Yan927的個人專頁

好耐無飲茶既我，今日陪老爺飲茶，見呢間新開未試過，又咁多人排即管試下，因我有嘢做一早就叫阿仔去攞飛先，我去到都唔係等咗好耐就有位我帶住滿心期待入座，第一眼見到咁樣熱住個茶壺感覺幾細心，絕對每刻都能飲到熱茶，一般酒樓通常坐一陣啲茶都凍哂跟住就當然叫嘢食啦！有啲失望點心選擇唔太多，普通燒賣、叉燒腸、牛肉腸呢啲咁普遍既竟然無，唔緊要可以試其他牛肉咁樣整淡而無味鮑汁鳯爪都係唔入味同埋都係比較淡，鳯爪係夠淋，但我真係食唔到鮑汁味小朋友食一啖馬拉糕，即刻話唔好食，成籠放响度無人食，春卷有陣油益味，呢2樣真心覺得唔好食員工服務態度還可接受，以食物質素要排隊等咁耐，的確唔係好值得！…查看更多

朋友介紹呢間幾好食，仲約我一齊去試，今日上去人唔算多，所以好快就可以入座首先當然揀湯底，我哋就揀咗雞煲，啲雞肉都幾滑又夠味，雪櫃飲品選擇都算多跟住當然啱食既都order少少試下啦朋友話呢度既海鮮都新鮮，咁就加2客試試，事實真係幾新鮮，啲虾仲識郁又大隻我哋又加錢食啲靚少少既牛肉，的確係幾好食，我和朋友比較鍾意封門柳口感幾好，平時小朋友打邊爐都食得少，今晚都食好多牛肉服務態度都算好有禮貌，員工亦會主動招呼，美中不足係漏單都偏多，第一round order既食物有1/3無嚟，因顧住食開頭都無留意，後來發現好似少咗啲嘢，唯有再重新order，同埋雖然話任食火鍋，選擇種類唔太多但都夠食既，所以整體上都算OK，值得一試…查看更多

今日嚟呢度食lunch食物味道覺得還可以但服務態度真係勁差，遞手遞到手軟都無人理，啲員工只低著頭對眼只望地下，要大聲嗌先叫做有反應。我有留意當時客人不算多，好啦！終於有人理我了，個茶壺已打開蓋超過10分鐘了，其實我只想加茶啫，該位員工過嚟攞走個茶壺去加茶，咁我順便將啲吉碟放响枱邊等佢返嚟順便收，佢攞茶壺返嚟見到啲吉碟即時黑我面啤住我，嘩！依家咩態度？我自己收去下欄車好無？到埋單時，老人家想用八達通付款，收銀既員工態度好差話：我哋無八達通，唔收八達通。無唔緊要既咪碌卡囉！態度有需要咁差？我嚟消費唔係欠你錢喎！…查看更多

因疫情關係，好久無寫食評了攞咗消費券當然要去消費一下啦首先必定是牛角今次係第一次去V walk既分店舖面分了一半做牛涮鍋，感覺就好似細咗啲，因有預先訂枱，所以一去到就可以即時入座今次揀咗Set D 極上和牛，驚喜發現有幾款新嘗試，當然急不及待要試試啦😋有鴨肝多士（新），因為顧住食都唔記得影相🤣🤣味道幾好，但第一次燒就真係唔太識燒😅😅多士就麻麻地啦！塩味&黑松露（新）北海盜帆立貝，咁當然係黑松露比較好食😋蒜香牛油美國SRF安格斯極黑和牛板腱扒（新）會另外俾一個錫紙兜裝住牛油&蒜蓉，燒好塊扒&燒溶牛油撈蒜蓉，將牛肉點牛油食，我就覺得麻麻地，只係點返另外跟既醬汁就好味好多，口感比較淋OK既，值得一試再試👍整體各款食物都好味😋😋 唯一美中不足，係明明魷魚已重新上架，但竟然無得order（只得buffet店有），只可另外加錢單點，勁失望！…查看更多

最近先留意到原來除咗牛角buffet外，牛角有某啲分店都有放題食，餐牌同buffet唔同，今晚即管就去試下先！睇咗一輪餐牌，的確係同buffet既餐牌有明顯分別，今晚就揀咗set D，比起我去牛角buffet揀LV4係貴啲！放題同buffet既另一個分別係放題無自助bar，連飲品都係落order既，食物方面啲牛肉真係好吸引又好食🤤🤤其他食物都好高質，蚧蓋一流但不宜食太多，虾明顯轉咗貴價啲既虾，仲有黑椒牛舌都值得一試！餐廳環境寬敞，感覺都好乾淨，員工服務態度真係值得讚！清枱快、出餐快又無漏單、又細心（見你剝虾即遞上濕紙巾）🥰🥰另一樣同buffet既分別就係雪糕，因無自助bar，所以無軟雪糕，但有Häagen-Dazs😋😋…查看更多

