irismuscle的个人专页

本身book左8點，限時兩個鐘我早左半個鐘上去想話擺低蛋糕個店員同我講佢地無得提供碟仔叉仔俾我地食蛋糕叫我可以去定附近買定過嚟😦我心諗咁搞笑？是但啦用本身食放題啲餐具食算啦，所以都無理佢然後我地早左到齊人，都搞好耐先俾入座然後話只可以食到9點半入座嘅時候全場吉檯得我地一檯去到唔夠8:50pm已經話last order要埋定單心諗咁早？！拿臨寫多少少野食但其實佢野食種類極少又嚟唔齊野飲更加係得4款選擇第一次見任食得咁少野飲揀啲肉類唔同味嘅又擺晒一碟唔知點分不過野食麻麻種類少都唔係重點重點係佢明知我有擺低蛋糕佢事先無話提早啲叫我地上定蛋糕加上我見佢個場當時都仲好多吉位無論大檯卡位都根本無人坐去到9點半左右我話可以上蛋糕佢係straight到話我地已經夠鐘唔可以上蛋糕喺度食只可以俾返個蛋糕我拎返走🤯我呆那左⋯真係理解唔到點解明明有勁多位都唔俾個客食埋蛋糕先喂大佬你俾我上個蛋糕唔食住齋影張相都好丫佢地係勁rude要我地走😑And then仲要再嬲嘅係我地明明有出席去食完餐放題埋單2千幾蚊佢竟然喺OpenRice取消左我個booking!仲mark左係食客要求🙄搞到我無左Asia miles儲分⋯⋯點樣呀😤真係黃店唔會咁嘅服務態度囉😡唔該唔好影衰晒啦⋯⋯嬲🔥今次係post第三次‼️已經post左兩次都無批過幾日連個draft都無埋不了了知係咩玩法😒係咪唔俾post劣評😕…查看更多

꧁𝒪𝓂𝒶𝓀𝒶𝓈𝑒 @黃色小店💛꧂ 已經試過他們總店(西環)的廚師發板好多次，好開心他們在銅鑼灣開分店!!恭喜🥳🥳🥳今次有朋友慶祝BB百日宴，有幸來到新店幫襯他們的廚師發板(⁎⁍̴̛ᴗ⁍̴̛⁎)💁🏻‍♀️前菜：溫泉蛋 X 低溫慢煮鴨胸 X 海膽布甸💁🏻‍♀️蜜甘鯛：👉🏻廚師話唔使點豉油，入口爽身魚味出眾💁🏻‍♀️熟成五日深海池魚：👉🏻透過熟成處理方法將組織同筋多既魚溶解兼增加鮨味，所以食落去口感腍滑又好有鮮味，我個人好鍾意，好想食多舊😋廚師話要打孖一齊食💁🏻‍♀️日本函津縣鱒魚：👉🏻望落去唔好以為係三文魚，比三文魚更鮮甜💁🏻‍♀️北海道右口魚：👉🏻廚師話唔使點豉油，比左口魚肥厚啲 較爽身💁🏻‍♀️日本象拔蚌：👉🏻加咗海鹽，左邊係內臟邊位 較清甜💁🏻‍♀️火炙日本鮫魚：👉🏻潮州魚蛋嗰隻。唔使點豉油💁🏻‍♀️火炙白肉本鯖魚：👉🏻直接由廚師餵入口😂💁🏻‍♀️火灸北海道網走縣銀鱈魚：👉🏻燒炙過後迫出油脂口感更佳！💁🏻‍♀️北海道根室白海膽Ｘ文甲魷魚卷Ｘ紫蘇葉：👉🏻從來冇諗過海膽同魷魚可以咁夾，用魷魚包住海膽，魷魚爽口滑身既質地配上Creamy既口感，一流👍🏻💁🏻‍♀️熟成六日大拖羅：👉🏻好鮮味好肥美，入口即溶💁🏻‍♀️天婦羅軟殼蟹牛油果沙律：👉🏻🥑牛油果新鮮、軟殼蟹夠脆、可以減輕之前的油膩感💁🏻‍♀️北海道薯仔壓成薯蓉包住皮蛋嘅炸波波：👉🏻我自己唔「好」皮蛋所以覺得麻麻地💁🏻‍♀️慢煮牛肉𓃒：👉🏻肉質超軟腍同嫩滑💁🏻‍♀️柚子皮三文魚鮫：👉🏻魚鮫脆骨位置香脆，充滿三文魚油香味，外脆內嫩💁🏻‍♀️海鮮粥：👉🏻熬左三年海鮮底，勁鮮甜💬 整體就係高質， 用心經營的黃色小店，會根據客人的口味預訂進口的上等食材，加上店員態度殷勤，每道菜都耐心介紹來源、煮法及建議食法，令我同朋友們都感到很滿意yummy🥰…查看更多

