nde的个人专页

Caesar salad 略為細份，無配煙三文魚但啲菜有少少腥味，醬汁唔夠, 亦無乜 blue cheese 同 anchovy taste.thin crust pizza 走 Romana style, super thin. 味道選擇唔係好討好, 揀咗 50：50 合拼，味道都係只係一般…無驚喜。 Tiramisu 簡直係 disaster. 從未食過一件咁差嘅 Tiramisu, 係咪慳錢交租連芝士都唔捨得用？ 同零食 tiramisu favour 蛋糕無乜分别，要用放大鏡睇嗰層芝士，感覺食緊兩層濕咗嘅手指餅。唯一可讚吓係 pasta, 實感、味道唔錯。 兩個 waitress service 都幾好…查看更多

咖喱個底做得好足料，叫BB 辣， 味道唔係濃到濁嗰款，較為清香，洋葱、薯仔、香料都煮溶，食得出各種底味。 唔覺有無味精，食落好舒服對比鄰近出名嗰間，呢間出菜温度夠而且無濯口、亦無味精嘅渴喉。 沙爹望落比咖喱深色少少， 質感同味道都似咖喱個底， 微微有花生同乾葱、乾魷魚嘅味。 一樣好好食。 但唔似馬來沙爹或潮州沙茶味。 兩款一齊食，食到中段就較為難分辨到食緊咖喱同沙爹，反而令沙爹無咗突出。 咖喱配牛腩會係首選， 加入咗入嘅油香，牛坑腩嘅筋膜，提升咗個咖喱層次。 …查看更多

將Tiramisu 模造成長條狀，賣相係幾靚嘅，容易切成一份份，喺銷售嘅時候可以賣得快啲，但無晒 Tiramisu 嘅韻味。 試咗件 Tiramisu 朱古力杯，期望愈大，失望愈大。 而家嘅甜品只有外觀，沒有內涵。第一個反感係啲Cream 打老晒起粒、無層次、沒細膩，失敗咗都照抆落去。抆水泥起粒都要再打過啦，更何況你地係整蛋糕嘅， 一啲職業操手都無。 唔講，仲以為係椰絲杯嚟… cream and cheese base 一啲芝士味係食唔出，Cream 多過 cheese, Cream 嘅奶油香味亦都無。 夾層塊蛋糕乾嘅，無索到咖啡，得個顏色，所以中間位一啲咖啡味都無。𢳂到底終於有啲濕咗嘅蛋糕， 但都係得好微嘅咖啡味。 杯蓋塊朱古力做到好厚，貪多嘅人可能會鍾意，但我expect 係摼得碎可以同個 creamy base 混合嚟食，不過唔係嗰回事。 整體嚟講，無論味道、口感、用料都唔掂，寫個名就當係Tiramisu？！ 完全係粗製濫造…有如興趣斑第一堂整嘅手作咁…查看更多

寫得食評都係由劣質逼出嚟。起初點了咕嚕肉、煎鹹雞同一煲海鮮炒飯。係無驚喜下連相都費事影。咕嚕肉未至於啲雜誌、youtuber 煲到咁好食，粉漿上碟時係仲脆嘅，達到基本要求，但個汁當日就偏鹹咗，輕微乸脷，山楂果香未至於好出。 比佢好食嘅多的是。 煎鹹雞就把鬼，乾柴咁，一啲都唔好食。 通常expect 鹹雞啲肉係一絲絲，呢隻雞啲肉就粉嘅，用咩貨心照啦。 成碟嘢同隔夜雞煎返熱無分别，求其堆啲蒜頭同葱係面… 後來加餸 ～$178嘅土魷蒸肉餅同$158嘅琵琶豆腐果然有驚喜， XXXX! 仲衰過街邊三餸飯同茶餐廳。 一塊又實又硬嘅起角肉餅求其加啲土魷碎係面就出品，唔講真係以為新嚟初次煮中餐嘅姐姐煮添。 其次係啲肉好大陣豬騷味，同枱啲朋友食唔落口，慘變廚餘… 琵琶豆腐又係把幾火， 賣相已經偏燶，第一啖咬落去嘅質感，完全地係街邊劣質煎釀三寶嗰舊彈牙粉糰，亦都係第一次食到咁嘅口感嘅琵琶豆腐。 送嘅蕃薯糖水就算罷了，完全溝到無味…呢間餐廳每一道菜比外面有質素嘅餐廳已經好厚面皮咁收貴 30-40%， 上菜無擺盤之餘，啲上菜碟同茶餐廳有得揮… 一間米芝蓮推介嘅飯店連茶餐廳質素都不如仲㩒住嚟搶， 不如下次係三餸飯買完換碟，應該啲客會讚仲好味…環境就可能樓底矮，侷住啲聲，好嘈… …查看更多

