foodie2046的个人专页

飲食、隨果腹充饑之外、亦係一個體驗。較早前某個週末試過呢到嘅午餐覺得幾好、於是乎約埋朋友今晚嚟個Happy Friday 。由於冇訂位，都要稍第一陣安排入坐。本來想點中拖，但out of stock，最後點咗燒牛舌、燒雞皮、燒雞串、幼油甘魚剌身。食物整體平平、令我最深刻就係牛脷、一分錢一分貨、明白的！但冇諗到個質感係咁韌！我忍唔住向店員反映及查詢：唔該、個牛脷好似韌啲喎…店員隨即比我嘅回覆竟然係：啲牛脷係韌架。我：牛脷韌係正常？店員：係呀…牛脷係咁架我：咁好吖，唔該晒。What's going on ？吃罷埋單算了、今個Friday 真Special 🙄…查看更多

本來想落嚟筲箕灣食碗魚蛋粉、可惜夜已深😴行過呢間舖頭、空無一位客人！都真係幾嚇人！胆粗粗入去問下店小二仲有冇堂食、佢話有、即刻衝入去坐低啦！個餐牌期實都有好多選擇、但我最後都點咗“方魚肉碎粥”。個粥嚟到、喺燈光之下顏色金黃、份外吸引！講真、碗粥除咗真係多飯之外、料真係唔多。但你唔好理、反而有驚喜！湯頭濃郁滋味、方魚香脆、啲飯吸晒啲湯汁、真係正😋#筲箕灣 #方魚肉碎粥 #Foodie2046…查看更多

老馮、喺元朗咁耐都未曾試過。今日嚟到大埔、朋友話要帶我去試下😅蜜汁叉燒腸🥢 腸粉望落以為好厚、食落都軟滑、餡料滿滿。正宗潮州粉果🥢 個餡幾得意、沙葛清甜、花生香、好似有啲辣辣哋…胡椒味？粉果皮幾厚身。老馮鮮蝦餃🥢 粒粒飽滿、啖啖蝦肉、豬肉比例較少、如果加啲筍就好。古法牛肉球🥢 腍、滑、咁囉…四寶滑雞扎🥢 有雞件、豬肚、魚肚、冬菇、味道ok嘅蝦醬蒸腩仔飯🥢no comment 因為我冇食。#由入坐起計一個鐘頭要交枱#大埔美食 #老馮茶居 #飲茶 #食點心 #Foodie2046…查看更多

恆安既三寶皇手包魚肉燒賣、想試好耐！真係聞名不如見面、啲燒賣確係姨姨現場手工包製、$15/7大粒、燒賣體積確係比一般燒賣大粒、一開二咁濟、可惜la...味道除咗胡椒粉味較突出之外、仲有些少甜味、唔通係傳說中嘅魚肉、所以帶甜？Wow我真係唔Sick分…🙏🏻另外食感頗有噍頭、牙骹有點攰、BTW一次就夠了、都係 #金龍燒賣 啱食啲😅 #燒賣不能移 #美食沙漠 #Foodie2046…查看更多

自從公司行AB更之後、我已經有2個幾3個月冇見過我拍檔！睇完鬼滅就同佢會合再落九龍城食晏。九龍城泰式餐館多到唔知揀邊間好😅 又去Open Rice參考下、金寶呢個名都有聽過、一於試下！兩個人只係點咗3款食物再加每人一樽細枝裝泰啤。蝦剌身、燒豬頸肉、炸蝦餅、樣樣都幾好味！蝦剌身爽甜、豬頸肉真係不得了、嗰陣燒肉嘅香氣真係沒法擋、每一啖都好滋味。蝦餅都算彈牙甘香、除咗蝦之外、我估可能加咗些少肥豬肉🤔 泰啤嘛…我都係鍾意象啤多啲😌 Overall呢個Light Lunch唔錯呀！#กุ้งแช่น้ำปลา #คอหมูย่าง #ดมันกุ้ง…查看更多

喺附近辦完事，近近地過嚟觀塘碼頭熟食市場食晏！“拿督冰室”、上次落空而回！今日好彩、人龍唔算長、等咗5分鐘鬆啲就涉到位🥳一條冷真係食唔到幾多嘢🤔 所以只係叫咗“檳城炆豬皮”、“海南雞飯”、再加杯“桔仔冰”。炆豬皮冇令我失望、炆得軟滑、膠原滿滿、細細碟唔會覺得好膩👍🏻海南雞飯嘛…我冇咩補充、淨係知道未夠1點已沽清。跟飯嗰碗蕃茄薯仔湯幾好飲、雞湯味濃👍🏻 最後杯桔仔冰我都好鍾意、可能今日熱熱哋、咁啱又口渴掛🤣 有機會再嚟的話我想試下其他小食😌#星馬菜 #食在觀塘 #觀塘碼頭熟食市場 #海南雞飯 #炆豬皮 #食晏 #Lunch #Foodie2046…查看更多