新春期間一家人聚首一堂當然要去牛角buffet大快朵頤啦牛角buffet已轉咗新餐牌竟然刪走我最愛既魷魚真係勁失望😕但LV5竟添加了我一家都至愛既鮑魚當然唔好執輸要試下啦🤤鮑魚預先已入味熟既只要略為燒返熱即可食味道很好非常啱我地胃口😋😋見餐牌亦加咗羊肉同好幾款小食羊肉一食入口我當堂嘩咗一聲真係咸到呢。。。。。😵小食例如章魚丸，炸虾，炸墨魚餅等等都係一般無乜特別蒜蓉牛油元貝幾好只可惜我家有人唔食蒜只好全部走蒜服務態度都係一如既往非常好態度有禮親切出餐又快又無漏單情況非常滿意既聚餐…查看更多

今晚又嚟試下南小館食物如小籠包、鍋貼等等既小食ok既炒麵或飯除咗上海粗炒其他都。。。。唔好食（個人意見）今晚試咗新出既炸豬手完全係中伏得個硬字紅油炒手無乜味呢間既服務質素一向都一般今晚我落單加單我响點菜紙剔咗7款食物有1款同我講賣哂我再睇下張單點知只係同我落咗3款因為遞手遞好耐都無人嚟（經常係咁樣）我親自行去搵職員講即時同我跟返食物質素已經唔係好出眾服務態度唔改善的話好難會吸引到客嚟幫襯…查看更多

今日終於有機會去“燉”試下見好多人試過都話啲湯好好飲今日試各樣嘢都好味蛋蒸得好滑飯又好好味出街食飯好少飲到咁足料又無味精既湯今日見到座無虛席所以1點半已經好多湯、飯都賣哂舖細所以座位有限幸好都好快有位值得一提呢間舖啲客好有質素食飽都會即時起身讓位俾下一位客人呢間係全自助式客人都好自覺食飽順便收走自己既餐盤職員好有禮貌值得一試再試唯一問題大部份座位都以bar枱形式而且座位對小朋友嚟講太高小朋友唔夠高食嘢比較論盡啲…查看更多

趁小朋友入咗camp 3日2夜2公婆當然要孖住出擊啦🥰第2晚就係嚟咗牛角（牛角buffet係2公婆出擊必定去既，因係我至愛餐廳之一）（不過今晚多咗個電燈膽）一如既往揀LV4食物質素無得輸今次我仲特登試埋LV2＆LV3既和牛我地覺得LV3既都OK但當然LV4最好（另一原因係我要食海鮮🤣🤣🤣）中途襟需要服務即時有2位員工過嚟非常有效率而且員工態度友善又有禮呢啲先係應有既服務態度，值得一讚再讚👍…查看更多

趁小朋友入咗camp 3日2夜2公婆當然要孖住出擊啦🥰第1晚就係嚟The Place食buffet我都好鍾意嚟呢間食因忘記預早訂枱，即晚打嚟問只剩返bar枱咁我地2個大人坐邊都無所謂啦咁就即時訂2位一開始就梗係食生蠔啦生蠔條隊客似雲來，師父做到無停手今晚啲生蠔又大隻又肥美yummy 😋我食咗1打超滿足🤗其他都係例牌食物啦不過有啲美中不足係龍蝦無膏有啲啲失望既，但都唔緊要蛋糕個賣相真係好靚明顯個師父好有心機去整但真係實在太甜臨走時同職員反映返啲蛋糕可以唔使咁甜食太甜都唔健康淡就少少就prefect 職員都好有禮又好耐心去聽仲話會同師父反映返希望下次嚟有改善☺️電話show返openrice 既優惠券＋碌卡就有折…查看更多

一家人嚟食團年飯都嗌咗好多餸求其影啲啦食物味道一般重點要提提粉絲蟹煲死蟹嚟既啲肉又梅😰服務質素值得一提啲侍應係水平線睇嘢既一係就望地下迎面望過嚟我地遞手想嗌嘢唔知真睇唔到定扮睇唔到等咗好耐先有一個行埋嚟落單🤷‍♀️食哂枱面既嘢想order多2個餸加完單個女人跟手想攞走個餐牌因為我想睇下仲有無嘢想食叫佢擺返低個餐牌對方話：你要睇嗰時先嗌我地攞，廢事整污糟嘩！依家咩態度呀？我梗係想睇先叫你擺低啦！我唔睇話之你掉落垃圾桶啫！😡我忍住道火同佢講：我話擺返低就得啦😠佢最後都係放低咗我再環顧四周無一枱個餐牌係收走咗既依家咩意思呀 你預計到得我一枱會整污糟個餐牌？😤…查看更多