上年都已經試過他們的廚師發板，今次同朋友慶祝生日，決定再來幫襯他們的廚師發板💁🏻‍♀️前菜：宮城縣澤蟹 X 富山灣螢光魷魚 X 沖繩縣產新鮮支豆👉🏻好好食，開頭以為隻蟹仔會好硬好「銀」口，點知食落好脆卡卡，咬落蟹身仲有好濃郁蟹膏咇出黎😋💁🏻‍♀️平政魚刺身：👉🏻味道好似油甘魚，肉質好彈牙💁🏻‍♀️愛媛縣牙帶魚：👉🏻好似話有用火焰灸過，食落好香口，我個人好鍾意，好想食多舊😋💁🏻‍♀️熟成五日深海池魚：👉🏻透過熟成處理方法將組織同筋多既魚溶解兼增加旨味，所以呢件食落去口感腍滑又好有鮮味💁🏻‍♀️靜岡縣鯖魚：👉🏻新鮮，不過可能因為佢有啲蔥同薑蓉，所以食落味道有點似食緊「蒸魚」😂💁🏻‍♀️網走銀鱈魚：👉🏻咬落去魚肉好嫩滑又香口，正👍🏻💁🏻‍♀️北海道根室白海膽Ｘ文甲魷魚卷Ｘ紫蘇葉：👉🏻從來冇諗過海膽同魷魚可以咁夾，用魷魚包住海膽，魷魚爽口滑身既質地配上Creamy既口感，一流👍🏻💁🏻‍♀️熟成拖羅：👉🏻係好鮮味好肥美既，只係有丁點筋，冇之前果啲咁有驚喜💁🏻‍♀️風乾九州南瓜沙律：👉🏻個人本身唔係好鍾意食南瓜，但個沙律整到好似南瓜蓉咁，夾埋啲蛋粒響入面，好健康！💁🏻‍♀️拖蘿油多士：👉🏻新鮮熱辣辣脆卜卜面包咬苟去好鬆化，筆一大啖拖羅蓉加三文魚籽上去一齊食勁邪惡勁好味🤤💁🏻‍♀️芥末籽醬燒大蝦：👉🏻酥脆彈牙蝦肉，配上酸酸甜甜的芥末醬，係幾過癮既，不過我個人本身好怕食wasabi攻鼻，佢呢個程度的芥末是尚可接受，如果唔落芥末我會鍾意食多啲😝💁🏻‍♀️甜品：👉🏻士多啤梨味雪糕，好香滑同哈根大師有得揮！清酒：店員介紹了 二兔純米大吟釀雄町48，他先開來讓我們品嚐一下味道如何，之後就建議再雪15分鐘後再品嚐味道更佳！的確又香醇又易入口🥂總括而言：用心經營的黃色小店，會根據客人的口味預訂進口的上等食材，加上店員態度殷勤，每道菜都耐心介紹來源、煮法及建議食法，令我同朋友們都感到很滿意…查看更多

一入到間餐廳就覺得個decoration很好，氣氛相當唔錯，係好適合傾計，有一點點浪漫感。食物基本上我地叫嘅都好好食，尤其是個脆豬，佢個sauce味道配合得好，而且完全無平時食豬肉的酥味。仲有個咸蛋黃薯條超級正🍟👍🏻還有餐廳service很好，highly recommended!!一定有機會再去～😊👍🏻…查看更多

