momomosi的个人专页

QR code自助落單，唔識嘅話服務員都會幫你落單。屬於快餐嘅感覺。餐廳地方寬闊，整體感覺都係乾淨整齊嘅，服務員態度正面，不過不失，亦都唔會食完就趕你走。鹽酥雞滷肉飯，炸得夠鬆脆，應該係即叫即炸嘅，但完全冇味道，滷肉飯味道還可以。飲品唔記得係乜嘢水果茶，冇茶味冇水果味，唔好飲👎🏻炸豬扒滷肉飯，都係炸得夠鬆脆嘅，但係又係冇味道嘅，其實加返啲椒鹽粉喺上面都已經夠晒味啦！珍珠奶茶，又係冇茶味，珍珠冇甜味，唔好飲👎🏻…查看更多

泰式醃生蝦， presentation幾好👍🏼，蝦新鮮，個青汁夠正宗，而且唔吝嗇比好多汁，好味好食！小食拼盤，中規中矩，蝦餅彈牙略嫌細塊，魚餅texture 唔係太好，淋淋地冇咩味。春卷好細條，食唔出裏邊包住啲乜嘢，亦都唔夠鬆脆。泰式肉碎煎蛋飯，呢個真係泰國最出名嘅碟頭飯😆 基本上大多數香港人都好鍾意食。可惜呢度整得唔好食，完全唔係嗰種味，失望到爆！另外值得一提，佢嘅泰式奶茶唔錯，同我喺泰國飲Cha TraMue嘅味道一樣！ 佢哋價錢唔平，味道一般般，性價比👎🏻…查看更多

睇食評個個讚話好食，特登嚟試。 晚上食飯時間七點幾都唔使等位，仲有幾張空枱，真係小貓三四隻。點咗食評個個大讚好食嘅卜卜硯冬陰功湯麵，滿心歡喜好期待，因為自己好鍾意食泰國船麵，冬陰功湯麵。點知個湯底又淡又冇味，卜卜蜆尚算可以起碼冇沙，個白魚蛋真係白到冇味嘅，難食！另外點咗個雞髀肉船麵，個湯底又係冇味，白魚蛋又係冇味，啲雞肉又係冇味，基本上真係乜都冇味。泰國食物最基本味道係濃，冇諗過船面個湯底都可以咁淡，根本同泰餐係背道而馳囉！海南雞飯味道尚算OK ，但係雞肉見到有啲紅色血，個人感覺唔喜歡。最後我個人覺得呢個咁多好評嘅船麵，非常失望！…查看更多

餐廳寬敞，座位舒服嘅。機械人送餐，值得讚揚四眼妹妹仔好勤力，時不時見佢周圍巡枱，抹台，收餐，又會幫忙客人落單（因為係scan QR code落單）亦有笑容，今時今日有咁嘅服務嘅態度真係好少有Menu都好多選擇，主打係炸物，炸雞扒，一口炸雞，厚切吉列豬扒，吉列魚柳⋯⋯食物味道中規中矩，白咖喱微辣，酥皮龍蝦湯好味。漢堡扒係Juicy嘅，厚切吉列豬扒非常鬆脆，外脆內軟。但係飲品就偏甜，要再溝冰水先飲到中午匆匆食個lunch，有咁嘅質素冇投訴…查看更多

間唔中都會去ION食，好多時都有promotion，好抵！ 最重要係 - 冇限時，唔會趕客，隨便坐！今次Father’s day去食晚飯，6人以上送魚子醬，坐低齊人即送上，個presentation 好靚仔，好有心思，超級吸睛，讚讚讚👍🏼還有特別節目，現開油甘魚，即擋即派即食，好多人排隊睇…. 好開心，有氣氛😆😆半自助餐，自選主菜，選擇多。Salad bar 選擇多，cold cut，魚生，長腳蟹，蝦，螺，全部都好新鮮，配搭佢哋嘅泰式酸辣汁，好夾好正！甜品區有多款蛋糕，水果，tiramisu，馬卡龍，仲有Hagen-Dazs雪糕主菜我擇左 扒大蝦，夠大隻，啖啖肉，好夠味😋😋咖啡，茶 都係自助式，自己鍾意點沖就點沖。佢哋用新鮮檸檬汁取代切片檸檬，個人喜歡，唔洗自己篤又唔洗飲到啲核😅😅總結，咁嘅價錢，咁嘅服務，係值得推薦嘅👍🏼👍🏼👍🏼 食到非常滿足，非常好飽😋😋 …查看更多

