tinaken的个人专页

叫左個晚餐set, 好抵食，整體食物特別係肉燥飯都唔錯，混合左港式風味，滷水大腸同牛筋都好味，重有加$18有台式鹽酥雞都好正宗。晚餐set唔洗$70好抵食，加加埋埋都係$80有找，值得一試！…查看更多

夏天咁熱，喺天后食完飯行下行下想飲杯茶解熱！上次其實已經幫襯買過水果大爆炸，就算無糖無冰都已經好好飲，入面有真既果肉，又有得飲又有得食，大推薦！重有平時都有飲開烏龍奶茶加仙草，好解暑！其實尼間鋪好多飲品都好好飲，行過天后都心郁郁要試下！除左野飲好飲之外，個杯仲好靚，有時仲可以洗乾淨重用都唔怕啦另外，佢地既店員都好nice好可愛，仲好願意介紹不同既茶飲tim~~真係好有親切感，我真係好鍾意香港嫁！！！…查看更多

最近有同事黎完食自助餐晚餐，知道The Greenery推出各款不同蟹既菜式，因而介紹俾作為蟹迷既我。加上有Coupon折扣，我當然要黎試下啦 :) 估吾到真係俾到意外驚喜我！首先一上到黎咖啡室，我俾個天空花園吸引住，因為真係好靚 :) 而且侍應都好快安排位置俾我坐底，為我既Buffet Night帶黎一個好印象！Buffet 一開始我當然試下壽司先啦！刺身方面都好多選擇，三文魚好肥美同新鮮！而我最鐘意佢既燒壽司，師傅係我面前即燒，配上佢個醬，真係好味！我仲食左幾轉 :)之後轉戰凍海鮮，有長腳蟹，龍蝦仔，黃金螺，蝦，青口！樣樣都好新鮮同充滿鮮味！而且不斷refill..可以不停咁拎，正！之後試下最出名既海南雞飯先！師傅好禮貌會問你想選擇要雞脾定雞胸！我同朋友各要一份！我好鐘意佢個油飯，因為真係好香同粒粒分明，我俾滿分個海南雞飯，真係好味！既然係蟹推廣，當然吾少得蟹呢個主角！今日有胡椒蟹，我覺得好夠香，而且蟹蓋都有膏，加上啖啖肉，我同朋友都食得好滋味！ 而第二個檔位就係自選海鮮，我當然都擇蟹黎試下，再配花甲 ，聖子同啲菜！可以簡魚湯同喇沙湯！我簡左後者黎試下，好香既椰奶味，而且辣味適中，我鐘意 :) 到最後就試下佢個甜品專櫃啦！好多款式，而且全部細細件一杯杯，可以方便簡多幾件黎試下！我最鐘意佢個芝士餅，甜味適中！ 最估唔到雪糕係用Häagen-Dazs雪糕，加上有幾款味道同可配Pancake黎食，好味道同滿足:)為我既Buffet night 帶來完美句號！整體食物都好好味，同款式都幾多！加上侍應收碟速度都算快！期待下次再同朋友黎The Greenery！ …查看更多