jenngai的个人专页

呢間嘢開咗好多分店，想試好耐今日終於係尖沙咀誠品試咗。本來坐 bar 枱職員見有其它枱即叫我轉枱，抵讚！呢度 lunch 係一主食（包或飯）加4-6個餸，越多餸價錢越高。而除咗蛋同蔬菜，大部分肉都要再加錢。好似我呢個4餸1飯咁，茄子、雜茹沙律、辣椒炒蛋係套餐包埋嘅，但係個 signature 叉燒另外要加 $48，所以整份餐要 $183 再加一，抵唔抵就要睇質素。見要加$48，仲話係 signature dish，以為好正啦，滿心期待。。。點知一嚟到，乜咁小嘅？？三小塊猪肉，唔係唔好食嘅，不過唔係好好食囉，仲要唔扺食。炒蛋就辣椒加蛋炒咁啦。茄子竟然偏硬，唯一有好香嘅芝麻係上面。雜菌沙律味道清新，可以。不過咁嘅價錢咁嘅分量，我會期望多啲嘅。杯 flat white 揀咗fruity，香濃嘅，真係有果味，好飲。如果平啲可以食吓嘅。…查看更多

本來諗住求其係附近搵啲野食就一餐, 估唔到好有驚喜!個手工餡餅皮又酥又脆又有餅味, 夾埋啲有肉汁嘅豬肉仲有辣辣地嘅豆角, 好味喎! 有啲似西安嘅肉夾饃, 不過店員話係新疆 style。個手撕雞冷麵, 當然麻醬同麻辣醬係重點, 但係雞絲都有口感夠大條, 青瓜又爽脆, 麵條又出奇咁爽口彈牙好食, 讚! 夏天其實幾啱食。唯一係貴啲囉, 加埋野飲要 $80。話老闆係新疆人, 呢啲係新疆野。我唔知呀, 不過幾好食, 又有啲新鮮感, 我覺得會有下次!…查看更多

好耐無試過去食嘢食到想叫回水!!Cafe feel 餐廳 $34 叫杯咖啡無諗過仲衰過即溶咖啡粉沖個的。樣樣都貴!個飯不得了! $188, 唔知點解夠膽收!俾幅牆呃咗。間嘢好細, 一啲都唔吸引。。。2個字, 唔使試。。。…查看更多

慕名而來，ok喎!店名藍山咖啡店，sell 平民版高級咖啡店子小小的，好地道街坊feel飯菜似屋企餸，但對胃口。釀豆腐卜煎得脆脆的，非常好送飯。重點的藍山咖啡初嘗不以為然，嗒真好香好醇喝得好舒服，不俗!若經過荔枝角道可順道一試深水埗真係乜都有…查看更多

老店實在有老店嘅好，難怪12pm就坐滿街坊碗粉葛豬㬹湯超甜超好味，充滿住家味道，仲要飲完一大碗零口乾個紅燒豆腐熱辣辣好送飯，感覺又健康仲要只係$32連靚奶茶，確實扺!傳統舊式冰室買少見少，唔花巧又有feel，要珍惜!…查看更多

食家同事推介，果然係好嘢 😃這間小店是蠻有誠意的！裝飾很簡約但很舒服，而且無論枱椅甚至餐具都應該是靚嘢！All day breakfast 不算很大份量，但材料不俗，粟米應用牛奶炒過的，火腿煙肉都好吃，炒蛋也香濃。重點的柚柚拼盤也沒有失望，雪糕柚子味濃，柚子tart味道軟滑，是有心思的！去這裏hea，應該不會失望⋯⋯但開在車房臨立的舊區，恐怕不易經營，想試趁早！…查看更多

這個桂花豆腐芝士蛋糕好吃喎！豆腐味很濃，芝士味淡淡的，消化餅底既香但不油膩，上面一層桂花糕有清新的口感，ok 喎Flat white 並未為我帶來驚喜，但可為蛋糕而來一試是同事的推介，地方很小，但很多私房裝飾附近幾個舊商場有大量小型食店。再一次証明，沒有領匯，便有選擇…查看更多