or#Tm65167640的个人专页

官方宣傳以$1一琥珀玲瓏山海圈，同時享有7折火鍋配料及湯底作招來。從OpenRice訂位，實際只可二選一優惠。用餐當日問職員兩次，確認優惠只可二選一。其後朋友指之前在荃灣店有職員主動提出兩個優惠可同時使用。我知悉後心想食都食咗喇，無蝕抵嘅，只係覺得餐廳各分店提供優惠不一，實際又同官方宣傳有異，真的百思不得其解！之後再聯絡佐敦店了解，職員稱客人要從OpenRice訂位後再聯絡店方要求兩個優惠同時使用，店方才會盡量安排。所以我提議大家如果真係想食，記得問清楚優惠詳情。但我本人就唔會再幫襯了。…查看更多

知道呢間餐飯受到高評價，所以慕名而來。當晚我哋屯門人一行6人為朋友慶祝生日。打開餐飯，食物唔算好多，不過飲品選擇多，環境好靚，有live band,有調酒師bar 枱，成個格局係好chill,相信餐廳老闆本來真係係想做bar and restaurant服務。但可惜佢哋嘅用餐時間令我覺得我去咗食放題咁趕，經常有待應、經理走埋嚟提我幾點交枱。食到中途經理問我哋有咩想加，我哋想食黑毛豬都唔俾，佢話時間會耐啲整唔切，因為出面有客人等要我哋20:15交枱（當時約19:35），搞到我哋想開多枝酒都唔敢，其實佢又想賺我錢，但又唔俾足夠時間我享用想點？埋單時同經理反映，佢竟然話返我哋如果準時準時到就會多啲時間用餐，真係食到一肚氣！你哋間餐廳中高價，但放題咁嘅服務，咁先係最唔值得我再幫襯！今次食評唔想講食物質素，因為要知都可以係其他食評到。我要分享嘅係服務有幾差，我哋成個體驗又幾差！香港人成日話北上消費，唔係只係貪平，而係同香港餐廳嘅服務比較，香港真係淨人九條街。成日諗住賺到盡，想返枱，但就犧牲顧客嘅享受。如果服務食物同樣好，香港人其實係願意俾高啲嘅價錢去享受，可惜呢間餐廳格調做到幾高都無用，我唔會再幫襯！…查看更多