Ming_mcm的个人专页

見到新開決定入去試下 入面環境都可以 地方亦好大唔需要等位就可以直接入去員工指示我地行到最入 繁忙時間一張枱要搭3枱客都可以理解之後比左QR CODE我地落單 同朋友落完2個餐之後發現唔知點解總共有3個餐出現左係張單到咁我地就好好禮貌咁問員工係唔係因為搭枱既人用左同一個CODE落單 所以計埋左一齊佢就好大反應咁講話冇可能 搞到好似係我地已經食左個餐咁我要再同佢解釋我地得2個人 落左2個餐仲未黎 第3個餐真係唔係我地叫既最後先肯幫我地取消返 叫左個醬油叉燒蛋飯黎到係冇豉油係到 我見佢岩岩都有少少燥我都專登撈下個飯睇下係唔係冇比到 我廢事比佢鬧confirm左真係冇問佢可唔可以比返我 又係有啲唔係好高興咁比豉油我終於齊曬野可以開始食個叉燒蛋飯 份量大 味道普通 然後食左十分鐘左右 岩岩serve我地既員工唔知因為咩事開口鬧另一位員工另一位員工就答: 可唔可以唔好態度咁差? 又唔係得你一個人忙終於戰戰兢兢咁食完呢一餐飯諗住可以走啦去到收銀果到個姐姐態度又係差得好緊要 好似我地欠左佢地好耐咁 我成餐飯食到R曬頭成日覺得餐廳野食好唔好食係重要 但係服務都好緊要就算想試下佢地個焗飯 諗起又要受氣都搞到唔想再去了…查看更多

十年都唔黎一次紅磡，記得朋友講過呢間小店野食幾好味。於是我決定試一試，亦不幸地發生以下一連串經歷。先唔講我一路食，樓面姐姐同老闆講野用好似嗌過對面馬路既音量，嘈到我要帶返耳機。到賣單時我勁有禮貌問：唔好意思收唔收八達通？換黎樓面姐姐一句：乜Q都唔收，淨係要錢！我當場都呆左一下，找左錢後我都忍唔住還左一句：洗唔洗咁__寸我亦同老闆表示好可惜，食物還好但係員工態度極差。我明白佢地覺得少我一個客唔係咩問題，但我唔認為任何一間餐廳需要咁對待佢地既客人。以後都唔會再幫襯。…查看更多