27號晚我同3位朋友去Big Sur食dinner, 預先響12月18日已經through OpenRice網上book左位，而且之前係見到佢寫住有個網上book位有85折既優惠，到左尋晚滿心歡喜諗住去chill下飲下野傾下計。點知去到Big Sur，餐廳入面個音樂開到勁大聲勁嘈，而且根本嘈到冇人坐響餐廳入面，反而全部坐晒出外面露天area，佢係有放左D outdoor嘅檯凳。我地見入面咁嘈就同個waitress講話想坐出面，因為我地係諗住可以傾計，點知個waitress話如果坐出面就冇得享用85折個優惠，okay fine!我地都唔係要貪佢個爛鬼85折，我地致在食野傾計，就話唔緊要，冇85折OK我地坐outdoor area，之後佢又話因為外面area係冇拎牌定唔知點，係會冇service...即係我地坐出面的時候，叫所有野(包括啤酒、食物連餐具!!)都係佢D侍應企響餐廳門口遞俾我地，然後要我地自己接住D野再傳俾我朋友...真係第一次見識D咁嘅餐廳service🙄同埋佢outdoor area既凳係超級唔好坐，坐果個位嘅一枝枝鐵與鐵之間空隙好大，坐到好「UN」住pat好唔舒服，然後我嘗試入去餐廳諗住問個侍應借餐廳室內嘅梳化上的cushion一用，起碼JIN住坐冇咁唔舒服，點知個waitress黑面，然後話只可以俾一個我🙄好喇到佢D啤酒到左，佢企響門口遞俾我地傳到檯面之後，個waitress又突然走出黎同我地講要預先擺低張信用卡俾佢地......WHAT?! 佢話響戶外位置食野係要擺低信用卡，直至我地用餐完畢🙄🙄🙄我朋友說實在不應該放低信用卡俾人，這是關乎私隱問題!我朋友唯有跟waitress說我地先付賬，再繼續用餐。付賬後我朋友說他們的收費system是用Visa payWave的!即係就咁掃一掃張卡就可以付錢!如果真的放下信用卡給他們..這是有多麼不安全啊!!!!!之後點左少少野食，用餐期間我就收到OpenRice的通知話我在Big Sur的訂位「缺席」了。我很不解，明明我們在場還被餐廳confirm成「缺席」?於是我又再走入餐廳跟waitress了解狀況，結果她說因為我地不在室內用餐，享受不了85折優惠，所以他們會視為「缺席」。咁樣會唔會太唔make sense? 咩叫「缺席」?我地明明4個人都響到，仲要比預約時間早到左，都可以當我地「缺席」?!??!! (大前提係我響OpenRice有儲開Asia Miles的積分，而呢一個預約係會響確認出席之後加分給我) 我地已經同waitress表示我地並不是要享用他們的85折優惠，而是要求他們確認我地的「出席」，但她們仍然表示做不到，而且過程中她們的態度是非常惡劣!她們的咀臉完全是不堪入目!當時你只會想盡快離開這鬼地方!順帶一提，他們的食品也是一樣的不堪入目!黑到像一堆炭!!所謂的甜薯竟然可以係全都燶了還上檯給客人！其他食物味道也是很難食！NEVER AGAIN!!!!!!!!!!!!😡1⃣網上寫有85折優惠，但冇講明坐出面就冇得享用個優惠2⃣戶外位置會完全冇service可言，所有野(包括啤酒、食物連餐具!!)只會遞到門口要食客自己攞3⃣戶外位置嘅凳係超級唔好坐，問佢借cushion用先是黑面然後施捨一個俾你4⃣戶外位置用餐係要擺低信用卡俾佢地，直至食客用餐完畢5⃣戶外位置用餐會被視為「缺席」了OpenRice的網上預約6️⃣食物外觀&味道都均差劣如果Big Sur的戶外位置咁多限制，咁就唔好放位響戶外位置俾人用餐啦!!…查看更多

同幾個同事黎食welcome lunch~一入門口見到有架車頭做deco已經覺得幾盞鬼😁坐低叫左好幾個點心同飯麵1. 睇住流奶餐廳的主打點心，好得意~吉穿佢會嘔野😂入面响奶黃好好味❤2. 吉川奶子都係類似《睇住流奶》d frd，不過係抹茶味，如果鍾意抹茶嘅人應該好愛~不過我唔太“好”抹茶，所以都係覺得《睇住流奶》好食啲😜今次我吉穿佢後面，變左唔係嘔野，係…😂😂3. 一籠八戒呢味都係餐廳主打點心，不過因為我唔“好”叉燒所以無食到，但聽同事講都好味，我係覺得佢嘅🐷豬仔造型好得意😝4. 鴿吞鳳梨外形已經好可愛，仲連埋雀籠一齊上😂入面係好似鳳梨酥咁，好味！5. 近朱者赤呢個其實係咸魚雞粒炒飯，超好味！啲咸魚夠梅香，一流！6. 松露炆伊黑松露愛好者一定會鍾意💕好味，炆得岩岩好唔硬又唔太林7. 皺皮雲吞我無食到，但又係聽同事講話好味！我係比佢個盒吸引左😝仲有其他餸都有叫但無影相，例如雞絲粉皮，蝦腸，舉手雞花等等，都好好味！😋不過有個唔好嘅地方係……張檯太大張，又無轉盤，大家難夾餸又難傾偈😅…查看更多

一去洗手間見到呢個牌, 笑左...「OK喎~哈哈」很有趣的餐碟, 有D有螞蟻響入面, 有D就有烏英響入面...我個同事仲真係走去搵手卒下佢桂花豚肉---超級好味!!外面脆脆地, 裏面的豚肉好juicy好林, very good!松露香菇---不是真的菇菇, 是有黑松露鋪面的包包, 真的很像一粒粒冬菇荷花蒸飯---內有咸蛋黃!!超級好味~~棋子奶黃---好可愛的棋子包包~入面係流心的奶黃!!唯一唔夠熱就爭D..柚子蝦餃---唔好睇佢幾得意會唔好食, 的確係別緻得黎好味架~仲有食其他野的, 包括酒呈醉雞、青芥木耳、雞絲拉皮、麻醬炒手、豆漿娃娃全部都好好食 只係冇乜特別所以冇影相 :)…查看更多