去開大圍做野順便去咗大圍圍方鳥十，想自己一個夜晚靜靜地坐下食日本野。貪佢環境安靜舒服，坐得自在。本身想飲下酒但平日就留番下次先，叫左下面呢啲野食壽司赤身：厚切新鮮，無腥味。帆立貝：好鮮甜，鮮味濃。甜蝦：彈牙又爽口，好甜。玉子壽司：蛋香濃郁甜甜地，唔乾身。串燒五花腩：肥瘦適中，燒到香脆，夠惹味。白鱔：焦香重，肉質有彈性。大蔥雞肉串：雞肉滑，大蔥半焦帶甜，夾埋一流。天婦羅舞茸菇舞茸菇天婦羅外皮薄脆，咬落仲有清香菇味，唔覺油膩，特別有驚喜。整體食物好味材料新鮮，環境一流，價錢中等，但以質素嚟講都算抵。自己一個食冇壓力，下次會想再嚟同朋友可以飲埋酒同試埋其他菜式。…查看更多
