Luciferrrrrr的个人专页

Mori 永遠唔會令我失望！以前食開荷里活道個間，基本上每年點都會食一次，但無奈地以家淨番樂成行呢間，水準都仲保持到之餘，啲Side dish 都唔馬虎，有新菜色兼好味！前菜唔同左，茶碗蒸有淡淡嘅椰香味，甜品個雜果果凍同牛奶布甸都好食！四塊肉每一塊嘅質素同味道均屬上乘，食完飽到上心口好滿足，滑蛋牛肉飯真係好香，但前段食肉個陣食得太多飯，個滑蛋牛肉飯都食唔哂呢！食過咁多間Sukiyaki，Mori 性價比一定最高，唯一比較失色嘅係座位稍為迫挾，但整體都一定係出色！…查看更多

今日晏晝去食左個美人丼定食，$158一個餐有炙燒豚肉飯、前菜（豆腐）、炸雞同冷蕎麥麵。個飯係非常之普通，但個蕎麥麵係難食到極點。就算喺香港平時食啲再頹嘅餐廳，都冇見過間餐廳嘅蕎麥麵係碎嘅......仲要蕎麥麵嘅湯係唔知點解有浸腥味......都算刷新左我對蕎麥麵嘅認知......服務都係難得一見，1點去食午餐都可以有好幾款售罄，連熱咖啡都無，開頭問啲侍應問題又答唔到，問點解有凍咖啡但無熱咖啡，淨係呆企係到Errrrr，等左20秒我叫佢幫手問一問，先走去問然後叫個senior黎覆番我地，然後送餐又倒瀉嘢，姐係人均食左$150黎講，奉勸大家唔洗揀呢間伏野😉…查看更多