or#Tm65500173的个人专页

路過兩次，因為要排長龍都冇食到。今日放工專程6點開舖前去到，已經有20個人排緊隊。終於同阿仔兩個人等咗50分鐘，排隊時已經預早點餐，所以坐低唔夠5分鐘就有得食，點咗兩碗蝦湯麵同日式餃子，湯味道夠濃夠熱，果然好味。餐牌拉麵款式唔多，勝在夠專，由日本廚師親自處理，加上侍應和廚師用日文溝通，配上店內日本音樂，真係好似身處日本食緊拉麵，喺香港暫時食過最好味嘅拉麵。聽到後面有位女士要少啲拉麵，侍應話會加番叉燒比佢，如此服務，第一次見。…查看更多

小店經營。有多款清酒。店主挑選生酒地酒好有特色。小食用心製作，餸酒一流。座位唔多，梳化好有住家feel。邊飲邊食好似去咗日本居酒屋。氣氛好relax, 三五知己傾計一樓。…查看更多

推介一人套餐，有多款拉麵選擇再配小食。首選牛油拉麵配日式叉燒炒飯。拉麵當然即叫即做, 炒飯都係即炒，熱辣辣非常正。其他小食包括日式餃子亦都係非常好嘅選擇。做廚師嘅老闆很健談，不少熟客捧場。…查看更多

門口裝修好吸引，再睇吓門口餐牌發覺菜式好特別，週日去試吓。侍應好有禮貌問是否第一次到店舖，並介紹有關菜式。點左御用湯麵同廚師推介嘅餸菜, 炸魚冇薯條，配埋蟹醬, 勁好味。…查看更多

喜歡在這裏吃早餐和下午茶餐, 雖然都係一般茶餐廳早餐，但食得出廚房有心機製作每份早餐和下午茶餐。最近在收音機聽到訪問介紹羊架午餐，問咗老闆幾時出羊架午餐就專程到訪。$88羊架加法蘭克福腸可選飯或意粉跟湯及茶。果然不枉此行。👍🏼記住問清楚幾時出羊架午餐一個月只得壹兩次。…查看更多

門口經常排隊, 標榜使用和牛, 試過果然好味, 再加上炆到超林嘅牛腩，仲有清而濃味嘅牛骨湯底。湯夠熱河粉亦爽滑。雖然等咗半個鐘頭, 但仍然值得。推介春園河，性價比高。👍🏼…查看更多

專程揸車去合和中心食晏, 食粥粉面飯。舖頭冇開，侍應叫我哋去隔離酒樓話同一集團食物都是一樣。開場後睇餐牌和點心紙發現完全不同，只有酒樓點心和粥品，沒有生滾粥。再追問，原來會麵館已停業六個多月，侍應完全沒有講清楚，還說食物一樣，誤導消費者。合和中心廣告牌及指示亦唔清楚指明餐廳經已結業。最終不歡而散，轉塲再吃午餐。👎🏼👎🏼👎🏼…查看更多

去到東大街諗住求其搵間茶餐廳，點知亂打亂撞入咗呢間東南冰室。兩公婆拍檔嘅小店，老闆娘熱情款待。餐牌都係一般茶餐廳食物。店主特別推介漢堡包。試咗傳統牛肉漢堡包，有肉汁熱辣辣，有驚喜。30幾蚊仲包嘢飲，可說是超值之選。老闆娘話下次可以試吓魚柳漢堡。…查看更多