早餐過咗繁忙時間，大約10點左右，同媽咪嚟食早餐，餐廳已經冇咩人，都要趕客埋單。第二次 下午茶時間，叫咗個肉絲炒麵，成間餐廳個廚房咁大，紅醋都話冇嘅，然後問攞辣椒油，掉一包比你，唔夠問佢攞多包，黑晒面！之後見你食完，都係一樣 叫你埋單趕你走！第三次 中午時間大約1:30pm，服務員態度又係差嘅，又係嗰句，見你食完 即刻收嘢，趕客走！比咗三次機會，以後都唔會再嚟，永遠都唔會去！ 所以點解個個都北上，咁嘅服務態度，自己檢討吓先啦，永遠賴人哋！…查看更多

食物水準間間分店一樣。只能說apm這間分店服務員態度最差，懶散唔願做，冇帶位，自己揾位自己坐。放低碗飯掉頭即走，企正响我張枱前，叫咗3聲都唔應，之後高舉雙手才有一個帶眼鏡扎馬尾的施施然行埋嚟，問佢攞個匙羹食飯，聽完 完全冇反應，施施咁递個匙羹比你，全程冇對話，冇表情，冇交流。其實已經自己電話落單，都做少樣嘢啦，服務性行業，態度可以寬容啲，比個笑容或者比個反應個客人都唔係好難啫! 應該係最基本啦！…查看更多

馬鞍山Mostown新店，自己喜歡吃台灣菜即刻入去試試啦。叫咗兩個麵，1個小食，1杯咖啡。食到一半先記得影相，所以相片有點肉酸😅😅⬇️麻辣拌麵，完全冇味，唔鹹唔麻唔辣。👎🏻⬇️麻辣鴨血冬粉，只有少許冇味道的辣，又係唔鹹唔麻！👎🏻⬇️鹽酥雞 終於有味道喇，是平時食開嘅味道，加咗蒜蓉，更加香口👍🏻⬇️ 三星咖啡，嚇鬼死我，$28 一杯完全冇咖啡味嘅咖啡，好難想像咖啡都可以冇味！好似飲緊一杯冇味奶水加冰咁！👎🏻👎🏻👎🏻⬇️ 最後 終於明白點解其他店冇位，而這里有咁多位，唔洗等…..👎🏻👎🏻 台灣菜基本上係重味道，好少話難食唔好食，呢間真心唔好食👎🏻👎🏻…查看更多

中午去叫外賣，待應阿姐態度好似唔想做咁，叫幾次都唔想睬你！到收錢果位小姐更加唔想理你咁，唔講嘢嘅！幾多錢、多謝唔該都冇句！今時今日咁嘅服務態度真係唔知講咩好！幾好食都冇用啦！更何況食物真心普通！Order 個乾炒牛河，因為係比小朋友食，都特登講，仲講咗兩次 少油，少油！點知返到屋企，打開盒嘢，啲油仲多過冇講咁，唔知以為要勁多油囉！啲油多到可以滴成半碗油出嚟！係咪唔知咩叫少油？定係少油唔食炒呀？食油定食麵呀？油浸牛河，點食呀？！…查看更多

7點鐘晚市得幾枱，我哋4位，裡面有好多卡位，偏偏帶我哋坐門口附近嘅圓枱，我話有小朋友，佢哋喜歡坐卡坐。點知服務員個樣超不情不願咁由得我哋自己行過去坐低。搵服務員點餐要大叫先慢慢行過嚟，攞起張點餐紙就走。之後佢入完單擺低張單又即時走咗。我好自然又睇吓張order紙啦，點知發現入漏咗一個餸，又要大叫先有人嚟，但係4個服務員係企响附近傾偈嘅！👆🏻蒜泥白肉，冇蒜，白乾柴皮肉4塊，仲要係冇味，蒜泥白肉冇蒜泥！梅子骨，味道還可以，可惜又乾又硬，老人家 小朋友食唔到！干偏四季豆，味濃偏鹹！以前嚟食過呢幾個餸ok先帶媽媽嚟食，點知失望而回！…查看更多

