Mr_Legend的个人专页

朋友話想食omakase ，咁岩見到旺角開左間新嘅，仲要勁近買鞋嘅地方，於是買完就去左試下，最近旺角真係好左好多新餐廳，搞到真係好難揀食咩，不過呢間omakase 都午市價錢都真係幾相宜，豐儉由人，最平個餐290蚊就已經有交易，呢個價錢都幾令人驚喜，不過雖然價錢相宜，但用料一啲都唔馬虎，餐廳用料都幾新鮮，講師傅佢地用嘅係越光米，雖然唔係太特別嘅米種，但師傅處理得唔錯，米入口嘅口感唔錯, 調整亦都適中唔會太酸，同刺身配合得幾好。另外坐吧睇住師傅處理刺身都真係種享受黎，呢度整都幾好，新開黎講所以都係正常水平之上，有回頭的😆…查看更多

今日係上水附近打波，朋友帶左我去天平邨醫肚，一入街市就見到呢間星記，咁岩老板同我地講係新開，睇個餐牌真心平到喊，叉燒湯麵都係26蚊咋，蕃茄牛肋條湯麵都係25蚊，真超抵，我已經好耐無係香港食到呢啲價錢，講真都出番市無50蚊都搞唔掂，仲要份量上一啲都唔小，蕃茄牛肋條湯麵畀足幾粒大大粒嘅牛肋條粒，入口啖啖肉，對岩岩打完波嘅我地黎講真心好醫肚，50蚊前后食兩個麵餐真係好抵，聽老板講佢地個焗豬飯都好正，搵日再黎呢邊都會再黎星記美食呢邊再食下，因為性價比無得頂，簡值糧尾救星…查看更多

又到假期一家人緊係周圍搵下野食，經朋友介紹知道屋企附近有間隱世小店整西餐唔錯，緊係即刻book枱食下，餐廳係泰國餐廳為主嘅九龍城都可以企得穩，一定有過人之處，所有都令人未去嘅時候已經有啲期待。。一去到餐廳，老板都幾熱情招呼我地坐低，仲因應我地嘅個人口味同我地介紹餐廳嘅野食，令人感覺都幾貼心，所以係餐廳推薦下都試左幾款令人驚喜嘅菜式焗瑞士芝士，芝士夠香濃又帶有拉絲效果，芝士嘅咸香味同薯仔非常配合，作為前菜非常岩深海鱸魚，廚師煎得岩岩好，皮脆肉嫩，唔會好似出面其他餐廳咁成日煎到太老龍蝦意大利飯，龍蝦煎得好夠香口，入口唔會似像根，意大利飯硬度岩岩好，個人鐘意硬身啲，不過可惜好多地方煮太淋啦白酒煮纽西蘭大蜆，呢個我直頭連汁都想飲埋，大蜆夠鮮，底汁夠哂香濃惹味，如果有碗白飯絕對係絕配美國斧頭扒，廚師火喉掌握得好好，斧頭扒入口仲係好juicy，唔會乾哂，最緊要有肉味，唔會淨係得雪味餐廳都係個一家人開開心心食餐飯嘅好地方，有服務之餘仲有好野食…查看更多

今日係油麻地行街，見就到6點無得堂食，諗住買啲野食番屋企開餐，行行下就見到呢間turkeyano，佢個$168兩個14寸pizza超級吸引到我，見佢6點前仲有呢個優惠，我即刻走埋去落單，我就揀左margarita同埋roasted lamp，仲有買左個細爆谷hea下爆谷無諗過係卡巴舖會有爆谷食，買黎Hea住等下pizza都幾岩Pizza (Margarita)一打開果個都真係好有驚喜，估唔到佢地會落咁多芝士，一打開見到滿滿嘅芝士真係超級令人開心，Margarita就應該要咁樣先得架嘛，出面啲舖頭成日番茄醬多過芝士，食過超唔過引，呢度嘅Margarita就真心滿足到芝士迷Pizza (roasted lamp)烤羊肉薄餅料都好足，都超級惹味，咁樣168兩個pizza真係超抵，過兩日都會再去…查看更多

今日做野經過見到餐廳個裝修好得意，因為好小米線舗個裝修咁有特色，於是就畀吸引左入去食。一入去侍應就好熱情咁招呼我地，細心咁介紹餐牌嘅食物，仲介紹餐廳可以任加米線同白飯。不過真係估唔到餐廳嘅白飯係用日本珍珠米，湯底係自家製唔加任何味精。跟住經餐廳叫左幾款野食，都真係幾有驚喜!!!辣椒炒肉拌米線即叫即炒嘅辣椒炒肉，一上枱已經聞到香味，入口超級香口，辣度岩岩好完全唔會嗆喉。米線加入餐廳嘅秘製嘅醬油，同辣椒炒肉好夾，兩者非常配合得岩岩好，餐廳仲可以任加米線，岩哂米線FANS話梅小番茄另外套餐其中一樣包嘅小食就係話梅小番茄，呢個小食通常係高檔中菜館先有，餐廳醃得岩岩好，唔會太甜，入口清涼，食緊辣椒炒肉拌米線配呢個小菜簡直一流…查看更多

