cmyiphk的个人专页

服務到位，味道出色，特別係汁料，調得好特別，好多都唔係出面普遍哥種味道，大部分都係特別調製，豬肋骨色香味俱全；鴨胸非常出色，最初以為面層係鴨胸，下面係肝，點知原來都係鴨胸，口感一流，超juicy👍🏻牛又係好出色，juicy唔靭，啱啱好，龍蝦湯好濃，好重龍蝦味，陳皮檸檬茶好特別，蒜蓉包超香好多時西式野都會比較涼，唔熱，但呢度所有食物都溫度適中，唔會凍冰冰。店員都好親切，笑容又好，值得光顧，有下次！…查看更多

因為疫症問題，人唔多，雖然陸續都有客入，但都只有三四成客，地方算寬敞，坐得都舒服☺️魚生厚切，口感好，夠新鮮👍🏻牡丹蝦細隻左啲，伴底嘅應該係昆布海草哥類，照樣好似魚生咁食，味道都唔錯。八爪魚通常都比較韌，但呢度就算厚切都好鬆軟。仲有北寄貝都細伴咗啲，反而北寄貝壽司會大件啲。三文魚肥美，口感超好，其實仲有一隻魚都好好食，不過唔記得係咩魚😅唐揚炸雞好香口，入面唔會乾，唔錯！霜解牛小排入口鬆軟，好香牛肉味，讚👍🏻…查看更多

同朋友食飯傾下計，就揀左呢間試下，食物同環境都唔錯，唔會好嘈，點左鏝魚定食同泡菜豬頸肉定食，相當唔錯。串燒豬頸肉同牛舌好好食，豬頸肉勁juicy，牛舌唔會乾爭爭，值得推介!另外仲叫左個果凍嘅物體，呢個就差啲，無厘文味，淨係知入面有朵花，但無花香味的...最初以為工業大廈梗係用阿公廁所，點知原來店內係有洗手間，真係幾好！服務員好有禮貌，因為我先點飲品，但佢會提你跟定食就唔需要咁貴，真心係幫你慳返啲，值得一讚！…查看更多