你講既3件炸雞呢？佢冇出聲就覆依家有番個飯卷同蛋捲啦，🙄🙄🙄真係乜都佢講晒....呢間野真心伏，請我都唔黎食，120分鐘，等野食我起碼過一個鐘，每樣野等15-35分鐘，我食既都唔知有冇20分鐘陰公🤬🤬🤬🤬🤬🤬總結：冇服務、唔好食、上菜慢！…查看更多

同老婆掃完貨就黎左呢間食放題．．上到去唔洗等位,2小時任食..不過最尾半個鐘cut order..叫左炸蝦,三文魚,手卷...等等...d野好快就上..食完又再叫..不過老婆話佢d鯖魚有d苦,,唔洗1個鐘我地2個就飽到食唔到la..之後食埋甜品就走啦..食物選擇唔多..不過放題黎講都算係咁..…查看更多

岩岩登記左會員，努力打下食評先．上個星期二去左八海山食野．池魚：一般油甘魚：ｏｋ三文魚：唔多新鮮燒雞亦：似微波爐雞亦多ｄ燒雞腎：好乾燒冬菇：似咬緊渣烏冬：最似樣環境幾好，仲好多日本人，不過以尼個質素同價錢我唔會再去啦！…查看更多