食咗都有10次以上，每次都係食到一團火！食物茶餐廳嚟講算ok嘅，但服務真係好差！明知係茶餐廳都已經唔要有咩服務！每次點餐啲服務員都唔會應人，錯單漏單sorry都冇句！仲要追幾次都追唔到個餐！追到個餐，點知啲食物係凍嘅！埋單仲衰，想聽句唔該多謝唔好妄想！餐廳人多好嘈，我比八達通聽唔到嘟一聲，唔知比咗錢未，問吓個收銀男(疑似經理) , 睬都唔睬，答都唔答。激死！其實每次問佢嘢或者落單佢都唔應人㗎喇🙄🙄 …查看更多

睇食評好好，所以就來試試。但係食物真心唔好食，唔明點解食評會講到咁好。由於真係冇一樣嘢好食，所以冇影相。唯一覺得surprise 係service 真係好好。今時今日咁嘅年代，啲侍應生個個都笑住對客人，仲要係咁忙嘅時間，真心值得一提，值得一讚👍🏻 每次要落單，追單，查單都會很樂意幫忙，唔會扮睇唔到聽唔到！非常好👍🏻雖然食物有待改進，但服務態度好，應該留得住客人的❤️繼續努力吧！…查看更多

首先，9點幾入去，冇咩人，但係都係冇招呼嘅，自己搵位坐啦！服務嘛，見人見智，年長一點的服務態度很好，有笑容有誠意嘅。後生啲果個就不敢恭維，寸寸供，唔想做咁！清湯真係好清，清到近乎冇味，好彩粟米夠甜。紫菜響鈴唔夠脆，普通冇紫菜應該會好啲。試咗幾款牛，牛味唔重，切得太薄太少太細塊，冇口感冇咬口，好似冇食咁，要叫好多碟先夠。唯一令我有返啲興趣就係👆🏻圖上綠色一條條的，叫水蓮菜，脆脆的，咬落好爽，好有口感，菜味唔太濃，但感覺好得意，喜歡！咁嘅服務，唔會想再去囉！…查看更多

裝修挺特別有日本居酒屋feel，服務員態度很真誠，很好笑容，很有禮貌👍🏻 。今時今日真係好難得。對不起，完全忘記拍食物照😅點了 牛舌串燒，厚身，有口感，有咬口，有味道，加點檸檬汁 味道大大提升😋雞翼串燒，羊架，炸雞皮蝦，都很好吃。推介 炸蓮藕片，超正，口感脆脆的，好似食薯片但又有蓮藕味，很香口但又不太鹹😋叉燒拉麵🍜 熱辣辣湯底味道濃郁，麵條軟硬度適中有彈性，囡囡很喜歡🤩…查看更多

第一次來，買之前問吓店員意見，邊隻味好食？可以存放幾耐？放入雪櫃or唔使放入雪櫃？放咗入雪櫃會唔會冇咁鬆軟？個店員好似唔係好識咁，完全冇product knowledge! 之後我話咁我試吓原味啦，佢話要等10分鐘，咁我就出去行咗5分鐘回去，點知原來排哂長龍！咁點解個店員唔直接同我講要排隊呢？話明第一次，唔識，提醒吓個客人都好正常啫！原來一次只做到一板幾個蛋糕，唔怪得要排隊啦！賣完果幾個又話要等半個鐘！gimmick!!蛋糕蛋味甚濃， 即食係軟綿綿，雪過之後就唔知喇。蛋糕放入雪櫃可以留三日。完！其實香港有好多賣蛋糕的，都好好食！如果要咁樣等，我又唔會返轉頭囉，因為自覺真係好普通，同一個紙包蛋糕咁上下！（純粹自我感覺)…查看更多