今日黎到旺角開飯，之前朋友話新開左間omakase，所以今日放假就即刻衝去試下！整體黎講算係幾好，有幾樣野係特別好食就好似係牧丹蝦壽司同拖羅壽司，尢其係牧丹蝦壽司因為師傅用牧丹蝦頭膏做壽司，入口係濃濃嘅蝦味，岩哂我呢啲鍾意食蝦嘅人，另外師傳都幾細心咁介紹每件食物，真心學到唔少野 ，跟住侍應服務都幾積極，成餐飯都唔會有畀人冷落嘅感覺！最後既甜品係薑味雪糕 都幾好味，聽師傅講係佢親自揀嘅！同行嘅朋友比較小食Omakase， 佢都覺得相當唔錯，所以一定會再黎，旺角又多個開飯位了…查看更多

最近終於都放寬左一啲，可以出街食飯啦！因為之前禁止夜市搞到同朋友都好耐無見，而家放翻緊係要同朋友見個面，今日去到旺角行下，見到呢間好似啲位都幾寬闊，可以畀我地坐低慢慢傾下一入去發現環境都唔錯，位幾好坐之餘又多boardgame 玩，無諗過一間cafe都有咁齊料！揀完game, 於是我地叫左兩個漢堡，同1款小食，跟住就hea一下玩一下咁黑松露漢堡係餐廳最近新整的，漢堡入口夠香脆，中間嘅肉夠juicy, 再加埋黑松露醬，真係香到震作為小食嘅洋蔥圈炸得夠香脆, 岩晒玩 game食！無諗過樓上cafe都有呢啲質素，下次都會黎玩下開心下…查看更多

今日放工本身想即刻翻屋企，但口淡淡好想搵啲濃味嘅野食，行無幾步就見到呢間火五，係門口見到價錢都幾親民就走左入去試下！火五火車頭河粉一上枱就都幾嚇親，雖然話免費多粉，不過份量都幾大喎，料又多，味道入口都唔錯，牛肉肉質都ok, 湯又唔會太咸，絕對對得起個價火五特式鳳爪又係一個份量大嘅小食，22蚊可以有呢份量真係堅, 性價比勁高法式咖喱牛肋撈檬呢個真係第一次試, 以前從來都未食過咖喱撈檬, 估唔到又真係幾夾喎, 咖喱味道幾香濃, 夾埋檬粉都唔錯真係下次可以帶多啲人試下, 作為一間越南粉店佢都真係好多款式, 唔同嘅野食都有得試下…查看更多

好耐無食過韓式燒肉，星期日又想休閒小小食下燒肉，而且係韓式燒肉食野有時仲會有意外的驚喜，所以今晚就決定同朋友黎呢度開飯，朋友喜歡食呢度嘅牛肉，所以揀左牛肉拼盤，有好多種牛肉係拼盤入邊，我比較喜歡了多款選擇所以拼盤就最岩feel。因為呢個組合可以一次過食晒牛嘅多個部位，牛肉係每個牛魔王都必點架啦。。。我最鐘意嘅部份係腹胸肉，肩脊肉，牛舌，厚切牛舌，及牛肋肉，餐廳用嘅牛肉紋路唔錯，油脂唔會太高，入口勁重牛肉味。最後最推介呢度嘅煎蛋，簡單嘅配料和煎魚一起食，味道非常有驚喜…查看更多

今日係朋友生日，本來一開始想同佢食大排檔，但跟住搵搵下大排檔餐廳，就突然見到呢間有蒸氣, 跟住睇下啲評論再睇下啲相,感覺都幾唔錯, 就心諗今餐豪小小吧!不過話說餐廳畀到人一種私房菜嘅感覺，地方都算幾大下，而且裝修都好靚下，一入座就見到餐廳有幾大嘅魚池, 啲海鮮都好生猛下, 跟住同事好熱情咁同我地介紹野食, 跟住我地就叫左套餐,入邊有好多個矜貴嘅海魚，好似鮑魚，蟶子，海蝦，樣樣都幾新鮮，尤其海蝦，上枱嘅時候都仲係郁架，差啲嚇親。。。。不過總括黎講都係滿意，因為都比較小地方食野環境咁舒服！…查看更多

