dacard_eathard的个人专页

🧇 牛油果｜明太子｜蝦肉 牛角包窩夫明太子蝦肉和牛油果的搭配很好吃，加上有🥑，感覺很健康（請忽略是牛角包 笑🧇 火腿芝士｜布雷斯特煙肉醬｜酸忌廉 手製比利時窩夫意想不到的很大份，窩夫中間還夾著火腿芝士，很足料又飽肚呢！超愛酸忌廉搭又熱又脆的窩夫，很清新不油膩，推介👍🏻🍵熱宇治抹茶☕️熱朱古力拉花也太美了吧！完全捨不得喝🥹🍵💗環境充滿悠閒法式風，戶下的藤椅位是最熱門的打卡位，拍照超美📸✨ 就是人有點多，建議早啲去…查看更多

比呢間嘅卷物圖吸引左黎食，佢賣相真係好吸引，所以特地去試試佢啲卷物。其實已經唔記得左叫嘅卷物叫咩名了，都係問侍應解釋的哈哈。印象中中間嘅卷物係炸蝦，左邊係鰻魚，右邊就忘記了。佢地啲配搭都好吸引好好食。…查看更多

✿ 四川口水雞 $85啲辣味啱啱好，好惹味嘅口水雞，不過啲雞如果滑身啲就好了。✿ 上海小籠包（四隻） $45小籠包好有湯汁，都好食嘅。✿ 紅油牛肉拉麵 $80切成一片片嘅牛肉好軟腍好好食！✿ 瑤柱賽螃蟹 $85濃濃嘅蛋白味，配有瑤柱同絲絲蟹肉，清淡得黎都幾好食。✿ 白飯 $16…查看更多

✿ 核桃露拼芝麻糊✿ 楊枝甘露經常會叫佳佳甜品外賣做宵夜食，真係佳佳甜品，必屬佳品，個人都食到愈黎愈肥，但都係停止唔到對糖水嘅愛最常叫嘅都係上面嗰兩樣，芝麻糊好滑身好好食，拼埋核桃露就有多一種味道，好似好抵食咁。楊枝甘露就好清新，好適合食完油膩嘅晚餐之後食。…查看更多

✿ W 溫泉蛋牛丼 M $3838蚊已經食到個牛肉飯，仲要有2粒溫泉蛋，真係對佢冇要求，好平好抵食，同埋啲肥牛都好淋好好食。✿ 牛肉炙燒豚雙拼丼 L $66啲燒肉甜甜地好好食！叫左L size，外賣盒係比M size個闊度大啲，但個高度又比M size矮左，懷疑其實係咪真係有大size到。。。✿ 10件炸雞 $45雖然叫做炸雞，但不太脆，可能日式嘅炸雞都係咁…查看更多

✿水煮系列 - 酸菜味型水煮系列有4款：水煮味、酸菜味、鮮椒味、番茄味最鍾意食酸菜魚，佢嘅份量都好大，兩個人食都食唔哂。湯底酸酸微微，好開胃好好食。另外魚都有幾款揀，今次就試下食黑魚 $228，聽店員講係肉比較多，肉質彈口啲嘅。食落都真係咁，不過之前食開多油脂啲嘅，相比下黑魚冇咁肥，但冇咁滑，同埋每片魚肉都有魚皮，而我唔太鍾意有魚皮，雖然都係好食嘅，但有少少失望。佢可以另加輔菜，我地就加左肥牛肉 $68，咁樣配都好好食。✿ 紅燒牛腩炆津白 $88呢個好食！啲牛腩炆到好入味，好軟淋淋，啲麻辣味都調得啱啱好！✿ 冰雪鮮檸C飲 $38飲品都係一大壺咁，好抵飲，飲落就係青檸檬茶，正常，幾清新✿ 蜜語水果茶 $38飲落就係雜果賓治咁，入面有兩大片西瓜同埋火龍果，呢款幾好飲。坐得好舒服，唔洗同其他人迫，環境都乾淨同埋裝飾都唔錯，而且個濕紙巾嘅設計真係好特別，好易令人誤會哈哈…查看更多

蕃茄師兄咁出名，不用多講，就係兩個字：好食！✿ 沙嗲味豬腩肉好濃嘅沙嗲味！同平時食開嘅沙嗲味有啲唔同，但都好好食！✿ 芝士免治牛肉配蕃茄湯底蕃茄師兄嘅蕃茄湯底真係無得頂，又濃厚又多料，食完啲麵我連啲湯都似哂✿ 犇犇有禮有好多牛肉，牛腩好嫩滑，都好好食！…查看更多

✿ 朱古力漏奶西多士由於好鍾意食西多士，喺西多關注組見到，特登去試下，點知好失望，試過一次就夠了。外表係好吸引嘅，正方體大大嚿，面層鋪咗朱古力粉，切開佢中間仲會漏奶出嚟，係真係液態狀嘅奶。西多士唔香脆，食落去冇味嘅，浸哂落去啲牛奶度撈埋啲朱古力粉，先有淡淡嘅朱古力奶味。一開始見到好多客都點呢個，仲諗住好好味好邪惡，點知淡到冇味咁，同西多士又唔夾，真係可一不可再。另外叫左兩個正餐，味道很普通，放上照片算了，食之前見到個樣咁靚，就用ig filter打下卡，點知...唔好食嘅 (T-T)不過每個人嘅口味都唔同，可能我覺得唔好食，其他人會覺得好食呢(^-^)…查看更多