老爹嘛…次次經過都要等位😴難得散完步行過見冇人排就直入👻{下午茶} ✓手作大蝦多士$37 - 香脆唔油膩、個什果沙律都幾好。跟餐+$8一配凍珍珠奶茶。✓鮮用棒棒餃子 - 食味一般、$35嚟講有啲屈機🤔 跟餐+$8配凍咖啡。全單+10%、其實有啲貴😅…查看更多

今日Zoom到氣咳😤收工忍唔住要買啲美食嚟慰勞下自己…🥺其實…想試呢個鰻魚好耐😋 果然冇令我失望😌鰻魚甘香肥美、肉質彈牙！個汁聽聞係大廚用一個鐘時間去淆煮既，很有誠意👍🏻#支持小店 #蒲燒鰻魚走飯 #Foodie2046…查看更多

新店試業！金玥@登龍街東坡豬手 - 膠原滿滿、味道偏甜、可以鹹番些少就好。老壇酸菜魚 - BB辣、魚片口感清爽、湯頭香、酸、微辣、係我喜歡嘅口味。贈送甜品 - 馬蹄爽啲Friend、入口清膶唔太甜、nice。可以再試其他🙂 #食在銅鑼灣 #登龍街 #酸菜魚#Foodie2046…查看更多

Can't wait！Let's take a break 👻#蛋黃漬蔥呑拿魚茸三文魚子丼🥢醬油漬蛋味道極致濃厚👍🏻呑拿魚茸同飯之間、隱約食到淡淡嘅…係咪柚子味？另外三文魚子鹹香四溢😌一碗飯裡面包含幾個唔同嘅味道、層次分明、真係好好味👏（我忍唔住拎塊大葉包住啲魚茸飯一齊食、唔…味道好清身、好味😌）至於前菜亦冇失望、繼上次紫蘇青瓜漬之後、今次又有驚喜🎉 除咗青瓜，黃色一粒粒究竟係咩嚟呢？味道似曾相識、口感非常爽脆…咬落嗦嗦聲…食嚟食去都想唔起係咩？於是乎忍唔住向店員查詢😅原來係明太子沙律，有趣🥳 最後嘆杯Espresso Tonic, Perfect 👏🏻 #上次嚟食晏又係星期五 #來回路程一共步行40分鐘 #為咗食我可以行好遠 #美味嘅食物可以令人心情愉悅 #HappyFriday #Foodie2046…查看更多

見呢間日本料理都幾多好評、又見朋友食過話幾好！於是揀咗鮨一食生日飯。白子剌身、特上錦繡剌身燒鵝肝、燒白鱔鹽燒牛舌、鹽燒牛小排串雞軟骨、雞皮串、鹽燒黑豚腩剌身質素平平、海膽比較對辦串燒方面、牛小排有啲韌、雞皮亦都唔脆而最失望就係個黑豚腩、真係好鹹！鹽燒嘛？所以鹹似係合乎情理、但隨咗鹹味、真係食吾到黑豚嘅肉香……查看更多

一間餐廳能夠透過食物，令顧客感到愉悦，今時今日已經買少見少！但係喺呢到我就感受到🤗 #鐵板燒鰻魚 #特上剌身丼 #三色丼食物質素唔錯👍🏻 仲可以睇埋師傅嘅製作，侍應們都好親切，難得喺觀塘搵到間好嘅日本料理！Nice 👍 #Foodie2046…查看更多

久違了的中式早餐！早上8點幾只有幾位食客，可能加上疫情關係，外賣多。我點咗: 豬紅艇仔粥 + 炸両粥底清淡，唔會係漿糊粥，唔錯，配料豊富油炸鬼係脆嘅，芝麻自助任加，可惜唔香。甜醬_麻醬_都係任你加！可惜唔好味_係敗畢。…查看更多

跟同事嚟海潮覓食🥢提起海潮我只會諗起溫碧霞🤣我鍾意食煎米粉，所以唔洗諗就點咗牛腩蝦條煎米粉，嚟到我以為係煎蛋餅，要咪開先見到米粉😅 牛筋腩炆得夠淋，入晒味！可惜花椒略多，有些微苦。另外同事點了手撕雞五香肉丁麻辣撈通粉，仲有豬紅手撕雞撈米線，手撕雞係切成條狀嘅雞脾肉，加上香噴噴嘅蔥油，賣相也吸引，但味道較鹹。只能夠講，幻想是美好的。…查看更多

一入嚟感覺舒服Menu一眼睇晒，我跟友人點選了三道菜🍴三文魚他他 法式香草焗田螺 ******************************黑松露綿羊芝士意大利雲吞 香煎野生紅鯛魚柳拌有機黑藜麥******************************法式蘋果撻拌雲尼拿雪糕焦糖燉蛋******************************個紅鯛魚魚味豊富，可惜肉質太乾！其他食物普普通通。…查看更多