之前都經常去蠔站開餐但自從發覺食物同服務質素下降都已經少咗光顧今日忽然想再試下去到點咗2份set lunch跟住問個侍應攞濕紙巾佢應咗我轉頭無咗件事（當時客唔多偏少）再同佢講多次完全估唔到佢會攞隻匙羹俾我囉🤬未瞓醒返屋企瞓陣先丫😡我嗰份牛扒齋睇樣係ok一食就火嚟😡（圖1）吉列虾徹底係凍既都唔知擺咗幾耐凍既都夠膽攞出嚟俾人食👎牛扒要5成熟點睇到係熟哂👎我二話不說話搵經理當時應我嗰位女仕話自己係經理我即時反映返意見佢都即時同我換（圖2）吉列蝦明顯係翻炸食落去微熱牛扒都唔見得係5成熟囉😑我都廢事再講再等會攪到我會好趕時間求其食咗就算如果再唔改善下食物同服務質素真係唔會再幫襯😕😕…查看更多

一直覺得呢間餐廳服務麻麻所以好耐無嚟了就係耐無嚟見有啲員工唔同咗即管同小朋友去呢間餐廳食lunch 睇下服務有無改善去到攞飛等位但其實成行bar枱無人坐有位著恤衫既男員工話：有枱埋緊單叫我等一等（應該見我揸住拐杖俾卡位我坐）我ok無問題我等咗一陣之後又有另一位女員工走嚟同我講：bar枱有位坐唔坐我：我都知你bar枱有位，你地又話有枱埋緊單叫我等，企咗陣又問我坐唔坐bar枱，坐bar枱你地早應該俾我啦！要我企咁耐玩呀！我見到張卡位執完枱，之前位男員工叫我地去坐，我地2張餐紙都有落order，交俾一位四眼男員工，佢幫我落完order俾返張單我，我已覺得有問題，點解得一張order紙，因小朋友爭住睇緊我又無為意我地order三個lunch好快到齊，我邊食邊等其他小食，食咗一半已同小朋友講：點解我地啲小食咁耐既呢？我叫小朋友俾返張單我睇，一睇之下火都嚟，幫我落單該位員工，睇單只係睇大半張，睇咗你落咩lunch、飲乜，下面嗰啲唔使睇，唔好話我知用紅筆畫咁搶眼你都睇唔到喎！咁我有理由相信佢副眼鏡度數有問題囉！仲有我俾2張order紙佢，竟然係落得1張，另1張同我掉咗，咁我畫嚟做乜？我同另一個應該職位高過該員工既男員工理論，佢一味話唔好意思，話即刻補返俾我，再俾張order紙我再畫過，碟燒蕃薯之前食幾好食既，今日呢碟明顯出哂水既，以後都唔鬼嚟食，食餐飯食到燥底，又唔係好食過人…查看更多

蠔站我lunch都幾經常嚟食物味道尚算ok服務的確勉強還能接受今日嚟到發現好多職員都唔同哂我企响門口望下餐牌當我決定入去食lunch就行去行正門口當時門口有兩位職員好投入咁傾計我行到埋佢地身邊都完全無留意我為勉打擾只好企定等佢地傾完先再安排我入座我都企咗好幾分鐘我留意咗好耐今日啲職員真係純傾計，篤電話我享用完lunch 完全無人留意到要order餐茶同收碟唔緊要 我左望右望想搵職員落order但我好像是透明的終於我忍唔住開口叫職員落order餐茶到了但甜品呢？當然要嗌先有啦！…查看更多

小朋友早放學一齊食lunch 佢地話試下新開呢間餐廳睇價錢實在唔算平但午餐set lunch 都可接受一行4人興致勃勃咁入去試下肉類全部無醃過只靠枱上既醬汁味道確實麻麻塊鐵板燒第3塊肉就已經一堆鑊燶黏住啲肉要換得比較密因鐵板太細本來都覺得服務態度ok既職員見我地剪牛肉太大塊主動幫忙處理順便換鐵板但當埋單離開時我要依靠拐杖慢行差不多到收銀時有位女職員好趕咁唔知佢趕乜呢响我後面一支箭咁衝過嚟經過我身邊時撞到我佢依然直行直過相反我呢！差啲俾佢撞跌我尚算客氣同另一位職員講：有咁趕咩？趕乜咁緊要？我拎住咁大支拐杖都撞埋嚟，我差啲企唔穩跌低囉該位職員即時响我道歉，亦訓話撞到我嗰位同事，亦要對方向我道歉事件好似完結咗，係未既！！離開餐廳不久，我突然肚痛而且肚痾！！！…查看更多