Tszyanlee1129的个人专页

呢間茶記嘅小菜真係好味又抵食，服務質素我會比100分，因為有厚厚的人情味，老闆同老闆娘大大聲話唔好食唔收錢，我問佢唔怕人講大話呃免費餐，老闆娘好有信心話唔會，就係呢份對人嘅信任，加上鑊氣十足嘅小菜，真正無味精靚湯，呢間街坊小店，值得一試再試。而且仲時不時有新菜式出，最近嘅酸菜魚，份量十足，比起好多主打酸菜魚嘅店更美味，叫人欲罷不能地回頭基本上每個星期都要去食一次先安樂，將軍澳難得抵食又好味嘅餐廳，必食推介。…查看更多

食物水準高，難得雞煲用肶，加上有現場歌手駐唱，個人非常享受。極力推薦蝦膠，有新鮮彈牙靚蝦，食到鮮味，必叫！唯一是人手不足，有催單情況。VIP房地方寬敞，可分三個爐，不用申長手，同時可多試唔同味道嘅鍋，值得一讚…查看更多

呢間新開張餐廳，環境舒適，坐位之間有適當距離，卡位有窗好開揚。食物只試咗set lunch嘅豬扒，諗住厚切會好鞋，誰知超軟，又juicy ，味道又夠，非常滿意。…查看更多