natsume的个人专页

可能係清明節長假期關係，去到真係半間餐廳都坐唔滿，因為第一次去心諗唔知會唔會好伏，點知好有驚喜！服務員好貼心咁帶我同朋友去窗口位坐，加上餐廳內環境都好舒適，望住個海食tea真係好寫意。之後嘅100分鐘，其實基本上服務員係隨傳隨到，仲好有禮貌。雖然係放題，但唔係自己出去攞食物，而係每次都要叫侍應落單，但係我哋加單咗好多次，佢哋都係好有禮。聽落好似係基本，但其實今時今日已經冇幾多間西餐廳嘅員工可以做得到呢個服務行業嘅基本標準。食物方面，好彩同其他食評講嘅一樣，即使係放題，每一樣都做得好有水準！係真係值得258呢個價位甜品整得好好味，尤其個parfait係真材實料食到好香嘅莓香。但真係要讚嘅係個意粉，真係連我本身唔太好意粉都encore咗幾次。每一款意粉都係al-dente,同好香好好味！啲海鮮都真係有鮮味，而唔係諗住係放題就俾啲冇晒味嘅海鮮你食。另外個飯都好正，真係每個menu嘅item都好值得大家一試我覺得呢間餐廳嘅食物真係整得好有誠意，出菜快、服務態度好、熱嘅食物上菜嘅時候係真係新鮮熱辣煮出嚟俾你(可能因為lunchtime食咗cafe mXji，俾咗$3xx但啲餸係lukewarm過5分鐘直頭凍埋，個反差真係太大），而甜品又整得一啲都唔hea, overall真係值得去試吓。…查看更多