對茶餐廳或飯店都好，菠蘿生炒骨係可以話香港嘅靈魂，同時可以試到間餐廳個廚有無料到，試間餐廳食材係咩質素… 係香港食咗咁多間生炒骨，呢間果然係得意地恐怖，可以係難食到食唔到落口，不論汁嘅顏色，炸粉都唔掂，個汁酸到同食醋無分别，一啲果香都無，個骨係最劣質嘅帶羶餲味嘅雪藏貨… 成碟嘢亂嚟嘅…即使三餸飯嘅餐廳，都有心做過佢…成碟飯真係只能食白飯同椰菜… 成碟餸淨咗食唔到，同揹住風扇仔嘅店員反映酸到食唔到，未講到第二句，就畀佢搶走咗碟嘢倒咗，笑咗一吓了事， 但無問駛唔駛換或轉其他嘢食… 咁就$49 白飯椰菜配奶茶… 試匀晒成個荃灣西工廠區嘅食堂，呢間可以係最劣嘅榜尾。 希望快啲汰弱… …查看更多

煙燻燒鵝值得一讚，帶有柴香，又有鵝嘅油香味，一啲都唔膻。 皮都做到乾身脹卜卜，有光澤，皮仍然新鮮地脆！ 肉質都嫩！ 內外質感對比做到好好！個飯有鹹酸菜嘅配搭，都幾消滯！ …查看更多

乳豬肥到無肉，塊皮係脆爆，表面無燒燶，但食嘅時候可以有陣燶苦味。蚌一食就要吐，濯口乸脷，殘留住一陣好似哥士的嘅味道… 成碟要倒鵝掌完全無味，只得陣雪味，我只幻想到溶雪煲腍，淋個汁就當煮咗。 炒魚片，又係啲傭廚求其走油，之後兜個無味薄汁，又係過哂火，硬到…所謂嘅靚湯，只係一堆豬皮豬骨雞腳花生加咗好多水溝淡嘅例湯…燒鵝最失禮。全場咁多人叫，應該熱辣辣至啱，上碟係凍到起膏，唔怪得整色整水放個蠟燭架…荷葉飯，一食隻蝦，勁呀，好硬但一咬裏面可以係霉㗎… 應該係雪傷咗… 龍蝦鉗個手柄好似酷刑咁…海鮮，燒鵝無樣掂，專門店唔係寫就當係… …查看更多

點解咁嘅質素都人留到好評？ 小籠包個頂死實到夾唔起個包，個皮略厚，所以無穿汁係正常。但個汁有味精，食完唔舒服嘅。炸春卷$42 蚊三條垃圾春卷，個餡施捨咗一片冬菇幾絲蘿白同一啲鼻涕芡，有無謀取暴利度咁？ 排骨麵塊排骨係炸得靚， 但係塊肉發過水脹卜卜仲加發粉乸過，根本唔食得人，咬第一口已經用粗口嚟形容。 麵湯有味精，又係食唔落口，最後被逼要浪費食物。三樣垃圾夾埋 $204 。你厚住面皮呃到吓錢交到今個月租，但咁嘅食品質素遲早被淘汰。 …查看更多

叉燒係有啲酒味，但幾舊肉都係乾到粉狀，個頭位仲硬到成粒話梅咁。燒肉食落似冷鮮肉，有水出嘅，無肉嘅纖維感。燒鵝皮色澤唔錯但無如何焦香、油香， 鵝肉不知所謂，梅嘅！極難食！似乎係雪藏鵝嚟… 鵝醬，算罷啦！ 創意錯了。橘子類嘅醬整得唔好，就好易似垃圾發酵味。  啲飯好黏，黏到一舊糯米飯咁。外賣兩盒飯連一杯熱飲要$167, 比正常分量細份，仲要無水準，似乎賺得貪得滯…以為有藝人做品牌信得過啦，點知都係虛有其表…老實講，求其街邊$30盒燒味飯仲好食…食材質素仲好啲仲有，個外賣盒張貼紙好實，想回收個盒都要嘥啲時間清理啲貼紙漬，改下個膠水用料啦…查看更多

硬食杞子香妃雞晚餐羅宋湯係偏酸同過杰碟雞係又硬又鞋，雞胸可以勁到見到一層層。成碟雞至少有五六條血管雞毛，洗雞時拔下好難咩？ 唯一驚喜係嗰幾粒杞子係用花雕煮過下碗飯係簡直離譜，又硬又鞋，何來係絲苗？似劣質粘米多啲。奶茶係澀口嘅，茶底一啲甘香都無。$68一個香妃雞套餐，已經係 overpriced, 其他小菜套餐都係有啲 overpriced. 周邊嘅餐廳食相近嘅雞飯餐唔駛咁貴仲好食好多。整體嚟講，出品質素較差，似乎係師傅無乜要求又或者係較為馬虎…查看更多