有日去灣仔咖啡店打卡，但咖啡店啲輕食食唔飽肚，於是就喺附近搵間茶餐廳醫下肚，點知啲下午茶又幾好食喎！✿ 吉列魚柳拼西多西多炸到好金黃色， 外脆內軟， 而且有好香嘅蛋味， 兩層麵包中間仲有啲花生醬，好食！ 吉列魚柳係即叫即整， 熱辣辣好香脆。用左ig啲filter影，所以有色差，圖片只供參考喔！…查看更多

✿ 豬扒包之前食過好多其他出名嘅豬扒包，但都覺得好普通，但呢間有驚喜！豬扒一啲都唔硬，好軟嫩，好食！怪不得係灣仔出名食豬扒包嘅小店✿ 西多士個西多上面放左好多牛油，超邪惡。係好好食嘅，不過食到最後就覺得好膩，可能油得濟…查看更多

✿牛肝菌汁烤雞（半隻）自從第一次叫外賣食佢個麻辣烤雞之後，就好掛住佢，今次就試下最多人食嘅牛肝菌汁烤雞。佢真係好抵食，有半隻烤雞，有野飲，有得三選二：焗薯/焗雜菜/雞油飯。麻辣烤雞整得超好食，好入味，啲雞肉又好嫩滑，個次叫雞油飯同焗雜菜食，真係一試難忘。同埋烤雞感覺好似健康過食炸雞，食左冇咁多罪惡感哈哈。牛肝菌汁烤雞都好好食，醬汁都好濃味，咸咸地咁，好正。焗薯都有調味過，咸咸地嘅味，都係好好食！呢個價有半隻烤雞又有配菜同野飲，邊到搵呀！真係CP值好高…查看更多

✿包羅萬有海鮮二人套餐 兩位$999一直都見呢間好出名，終於有日去左試，雖然staff推介嘅係另一款CP值高啲嘅套餐，不過我地好肚餓，想食埋肉飽啲，就揀左呢個套餐。咁啱當日平日夜晚冇太多客，所以職員全程都幫我地蒸，叫我地隻手除左拎野食之外咩都唔洗做，真係勁好服務⁺o(⁎˃ᴗ˂⁎)o⁺‧•͙‧⁺每上一款海鮮都會同我地講解係咩海鮮，佢地同其他海鮮有咩分別咁，好好介紹。大部份海鮮都好新鮮，就咁蒸已經好鮮甜，唔洗點任何調味料。不過日本野生赤蝦就令我好失望，一咬落去就應該苦苦地同咬落有沙沙聲，因為冇清到佢地條腸，破壞左蝦嘅口感。另外個粥底火鍋比較水，所以味道有啲啖，如果少水啲應該會濃味啲鮮甜啲。冇帶相機影相，淨係用手機拍下片紀念一下，照片都係喺影片度截圖嘅，所以比較濛…查看更多

✿熱 白咖啡正常✿恐龍下蛋普通，冇想像中咁好飲✿海南鴛鴦燒麵包有驚喜！呢個超香脆！中間夾住大大件牛油，係邪惡左啲，但真係好好食✿椰香咖央多士去親蘇媽必點！多士又脆又甜✿馬拉沙嗲串燒正常✿白吉爹肉骨茶 - 棒棒骨去得蘇媽就梗係食肉骨茶啦，我就最中意食棒棒骨，因為多肉，啲肉又好淋身，好入味好易食，啲湯仲可以飲埋佢我地嘅小食都係喺下午茶餐 $138任揀三款個度嘅，咁樣就可以試到多啲野食。啲野食都好好食，係野飲有少少貴但又普通咁。…查看更多

Pizza Maru 已經係第二次食， 真係好食好食，會再回頭。✿ 帶子泡菜卡邦尼帶子好鮮甜，卡邦尼意粉都好creamy， 帶有少少泡菜嘅香酸辣味，好特別 之餘又好好食✿ 韓式海陸Pizza配料有蝦有韓式烤肉等等，pizza係薄底，真係好濃味好脆！佢地啲pizza真係會食過一次就愛上。可惜冇帶相機，影唔到靚靚野食。…查看更多

✿ 伯爵茶朱古力堅果奶蓋茶見到佢喺旺中最多人試呢間， 都係讚佢嘅奶蓋出色， 一於試一試。一試果然名不虛傳， 啲奶蓋同出面嘅唔同， 佢嘅質地好結實， 有啲似乳酪咁嘅質地， 同埋有好濃厚嘅伯爵茶朱古力味。 而奶蓋下面就係好清新嘅茶飲， 食一啖上面嘅奶蓋再飲啖下面嘅茶， 係唔會覺得濟嘅，仲好好飲，可以Encore。…查看更多