bobyau的个人专页

行花墟經過見到這間太子餐廳，之前行都無留意到有這間餐廳，覺得好神奇。跟住俾油鴨腿餐牌吸引住。又咁啱睇緊餐牌時有一對中年男女剛剛食完出嚟，稱好好食，咖啡好好飲，所以我哋都入咗去試，入去前已經決定想試鴨腿及羊架，坐低後就叫咗。還點了前菜田螺，湯方面還有洋蔥湯揀，另外再試埋羅宋湯。點餐時個男士應講嘢好細聲，感覺上無感情似的。像似AI人工智能人。點完後先嚟餐包，餐包暖的，但我嗰個包角位濕了，最怕這樣，只好切走一角罷了。羅宋湯比較茄醬味重，但我OK的，而洋蔥湯幾好飲，但如果有埋芝士在面就滿分。田螺方面正常，如果熱啲就更好了。羊架方面有3大件，夠厚，味都幾好。7成熟又唔會太老，都幾好，但配菜就麻麻，薯條凍的，配菜亦唔吸引。而鴨腿味OK,但如果皮可以整到脆就好，而且無汁的，如果有啲汁伴碟會好好多。甜品都是舊式餐廳啫喱，布甸，涼粉。咖啡俾剛才嘅食客吹大rm, 佢話好好飲，但我覺得正常嘢。我食完後而家先睇到話啲職員無禮貌，但我又無這情況出現，女職員好健談有禮，啲職員好勤力斟水，而且有個大年紀的職員更加同我哋主動介紹店入面啲得意擺設。整體當日來到這間比較舊式的餐廳食嘢，感覺很開心。如果羊架方面可以燒燶啲嘢味啲就更好。…查看更多

今日因為一開工就唔多得閑，所以都係食定早餐先返工好啲。去到葵涌，行咗新都會廣場一個圈，好多舖頭都未開，所以行去葵涌廣場睇吓，行咗一個圈都有好多嘢食開咗舖，但感覺上新釗記比較正常啲，可以話傳統啲嘅早餐，同埋感覺好啲，我都唔知點解有咁樣嘅感覺。雖然坐位唔係舒服，但係食完就走無所謂，最緊要好食。睇完餐牌要揀豬扒腸蛋丁。加凍咖啡。餐送到，丁麵可能高級啲，同餸分開上，睇相都睇得出啲食物質難，麵煮得剛剛好，好有彈性，豬扒好食，唔係交行貨，腸仔有煎，唔係白烚的，蛋好有蛋感，唔似得一啲茶餐廳咁，煎到隻蛋又硬又死，但杯凍咖啡就有進步空間的，整體有85分。…查看更多

好難得可以有時間到上環一帶行街，到晚上行過這街市熟食市場，成日都聽講有間西餐廳，價錢及食物水平都非一般，反正周圍揾嘢食，難得一場嚟到，就即管上去試試。上到去原來用紅日格仔枱布就係ABC嘅枱，當晚上去唔算太多人，環境尚算ok, 唔會好逼。而職員亦好健談的。…查看更多

當日晚餐選擇購買這間，因價錢不太貴，而且一盒內有多款食物，比較多元化，加上減肥期間，唔想食得太多嘢，所以選擇這款就最啱。一盒內有飯卷，有煎餃子，有紫菜卷同我最愛的炸雞。幾款食物的味道都相當好食，又唔怕食物凍咗唔好食，因為本身都是室温食物。…查看更多

今天晚上到來試試日韓燒，因之前睇Youtube介紹話好好食，所以特登過海試吓，順便買埋所剩無幾的有藍芽功能的血壓計。當日下午好彩有訂位，當時訂已經無晒6點的時間，要訂到8點才有位，7點50分上到去，發現還有walk in客在等位中，好睇有訂位，如果唔係應該食唔到。由於我哋唔食牛肉，所以只點了豬及胡椒雞，燒腩肉跟菜，兩樣嘢都好好食，但如果分量再多啲就好了。…查看更多

因為有優惠，所以選擇食午餐，點兩份，每份都令人滿意，刺身夠新鮮。炸物亦相當鬆化。而且價錢相當合理，加埋優惠，消費滿$250平$50,滿$500平$100.下次再來。…查看更多

今日去咗這間亞蘇爾食下午茶，間舖已經開咗一段時間，但我是第一次幫襯，但睇個下午茶餐牌，好似加咗價，貴過以前我所睇的，所以都要忍下手只叫一個乳豬飯，都要成$162蚊，都幾貴吓，所以另一個就叫咗個平價啲嘅藥膳雞米$88，如果下午茶嚟講已經超出我預算，但一場嚟到就即管試吓，横掂未試過，餐有跟餐湯及飲品，，而我重入埋會，即刻會送個甜品木糠甜品，埋單成$276，都幾貴吓。而食物方面兩款都好食的，而且份量都足夠，唔會係細細碟嗰種。乳豬夠趣，藥膳夠味，但啲雞就有雪味，雞就嘛嘛哋。而餐飲叫咗凍咖啡及熱奶茶，咖啡就真係難飲，因為好酸吓，而奶茶就幾好飲。職員我見同啲客人有似無乜耐性咁，因我見隔離枱點餐時，可能唔多識，但個職員就好似好唔耐煩咁，但當時下更茶時段又唔係好多客，但都好似唔多願招呼人咁。…查看更多

