Samuelhinman的个人专页

幾年前我喺呢間餐廳嘅常客， 近來收到消費券就諗住走去試下佢個午餐，睇下會唔會同舊時一樣咁好啦😉點知今次就中咗伏喇😂其實呢間餐廳有好多問題真係要去改善！第一服務態度，我一入𨋢上到去就聽到接待處同打電話入嚟訂位嘅客人對話，我聽到嗰個接待姐姐個語氣非常之唔好又冇禮貌，心諗餐廳多人食都唔係連少少禮貌都冇呀嘛，唔係要受你氣呀嘛訂位都😥第二就係佢哋食物嘅refill速度超慢同埋貨不對版😡， 初初開始時係擺得好靚仔嘅但係原來真係得初初開始嘅時候😣啲海鮮蟹腳唔夠十五分鐘就畀人掃曬跟住隔咗好耐一直都冇再review過，後來我見到佢有refill， 但係拎出嚟嘅質素係Ｄ營養不良嘅蟹腳，又瘦又細有圖為證😡！ 這個真心嬲如果出一轉你哋唔想再出嘅話就唔好做自助餐啦玩嘢咩😫！你又要收人自助餐價又驚啲客食曬食得多收收埋埋咁鬼孤寒🙄 除咗我之外仲有其他客人喺度問佢哋嘅答案都話慢慢會出㗎喇，慢都唔使成半個鐘都唔出呀嘛😂，真係真係唔信你哋冇心係咁做來控製成本。 同埋我覺得佢哋食物嘅質素同埋味道都比之前差咗好多，尤其是啲甜品好似一啲誠意都冇個拿破崙仲要淋曬完全食唔落。佢哋嘅壽喜燒Ｄ和牛肉瘦到我不能再形容，一啲脂肪都冇又鞋又靭阿婆應該食唔到，如果用這個價錢我不如加多少少去酒店食冇咁嬲啦😐😐仲有佢哋雪糕應該唔係再用大牌子嘅嘢😥佢完全冇寫任何牌子，但我食得出佢嘅味道係比較淡口同埋水汪汪應該係自家製。自家製都有自家製嘅好食但係我覺得佢哋自家製係完全唔好食，非常之淡嘅雪糕。所以最後我食咗個零鐘頭就走人啦都唔想再錯落去🤣，舊時喺我印像中好好嘅餐廳今次成為咗我一個好差嘅回憶😥。這個是我真心真實嘅食評，因為我真的不希望有其他人再中伏亦都希望呢間餐廳好好改善同反省，不要忘記你們初心，因為你哋舊時真係做得好好㗎，唔好搞到咁啦😥，短期內我應該唔會再去了😔…查看更多

平時我好鍾意食甜品嘅，今日做完嘢一個人就諗起去森泰遠甜品餐廳試下佢新出嘅下午茶high tea套餐。一入到去估唔到星期六下晝都冇乜人得我—個，咁我就試下新出嘅下午茶餐先，估唔到份量會咁多😂 鹹點已經有四款，有薯角，雞翼，蝦多士同埋洋蔥圈，食完都飽咗三分一😂。食食下黎埋蛋糕甜品估唔到咁鬼死多，每款都有四種，有楊枝甘露，燉奶，蛋糕，班戟等等，還包一杯飲品😍食完飽連晚飯都唔使食😂，份量真係多到如果兩個女仔嚟叫一份都夠😀。而且味道非常之好，性價比冇得輸真心物超所值，一個人都係＄118真係冇得輸。這間店或者真係地點問題所以比較難發現😐，食咁耐都係最後得一兩枱客人，心諗咁抵食嘅下午茶咁高質素都竟然咁少人😣其實佢哋真係好近地鐵站不過只係隱藏在工業大廈裏，希望可以多Ｄ人認識上去試下啦，因為這類有心小店真的很值得我哋去支持！加油呀！😊😊…查看更多

