tchan010101的个人专页

聽聞過呢度既魚柳真係好大好抵幾出名下，所以特登搵個時間同friend一起去試下係咪堅野。鋪面同裝修就好大路，完全普通茶餐廳／大排檔風格，外表就平平無奇，但卻內有乾坤。沙嗲牛肉麵正，不過比較鹹，還算可以；件多士幾好，沙律幾好食又juicy。而重頭戲就係超巨型既魚柳包，魚柳甚至大過件麵包本身，比手掌仲大。裡面有加入芝士、番茄同醬汁，食落去就唔會好dry，食完一定會好飽肚；唯一不足可能係塊麵包烘得唔係幾好，烘太耐黑左一塊，但係大致上都算OK。…查看更多

不嬲都幾鍾意食辣野，但自己又唔係好食得辣，又要威又要戴頭盔，唯有拉班friend去食辣野。見到呢間川菜都幾fashion，太空科幻設計配川菜都係第一次見。我地嗌左最經典的幾樣川菜，水煮牛、口水雞、酸菜魚同辣牛舌。水煮牛肉幾好味，牛肉唔會好韌，大部分一咬即開，辣度適中。口水雞食得多但呢度既辣真係堅，絕對夠味，份量就唔係好多。辣牛舌算係最好食既，爽口配上適中既辣度，值得一試，可惜切得幾薄而且份量唔多。酸菜魚應該係最差既菜，酸味重過辣味，而且魚塊份量超少，食幾啖就冇曬，真係唔抵食。總體都算OK，衛生服務都一般般冇特別。…查看更多

話說前排同屋企一家人去佐敦飲茶，發現呢間環境超靚既餐廳，風景一流。餐廳正門入去左邊有一間房專門for打卡影相，裡面幾靚。間餐廳係以舊時香港風貌為主題，所以好多設計都同以前既事物相關，例如有黑膠唱片機及留聲機。走廊中間空曠位置有個醬料臺，有好多唔同種類既醬料。食物都好高質，例如泡菜櫻花餃頂部有一層金箔粉，而裡面係泡菜同蝦肉；芥末八爪魚佐以黃瓜同芝麻，有少少辣，不過芥末味唔會好重，八爪魚清涼爽口；山竹牛肉球上面及底部都有腐竹，裡面係真材實料好多肉，同埋有少少香菜；而鮮茄百花鰻魚盞亦都好足料，頂部有一塊鰻魚同少量魚籽，外層係一片茄子，內裡係好飽滿既蝦肉。屋企人都覺得幾好，環境又靚，野又好食，得閒下次會再黎…查看更多

有friend推薦到呢度食生蠔，就同班friend到呢間尖沙咀既生蠔店試下。叫左份生蠔拼盤，有La Perle Noire，No.1 Lambert同Gillardeau 等款式既生蠔，個個都好大隻好飽滿，加少少檸檬汁但唔好太多，就唔會蓋過生蠔原本自然既鮮味～食落去好滑，有種大海既鹹味同埋肉既鮮甜味，隻隻都好好食！仲有海膽同其他刺身，用紫菜包住海膽，食落去夠鮮夠creamy，仲好大塊！而北寄貝爽口份量適中，都唔錯。…查看更多

一向對海南雞飯都情人獨鐘, lunch時間,試左呢間食東南亞野食的餐廳佢地lunch時間有set lunch都幾多選擇, 同埋都幾旺場, 好好彩地岩岩有位唔駛等餐廳裝修似一般茶餐廳冇咩特別, 唔講真係唔知佢食主打東南亞美食我當然會試下佢個海南雞飯無骨海南雞飯配油飯, 前菜, 椰子雞湯, 同飲品 $65, 凍飲加$3前菜( 胡麻沙律)  - 味道中規中矩, 只係普通的胡麻醬加菜, 但其實唔係好夾海南雞飯, 如果用酸青瓜中和番海南雞油膩感會好D椰子雞湯- 好咸, 咸到完全飲唔到無骨海南雞飯 - 雞唔夠嫩滑, 油飯叫做適中冇咩特別, 醬汁味道夠惹味飲品(凍檸茶) - 冇咩特別…查看更多

同朋友去開佐敦一齊食lunch, 突然行過見到一間韓國菜, 諗住入去試下, 入到去地方好闊落, 坐得好舒服。電視播緊韓國節目, 好似真係去左韓國咁, 好有feel由於唔太肚餓關係, 我地一人叫左一個set lunch, 我叫左個辣牛肉湯飯, 配凍檸茶,  盛為$80.望落去幾吸引, 但一用筷子夾起就出事, 成個湯只有數條牛肉絲, 大量荀乾及粉絲.....冇錯係真係只得數條牛肉, 不過辣湯唔太咸, 味道不錯, 只係湯內的餸份量太少, 完全唔值$80…查看更多