雖然點心的潮流近年已遍佈酒樓與點心店, 但因成本和租金問題, 相對地大部分食肆選擇於食材上開刀, 節省成本。可惜, 花了時間, 花了人力, 花了食材, 卻加了味精、雞粉、鬆肉粉、發粉。。。顧客吃到的, 只是一件虛殼。由於我的愛人鍾情於麻蓉包, 一款傳統但於香港變得罕見的點心, 踏破香港, 於天水圍Albert Yip 驚喜找到。 (如果唔認識滿庭芳, 其實他們曾經在網上成名一時, 就是當年的Albert Yip 事件, 所以我不以為意地將此酒樓名記為Albert Yip。) 因此這兩年都經常光顧。 此店點心種類繁多, 大多值得一讚。 包點方面, 包皮煙韌,質量十足, 絕非偷工減料的發粉空氣澀口包皮, 而麻蓉包餡料則幼滑兼充滿原粒芝麻, 雙重口感。 最近推出雙色芋蓉包, 外表內涵兼備,不失驚喜。 個人很喜歡吃腸粉, 對上一次吃到好食的, 諷刺地不是在香港,反而是在6年前於英國, 由一對夫妻檔點心師傅手藝上吃到, 可惜自從他倆回中國家鄉後, 從此失去聯絡。當在Albert Yip吃到皮滑彈牙的叉燒腸時, 美味的回憶不禁在腦海中湧現。燒賣用的是切肉,鮮蝦和香菇,彈牙又鮮味,實屬難得。總括而言,Albert Yip點心水準不錯,價錢合理,愛好一盅兩件的朋友不妨一試。…查看更多

星期六放假，跟個朋友一起到上環逛逛， 經過孖沙街，我倆都對這條短短的一條街吸引住。有好幾家餐廳，各有特色，最後選了吃日菜---無敵家。 店面的裝修到不差，幾有日本的風情。講回吃的，我點了碗豚骨湯拉麵， 而我朋友就點了串燒定食， 再share一份餃子，溏心蛋和豚角煮。豚骨湯拉麵賣想不差，都幾大碗。他們用了一些紅紅的辣椒絲做裝飾都幾好看。湯底遍為清淡，但仍然能來帶有豬骨湯的鮮味。喝了不會喉乾，那湯應該沒有被味精污染。麪都很爽很有筋度，叉燒不是一般的圓圓薄薄的，而是小塊厚厚的，隱約吃到好像燒肉的烤味。不過到差不多吃完時，覺得湯底好像少了一種味道，就是麻香味，原來調味盤有一瓶芝麻給客人自己家，但我錯過了。溏心蛋是冷serve 的，都好溏心。豚角煮就有點像中式的東波肉，肥而不膩。不想東波肉有八角的香味，豚角煮就比較清新，不濁，吃到日本醬油、味醂和清酒的香。朋友的串燒定食好豐富啊，串燒種類蠻多，而且我試了幾塊，味道幾好。那些漬物單吃就有點鹹，但用來陪飯應該會好吃點。最後， 不得不推薦的是餃子。 餃子煎好香脆，皮薄，餡不油，肉餡好moist, 汁鎖住在肉裏， 但又不會像其他餃子裏面充滿著不知是汁還是油爆汁出來的那款。總之好食，值得試！不過不過，最可惜是午市是沒有串燒和其他燒物order的，試不到想吃的。價錢都算ok, 在中上環地帶不覺得貴。而且菜式和湯底都食得出有用心去煮，所以是值得一試！…查看更多

如果喜歡是蝦子， 基本上配這店所有東西都好吃。沒多少間麪店有酸蘿蔔供應，不過有時腌得辣咗DD點過幾次牛腩麪，有湯麪， 也有試過撈麪，麪的質地不錯， 但牛腩次次都好參差， 有次好似食緊橡膠咁，未炆夠時間。Overall，值得一試！…查看更多

點了一分T bone 套餐， 極其難食！！！！我完全覺得呢間餐廳在侮辱西餐！！ 我第一次吃到一塊T bone 係好似烚出來咁， 塊肉軟淋淋，好似有放鬆肉粉咁， 裏面係全熟， 但我明明叫6成。收的價錢已經不低，沒想過得來的質素如此差勁這家已經是小餐廳， 但服務質素和態度 比茶餐廳更差。…查看更多

環境和服務係幾好， 但係食物的質素好失望！！！:(Live band。。。唉！鹹豬手和香腸在德國餐廳是必吃的， 但的這家水準真的唔太掂。鹹豬手過鹹。 香腸種類係多，但無一條真的好好食， 吃不到德國香腸的風味。反而薯條要試試，好香， 好鬆脆。鐵板牛柳ok啦，有個flame表演添lol甜品。。。嘩！！ 恐怖的難食！ creme brulee... 不知所謂！！第一次係餐廳食到咁難食的creme brulee！好粗鞋，唔香，焦糖又少。還試了apple pie, black forest cake, 通通唔掂~ 我不會在食他們的東西。。。飲飲酒，食食薯條 還可以！…查看更多