cookieimf的个人专页

前幾日要去新蒲崗做嘢，鑽石山地鐵站附近有間好大嘅文具佬，買完嘢就求其搵間餐廳，一個人食個午飯，一上電梯就見到呢間馬來屋，平日下午一點半滿座，相信都唔會好伏啩。坐低之後店員俾QR code我自助落單，枱上面都有擺menu (個人唔鍾意依家好多餐廳連實體menu都無埋)，價錢算合理，午餐$55-60蚊，我揀咗個香茅豬扒冬陰公湯河，加埋$3凍飲總共$60。湯底正常，有少量香料、芽菜、車厘茄同埋菇，清清地嘅冬陰公味，唔好expect呢個價錢嘅冬陰公湯底會有海鮮味就得，小小辣小小酸，個人覺得可以再酸dd。河粉偏幼身，香茅豬扒已切件，係有骨豬扒，幾大塊+厚身，厚到略嫌實淨，不過幾夠味，算唔錯。整體來講都幾好，環境都ok，乾淨同埋算闊落，唔會每張枱逼埋一齊，如果下次再嚟呢頭，又諗唔到食咩，都有機會翻兜。…查看更多

餃掂久仰大名的餃子店，某天獨自外出工作，經過太子，決定到此店一試。看完餐牌，點了10隻雙併湯餃子(韭菜豬肉+粟米豬肉)，另外加一支自家製山楂雪梨水，可以陪伴我乘長途車回家。桌上有醃蘿蔔，醬油，醋，四川麻辣醬，香辣醬，鹽，全部可以自行添加。醃蘿蔔酸酸甜甜，微辣，口感爽脆，無渣，開胃必食。餃子到了，店家的自家湯，聲稱無味精，真材實料，先喝一口，是粉葛和豆類的味道，比較淡，有點點失望。餃子每隻都脹卜卜，皮薄餡料多，粟米豬肉餃的粟米粒粒飽滿金黃色，夠甜，配合在一起，有豐富口感。韭菜豬肉餃的韭菜翠綠，份量多，吃完一隻再喝口湯，湯已經淡而無味，像喝水一樣。山楂雪梨水酸酸甜甜，清新解渴的感覺，應該只下了少量糖/無糖。總括而言，餃子是不錯的，另外有其他幾款餃子都有興趣嘗試，但如果鍾情喝湯的話，我會選擇美味餃子店。…查看更多

31/12約朋友吃晚飯，問了很多餐廳都有special menu, 或者仍然用Christmas menu,價錢比平時貴一倍，而且選擇少，感覺非常”劏客”，事前透過Facebook message詢問蠔站，回覆表示”menu跟平時一樣”，馬上book枱。$10生蠔是蠔站名物，今晚的$10是南非蠔，size有大有細，但算是鮮甜，而且creamy和肉厚，實在物超所值，自己去Ocean Txxxx該類公司買$2x一隻生蠔，都未必有這種質素，所以和朋友吃了兩round.另外有order了5成熟的西冷，牛味挺濃，沒有overcooked, 旁邊有些少筋是在所難免，但至少有9成吃進肚子裡，最怕有些餐廳order的牛扒有半塊咬不動，或者有很多筋/脂肪。還order了炸軟殼蟹蛋黃扁意粉(忘了拍照)，軟殼蟹原隻上，炸得剛好而且有膏，扁意粉看起來沒有醬汁乾巴巴的，但入口鹹鹹香香，鹹蛋黃粒粒份量不少，掛滿意粉，出乎意料地美味，我和朋友平時沒有特別喜歡鹹蛋黃食品，不過都一致認同有驚喜。31/12的晚上，兩人能用$500品嚐有質素的晚餐，滿意極了，一定會再來。…查看更多

放假諗住同老人家去飲茶，因為要就番老人家所以就求其係附近搵一間，點知食到一肚氣。11點叫左10個點心，11點半都未有任何野食，舉手問d waiter，淨係同我講已經入左單，咁走去cashier問啦，坐係度果個姨姨print張單比我，話已經有單嫁啦，叫我坐低再等。等到11點40分仲未有野食，再去cashier問多次，個姨姨又再print張單比我，真係嬲嬲地，我話”我想問下 張單食得嫁咩？” 然後cashier個姨姨竟然唔睬我。幾分鐘後，終於有一碟鹹水角到啦，不過係凍既，今次真係成家人都燥左，等左45鐘先有野食，仲要比碟凍既鹹水角我！真係佛都有火！過多5分鐘，依然無野食送到，決定起身埋單走人，落去樓下食茶記算。total差不多坐左成粒鐘，只係得一碟凍既鹹水角，呢間野以後唔會再去，永久blacklist!!!!!…查看更多