robinlwp的个人专页

Royal Inn是我其中一間飯堂，今日午飯點了花雕醉雞卷定食，加了生蠔海鮮併盤，餐湯是南瓜湯，這裡的酸種面包很好吃，熱辣辣、脆口，用來跟湯或跟它的焗雞點汁吃最好，生蠔海鮮併盤好新鮮。另外用會員積分換了朱古力心太軟作甜品，夠熱美味。餐廳環境裝修優雅舒適，待應服務很好，值得推薦。…查看更多

晚上周六六點去到，唔駛排隊，直接有位，兩大兩小叫了肉碎蒸水蛋，好滑蒸得啱啱好，送飯一流，兩個細路都好鍾意，話下次要再去，燒雞好好食，皮脆肉嫩，豆腐好滑好食，花菜都幾好，可以選唔辣，燉湯足料味道都唔錯，最後叫埋馬蹄爽做甜品，湯水係好夠熱，又唔會好甜，我一家都唔偏好食辣，又有兩個小朋友，原先諗住呢間野大部份應該都係辣唔會啱食，所以一路無去試，今次決定試吓，有驚喜，整體非常好，又唔少選擇，下次都會再去。…查看更多

之前睇其他人食評見呢度招牌菜係牛脷，而我最鍾意其中一樣食物就係牛脷，所以一定要黎試試！上一次已黎食過佢既咖喱牛脷飯，已經覺得好好味，今日中午黎試埋佢個厚燒牛舌飯，慢煮牛舌同埋生蠔。先黎左慢煮牛舌，本身有兩舊，但太心急想試唔記得左俾相機食先，慢煮係三款牛舌之中最好姇的，非常厚切，好淋，味道好好，非常好食，蘿蔔都好甜。厚燒牛舌飯，一樣非常厚切，上面有鹽同黑椒，燒得幾香，飯相對牛舌仲少，不過我鍾意少飯所以份量我覺得好好。個生蠔唔知佢係咪漏左單，見佢好似先幫我開同上，但個蠔好新鮮肥美。整體野食非常滿意，暫時係我食過咁多間牛脷最好食既一間，不過我星期日中午黎，如果佢唔係只收現金就更好了。…查看更多

第一次黎食，專程黎試下佢個焗豬扒飯，另外叫咗個羅宋湯，蝦多士。羅宋湯幾足料，當中啲肉夠淋，好食，微辣，份量亦足，但稍為杰左少少。餐包有烘熱，外皮有少少脆，如果再熱啲會更佳。蝦多士好大件，夠熱，不過個邊有部份稍為硬左少少，薯條一般，應該唔係即炸，部份變左有啲硬同唔夠熱。焗豬扒飯個飯底我覺得一般，多啲蛋同乾身啲會更佳，豬排唔夠厚同個邊唔脆，但味道係好食的，屬中上。環境乾淨，舒適，待應服務都良好。整體都幾好，不過如果想食焗豬排飯的話我都係會去我鍾意的另外一間較好。…查看更多

見過芝士炸豬扒幾特別，專登黎食lunch試試，賣相靚仔，一夾塊豬扒就知係剛炸起，中間冒煙的，都幾厚切，個汁好match而且唔會太濃太膩，個飯都好好食，約$100既價錢性價比非常高，會Encore…查看更多

11月尾打電話想book 23/12 七點17位，當時回應係12太遠未book到，你12再打黎啦！mark低咁簡單都唔做心諗點做生意，問多次都係唔肯留枱，唯有問完book房的話價錢係點計再收線，12月再打去今次先同我講只有六點同八點半，態度仲極之惡劣，仲cut我線！好離譜！…查看更多

經過見到佢個原粒芒果糯米磁已覺得好好食，買左粒試試果然好正，皮薄柔軟、唔多粉、啖啖有芒果、芒果新鮮好甜，好正！食完一粒，太好食，結果買多左六粒走，哈哈。值得推介！…查看更多