今日中午去咗這間酒家食嘢，雖然星期日，都唔使等位，價錢方面屬中等，但啲點心都幾好食的叫咗幾款嘢埋單$288。酒家環境都幾舒服，而職員都好好，服務 ok，而茶方面係無得揀的，一坐低就攞咗壺茶嚟，而枱面已經放咗膠手套，可能乳鴿實在太抵食太多人叫，所以擺定係到，而所見嘅都真係好多人叫。…查看更多

下午茶見到這間金悅軒，有好多款式，所以入去試下，因為晚飯時間的我見都有好多人幫襯的，所以都想試下這間，而且見佢哋都幾乾淨。我哋叫咗個炒麵同金磚西多士，都幾好食，而且份量十足，相當抵食，我諗住下次再嚟試下晚飯，到時再影多啲相。…查看更多

我真係估唔到可以搬咗大舖，唔通韓風仍然好勁，香港人真係咁熱愛任何韓式物品，包括食物？這間舖佢哋在細舖時已經幫襯過兩三次，但當時已經覺得貴同唔好食。今日行過見到間細舖無開，原來已經搬咗去對面地庫，重大咗好多，跟住就好奇入去睇吓，但點知重坐底埋食嘢，叫咗烤五花肉$80，另叫一碟菜$25及一碗韓式炒醬麵$55，依然咁難食，而且重係尖沙咀價錢。五花肉又薄又乾又硬，叫嗰碟菜又唔新鮮及菜邊發黑，你話唔使錢都算，但要收$25就覺得唔多掂。碗麵算係正常，但都係唔會覺得好食。總括而言，唔好食。…查看更多

諗住食個飽肚嘅下午茶或午餐咁，行過這間，見佢新開張，所以就幫襯吓啦，企喺度睇個燈箱餐牌，睇到一兩樣嘢想食就行入去揾位，點知到在邊邊位度有個唔似counter嘅 counter 位，原來要攞位及要由職員帶位，其實都幾奇怪，佢哋間舖嘅設計無嘢圍封起，人客可以由四方八面行入去舖內坐低，如果唔係睇吓個燈箱餐牌都唔會經過個 counter，所以如果有啲人唔知就咁行入去坐低咗都可以，但坐低後又唔係有職員幫你落單喎，又要自己行返出去收銀排隊先俾錢買嘢，所以食完又唔使叫職員埋單，咁啲職員又會無咁容易留意到張枱係咪用完，所以每次職員帶位前都要望返入去睇吓邊度有位，所以安排上都幾多舊魚，買完嘢後就有人幫你拎個餐嚟，坐低後就叫咗一個下午茶餐$55，蟹肉牛油果牛角包，餐飲熱水果茶。另外叫咗野生豬肉辣汁長通粉，另加$14跟杯凍啡。先講下午茶牛角包係好食嘅蟹肉味突出，$55跟杯嘢飲都合理，但杯熱水果茶拎嚟時，一飲就覺得唔好飲，但飲到底時先發現原來杯低留有糖漿的，之後先知原來職員拎嚟時無俾個匙羹我哋搞，如果有搞到相信會好飲啲。至於碟長通粉，我個人覺得相當揾笨，$88超細碟食又食唔飽，味道普通到。。。佢話野生豬肉，我真係唔知佢憑乜嘢講係野生。再加$14杯凍啡，加埋要$102。$102我真係覺得可以使我以後，真係以後唔會再嚟同一間高級食府幫襯了，笨，俾人揾一次就夠了。…查看更多

想食咗好耐，好掛住辣雞煲嘅味道。放假要去食雞煲，重要去返我覺得試過最好食嘅雞煲店，因為之前試過紅磡嗰間，但始終都唔夠荃灣的好食。今次兩個人叫一隻雞，再加多兩碟菜及一杯嘢飲，埋單$416。好食，但都係要儲吓錢先可以再食。…查看更多

之前想幫襯時發覺裝修緊，之後見開返就幫襯吓，間隔同以前無乜分別，枱櫈就好似換咗款式。講返嘢食，因為之前有幾次返咗深圳食嘢，所以睇返香港價錢，覺得唔係咁抵，但可能係租金引致。叫咗羊肉沙律、咖哩味韓式年榚、一個凍鴨肉橙汁烏冬，全部加埋$242。羊肉沙律啲羊整得好好食，而韓式年榚就正常，但如果分量多返些少會好啲，最難食係知凍烏冬，烏冬比較硬身。…查看更多

食完辣雞煲其實都已經好飽，但行過糖水舖又口痕想試返碗，之前未試過的，入去坐低睇吓個餐牌，價錢唔係太貴，有幾多選擇，及有多款中式糖水，叫咗桑寄生蓮子茶$19，及鮮雜果涼粉$30。蓮子茶唔會太甜。而鮮雜果涼粉唔知係咪落咗花奶，所以無晒甜味，覺得失去咗食涼粉嘅感覺，而啲鮮雜果就一般，但勝在分量足夠。如果下次真係再幫襯會試返中式糖水好啲。…查看更多

去開沙田宜家買嘢，順便食埋晚餐，見到個餐牌都幾吸引，有羊架，又有龍蝦仔通粉，小食拼盤又吸引，所以叫咗這3款食，羊架幾好食，但有啲騷味，但可以接受，龍蝦仔通粉，講真得個抵食，唔會覺得好食。但最喜出望外就係小食拼盤，拼盤食物豐富及抵食，雞翼唔太乾，腸仔又出奇係好食，薯角亦都唔差，整體有80分。…查看更多