calcium_c的个人专页

唔知係咪分店嘅關係啦，去咗尖沙咀嘅分店食咗一次，成個服務有啲亂糟糟，唔會再去了😢首先，一入席見到鐵板燒枱嘅凳嘅高度不一，張凳矮得好離譜，女仔黎講張枱差唔多去到心口位置，一開始希望可以換張凳，但同事話淨係得一張可以換，或者叫我坐窗口，最後換左一張，而同行朋友唯有挺直腰板坐🥲當時同事冇諗多少少辦法幫忙解決，一開始唔知道佢有咕𠱸可以加，後尾後期入黎嘅客人都覺得張凳過矮，先發現原來可以加咕𠱸墊坐住，不過聽到淨係得兩個可用，咁就算了。加上我坐嘅鐵板燒枱成個設計係for omakase，前面有一大舊木遮住咗，完全睇唔到個廚師點樣煮嘢，除非企起身啦😢第二，唔知係咪尖沙咀店係新店嘅關係，除咗啲凳嘅高矮唔一樣之外，用嘅餐具同埋餐碟好似唔夠用咁樣，一個菜品用嘅碟同餐具都唔同，成個感覺好唔一致，同埋覺得有啲求其，例如隔離客人食同一道菜有匙羹，我同朋友就用叉食，可能佢未買齊啲工具啦🥲第三，出菜時間真係好混亂，可能咁啱嗰一日唔夠人手，或者佢哋未溝通好啦，上菜次序都係求其上，次序不一，另外食冷盤嗰陣好匆匆忙忙，一次過上晒碟 （同事話：時間關係我會上埋下個菜俾你先，前前後後講咗兩三次)我見到隔籬枱仲慘，一次過上咗生蠔，蘭王溫泉蛋，海膽王子布甸，成枱都係嘢😂食晒呢啲之後等咗差唔多半個鐘至九個字先食到熱食，雖然熱食煮熟曬但又唔係好熱，不過得一位廚師，所以佢都辛苦，希望時間控制會好啲。第四，同事們都有啲急趕，跌食物/餐具跌左兩三次，我希望佢地老闆可以加多個人幫手幫輕下佢地🥹本身在下一場係八點開始，結果差唔多8:10先上甜品，導致下一輪嘅客人都要企喺門口嗰度等，同埋本身帶咗蛋糕過嚟嘅客人都要好急趕那那臨食(同事問：你哋係咪堅持要喺度食？)後來中尾段有一位廚師返咗嚟，見到佢炒飯好用心，啲手勢同埋速度都好好先有少少感覺自己真係食緊鐵板燒，成餐飯覺得最好食就係個炒飯😂但係整體真係覺得呢個價位有好多更加好嘅選擇，大家諗清楚先揀，因為廣告片同真實真係有出入…查看更多

呢間平時都有食，味道都好味嘅。平時堂食都ok，一般等得比較耐，不過今次叫左外賣自取帶番公司食。食食下見到有曱甴，都唔細隻，大家可以睇圖（圖三），都唔知可以點投訴😅同埋已經食左大半碗先見到😅😅其實衛生咁惡劣係未可以投訴比食環署聽？因為有證有據😅成大隻曱甴係個面入面，如果唔係我慢慢食，好可能已經有機會吞左落肚🤮🤮佢衣加拎一碗出黎都有曱甴，唔敢想象佢嘅湯底仲有幾多隻曱甴🪳好失望，錢又退唔到，餐飯又搞到食唔落，嬲又唔得，投訴又唔得🤮…查看更多

叫咗外賣自取，一路食一路搵到蟲，毛，鋼絲刷碎😅衛生超級惡劣，大家睇圖都見到！講真如果淨係得一條毛嘅話嘅話我都唔會打呢篇野，但係係連續搵到幾樣污糟野😅🤮令人作嘔，同埋味道好淡😅唔好食都唔緊要，但係咁多污糟野真係接受唔到😅平時冇食開，諗住係附近試吓食車仔麵，點知咁離譜😅一定唔會再食呢間！本來見到openrice啲差評都係講緊服務態度唔好，我諗住只要好食都冇問題啦，但污糟到咁，寧願曬啲時間打呢個食評都要講比大家知唔好中伏😅 …查看更多

本身係openrice睇到呢間野新開，以為會坐得舒服啲，點知衛生好差，個呀姐叫我入去坐，一行埋入少少嘅位即有兩三隻烏蠅飛出黎！餐廳有啲臭味，臭左一段時間，過左一陣又冇左。個面係好食嘅，但之後就肚痛。。。加上雲吞得兩粒，唔知係因為雙拼定本身就咁少。基本上佢係主打旅客生意，成間餐廳九成都係遊客，因為啲遊客最多食一次半次或者趕時間先食，佢地都投訴冇門啦。明明得一間分店又講到自己老字號咁，真係唔會再入去食！衛生真係好差！…查看更多