Suki619的个人专页

係將軍澳附近做完嘢，太多餐廳選擇，最終去咗上海婆婆，叫咗個麵點套餐（擔擔麵+上海小籠包），麵質啱啱好，湯底好香濃，對於我黎講有啲辣，係好飲嘅！小籠包食落好多汁，皮都ok薄。…查看更多

布甸包外面嘅麵包食落好煙韌，原味布甸包嘅布甸好滑好香、而開心果布甸包嘅開心果味唔夠濃。凍食應該係再好味啲。而店內有個蕃薯包真係成舊蕃薯加麵包😂純粹比佢咁搞笑既賣相吸引，味道完全無特別。…查看更多

食咗好多次依間嘅半自助午餐，午餐款式好多，價錢相宜。仲要有啲泰式沙律前菜同冬陰功湯任飲任食👍🏻👍🏻服務態度又好、環境又靜又大，最鍾意一個人係度舒舒服服慢慢嘆🥰…查看更多

本身無特別鍾意食榴槤，但突然戚起條筋好想食，所以就特意搵咗間有新鮮榴槤食嘅放題，除咗有新鮮榴槤，仲有榴槤蓉及炸榴槤🤩🤩 午市好抵食$268加一，仲要有三個鐘慢慢食。今次主要食榴槤，甜品同雪糕無乜點食，下次會再黎食🤭…查看更多

第一次食依間嘅拉麵，聽聞是日本人主理的拉麵店，當然要試試佢🤭 多謝朋友帶我去試🤩雞湯底清得嚟好好飲，唔油膩😋拉麵口感都啱啱好，彈牙！！依碗啱曬我口味，正呀！…查看更多

等咗九個字，終於食到啦！！😂😂🥹🥹諗住第二日食情況會好啲啲…依然多人到…🫠 略嫌嚿班戟痴牙同淋咗啲、嚿豬柳鹹咗啲，但整體我係鍾意的😋聽到好多男仔話普通，我諗係女仔先識欣賞嘅McGriddles😂…查看更多

第一次食梅菜扣肉，所以比較唔到，但自己就覺得依間嘅梅菜扣肉好好食，入口即溶，好好送飯！而同行嘅朋友就係有食開梅菜扣肉嘅人，佢地都話好好食！所以好推薦食依度嘅梅菜扣肉，完！而胡椒白果豬肚湯又係好值得推薦，完全無豬臊味，腐竹味超濃，好清好飲！其他餸，一個字……鹹🥶 食完返到屋企要狂灌水。…查看更多

未食晏，所以去咗食個下午茶餐，除咗價錢不同，份量一樣多😲個豬扒好厚好Juicy，入口香脆，配埋又香又滑嘅咖喱同滑蛋，勁出色囉！！😋唔覺食下食下就食曬成個飯啦😂…查看更多

個麵本身有啲清，我諗加埋佢枱上提供嘅醬料會好味啲，但我不嬲食開清淡，所以還可以接受。至於糍粑外皮薄脆、內裡軟糯，但再多啲糖漿就更好味啦🥰老闆同老闆娘都好nice…查看更多

非常推薦吃的隱世高質西餐廳！！性價比超高！附近好少餐廳揀，就隨便揀咗依間食，點知驚艷到我！！我地點嘅每樣嘢食都好好味，特別係個燴飯同牛角酥窩夫😱支持香港小店！…查看更多

剛剛開門營業嘅鐘數去，所以未有人，igable 打卡一流，影咗好多相🤩 但都因為剛營業，冷氣唔夠，我諗同宜家街上氣溫差不多，廿幾三十度，我一路食一路流汗💦😅魯肉飯幾唔錯，難怪餐牌上有👍🏻手勢 哈哈…查看更多

見好多人都叫海南雞飯，但自己就無乜興趣海南雞，叫咗其他野食，估唔到都唔錯呀😆特色秘製炸魚餅 $29有少少辣，𡁻落好香，好似有少少似冬蔭功味咁😂椰香咖央南洋包 $23好甜好有椰香味😋馬拉盞通菜 $28油咗啲，但勝在菜同醬分開，啱晒啲未必想食咁多醬嘅人輕盈新加坡米暹 $52個湯底有青檸洋蔥辣椒蕃茄等等，所以酸酸甜甜辣辣咁，幾得意幾好飲，我成兜飲曬咁濟😅…查看更多

第一次食依間糖水，啲名完全睇唔出係咩糖水黎🤷🏻‍♀️一定要睇相睇餐牌先搞得掂😅哈利路亞唔太甜，好多料，幾好味。米米沙就甜咗啲，但好鍾意佢有我鍾意嘅麥米，脆卜卜😋…查看更多

終於試到人氣滿滿的那個😋想食香酥脆雞便當，上到枱至知點錯咗便當，傷心🥲好彩個秘製嘉義雞肉便當都唔錯，個汁幾好撈飯嘅😆香酥花枝丸都唔錯，可以一試嘅要再搵日食返個香酥脆雞🥹…查看更多

款式超級無敵多😱海鮮、肉類都好新鮮，員工服務態度又好。星期六去食都係每位$308 加一（17:30入座，用餐時間兩小時），有3種餐價比人揀，我哋揀咗最貴果個餐，咁就乜都有得食😋 …查看更多