約咗朋友去尖咀打邊爐，佢地話見啲湯底好吸引，所以就揀咗呢間！地方都坐得幾舒服，都幾多梳化位！我地揀咗個最貴嘅鍋底！金湯腿翅鍋 ！唔鐘意用翅嘅話，可以轉做花膠！個湯底好大鍋！個湯好重金華火腿味！入面有好多，仲有大大舊金華火腿骨，另外仲有半隻雞！個湯底真係好正！打邊爐點可以無牛肉！直接叫咗牛肉牛魔王拼盤，入面已經有4種牛，唔洗再獨立叫！有本地牛、牛胸爽、安格斯牛肉粒、牛脷！4款都好食，牛舌同牛胸爽都好香，牛肉粒同本地牛都幾重牛肉味！大大盤牛用黎影相真係好啱！其他野食仲叫咗份黑豚雲吞王併黑松露帶子餃，每樣要半份試下！黑松露帶子餃同雲吞王兩樣都好巨型！半份有4隻！兩款都皮薄餡靚！黑松露帶子餃餃皮好薄，包咗帶子、豬肉、黑松露喺入面，好有口感同好，好香松露味！黑豚雲吞王一樣好圓好大粒，有大大隻蝦喺入面！另外仲有啲豬肉餡！野飲就叫咗紫貝天葵，好似健康過汽水！而且酸酸甜甜，開胃又解渴！…查看更多

山長水遠去到粉嶺同屋企人食飯，佢地揀咗去食上海野！平時假期食飯時間見佢都幾多人排隊，所以都係閒日先黎食多湘滬川啲片皮鴨都算幾平，成隻都只係二百幾蚊，二食嘅話就再加多幾十。多數我地都係一食就算！幾鍾意佢片嘅方法，一邊淨皮，一邊皮連肉。因為依加好多地方都片到大大舊肉，其實真係皮先食到陣香味！當然仲要靠個醬，大蔥同青瓜去調味！啲皮黎到嘅時候仲脆脆地，好吸引小籠包推出咗幾款新口味，我地試咗芝士黑松露口味，小籠包個頂都有放咗黑松露，入面粒肉都幾大粒，見到混合咗少少芝士入去。但松露味就比芝士味再明顯啲！仲叫咗碗担担麵，啲花生碎同肉碎都幾多，個味都幾濃，啲麵都幾掛湯，吸滿晒個担担湯味，好仲麻醬味。碗麵辣辣地，又唔會太刺激，好食…查看更多

上次去個同商場第二餅店食完包包,今次係港鐵a出口一上黎就見到呢間a1,所以就決定要去試下啦！！同一般餅店一樣都係有好多唔同種類嘅麵包同埋糕點，不過呢間舖頭就畀到好多唔同嘅驚喜我，有好多平時係一般餅舖買唔到嘅野食呢度都有得食到！！就好似呢個中村藤吉嘅蛋卷咁，係a1呢季最新嘅產品, 係最新中村藤吉在a1賣嘅產品, 有分抹茶同培茶味，我個人比較鐘意培茶味！個蛋卷入口果下真係好鬆軟，仲有真係好香培茶味架，真係超驚喜！當然其他呢度嘅野都唔錯，只係呢個蛋卷我最鐘意…查看更多

番新工嘅日子又到,講到搵早餐嘅地方我就一定係搵番一啲又平又方便嘅地方啦,有見及此就搵左美心做我嘅最佳選擇啦!!!因為呢邊間美心選擇都算多下,有麵包有西餅而家仲有埋月餅賣!!!麵包都算質量幾好, 仲要有好多款唔同嘅口味，都係啲由細到大成日食嘅口味，有時食下都真係幾令人懷念以前嘅時光。。。西餅果啲就更加唔洗講啦成日都買黎食, 好似今日買嘅朱古力撻咁樣，以前日日都買黎食，朱古力味夠晒濃，夠厚實而且都係大大隻撻, 唔會話細細隻咁,跟住見到好似又新出左幾款撻,下次都要再試下先得!!!…查看更多

台灣野係香港都算係一個熱門菜, 我都成日食台灣野, 不過就好小會去啲台灣過江龍去食台灣野, 今日見屋企附近個新商場入邊有開左呢間度小月，好耐之前都有睇過啲網上廣告話度小月呢個品牌係台灣黎的, 係香港有好幾間分店, 不過香港話大唔大話細唔細咁, 我就好懶去搵一間餐廳開飯 , 但係今次佢開到埋黎身邊咁就當然要去食下啦, 一去到餐廳已經見到職員不停係度整傳說中嘅肉燥飯, 呢度嘅肉燥係罐頭都有得賣，真係利害利害,所以一坐低就要左個肉燥飯食，食落果然唔同啲，夠惹味之餘配飯一流！另外其他小食都即叫即整，真係果然過江龍係唔同啲…查看更多