今日去咗馬鞍山烏溪沙影日落，影完相又係食晚餐嘅時候啦。今日食咩好呢！？ 在我不停上網搵資料嘅時候，我無意中發現原來馬鞍山新都城廣場開咗一間備長炭煲仔飯專門店，而我又好鬼鍾意食煲仔飯，胃食嘅我當然第一時間走去試下啦！一到門口未到六點鐘已經有四五個人排緊隊，估唔到呢個時候仲有餐廳要排隊，我等咗差唔多十五分鐘到就入咗去了。裏面嘅裝修格局相當新穎，仲有一個大魚缸放咗好多生猛嘅白鱔喺度遊緊水。睇佢資料講呢度嘅白鱔煲仔飯係新鮮游水，我第一時間叫個豉汁白鱔煲仔飯，另外睇佢啲點心又好似幾靚咁，我就叫咗籠燒賣加多一份蝦春捲！另外提一提大家而家去到舖頭如果喺 社交平台畀個like嘅話仲會送多份小食添，咁我就加多一份酒雞翼尖！好似好多嘢食但係我當其時好肚餓完全失去理智咁樣叫。首先嚟到嘅係蝦春捲我極力推薦大家一定要叫，春捲外脆內軟非常鬆化，如果10分係滿分我會比9.5分，之後呢度有雞翼尖同埋燒賣亦都相當出色。食咗同埋等咗20分鐘到個煲仔飯終於送上，嚟到首先睇下應該點食先，原來呢個煲仔飯係用備長炭燒所以就唔使落豉油吸蓋等飯焦，因為備長炭可以令到佢熱力均勻燒出嚟嘅煲仔飯已經有飯焦香唔使再焗。留意下枱面原來有一支秘製豉油同有一罌豬油，豬油撈飯雖然唔健康但係間唔中食下係非常之開心嘅事！ 果然冇推介錯佢嘅白鱔好厚身好肥美，加埋豬油落去簡直係人間美食好好味，仲有個好消息太古城下年一月份有另外一間分店開張，到時香港島既朋友就唔使去到咁遠都可以食到咁好食嘅煲仔飯啦！最後大約食咗一個鐘頭我走嘅時候門口仲有十幾人喺度排緊隊真係好誇張…查看更多

做完嘢又有啲肚餓咁啱有朋友約我去食下午茶，佢極力推介我去一間羅宋湯嘅專門店話好好飲帶我去試下，咁我聽佢話佢試下啦！一入到去見到個餐牌已經係一大碗嘅羅宋湯，我估呢間餐廳應該對自己嘅羅宋湯有相當大嘅信心。我當然就叫咗個羅宋湯下午茶餐啦，有兩種選擇一種係牛腩，一種係豬肉，羅宋湯我覺得最夾嘅始終都係牛腩。嚟到一飲味道都相當唔錯有少少辣又唔會好搶猴，整體嚟講都係好味嘅，之後我叫咗兩份小食一份係蝦多士同埋一份雞翼，蝦多士相當之好食好脆口，而家香茅雞翼嚟嘅有陣陣嘅香茅香滲出嚟！ 而最後我亦都叫咗個牛扒包，但係個牛扒包我覺得牛扒有啲硬，但個包就好鬆軟，一啖咬落去咬唔斷食起上嚟會比較論盡。整體質素我覺得同佢價錢嚟講都係物有所值！如果大家有機會去開新世紀廣場而又鍾意飲羅宋湯嘅話可以一試㗎。…查看更多

今日又係早收工一個人又去搵好嘢食，我發覺我銀包裏面有一張50蚊北海道現金券，仲有幾日就到期，我就今日走去試多一次啦！ 去到先發現原來而家做緊六折優惠咁我梗係唔用現金券啦！原本差唔多三百蚊嘅北海丼而家只係需要178蚊，但係有條件嘅就係要叫多一樣小食或者前菜。咁我就叫咗個芝士年糕試下啦！等咗無耐個北招牌不可當就嚟咗啦一件頁裏面有好多海鮮呀， 好似好新鮮而且啲海膽仲唔少添。之後呢買個芝士年糕啱啱炸起熱辣辣好好食。 再講個魚生飯非常之高質海鮮非常新鮮完全對得住個價錢，食完會再上去食多次，因為對上一次我食嘅係a5和牛已經非常之好啦，今次食埋佢嘅招牌北海丼飯更加冇得頂！去開太古城嘅朋友我推薦俾大家去試下，而家仲有六折優惠真係唔好錯過呀！ 仲有一樣嘢食完呢餐之後佢又畀多張50蚊現金券，咁我下次食嘅話就有100蚊現金券用，下次用一百幾蚊就食到超抵。好快我應該又會再去多次㗎啦😂😂。…查看更多

今日放工做完嘢有啲攰，好想放縱一下心旭旭想食下火鍋，就畀我諗到北角有一間質素高嘅火鍋餐廳， 今晚就去盡啲直接攻頂食個398蚊嘅日本和牛試下先！ 一嚟都唔使一分鐘湯底同牛肉已經到齊， 一見到啲牛肉就知道係靚嘢， 只需要簡單桌一桌我連豉油都冇落直接咁樣食，完全感受到牛肉嘅甘香同埋佢嘅油花香， 忍唔住我今晚就已經不知不覺食咗七碟和牛，日本豚肉我亦都食咗兩碟。 豚肉亦都係一點都不失禮非常之嫩滑鮮味。 不得不提我今晚飲咗佢嘅冷泡茶完全冇飲過汽水因為啲茶實在太好飲，最後我仲食咗五個m字品牌嘅雪糕球， 我估我淨係食雪糕已經食超過一百蚊以上🤣🤣完全係物超所值回曬本! 我完全推介去開北角嘅朋友去試一試絕對唔會令你失望。…查看更多