今日專登入左沙田成班fd食飯，食到一肚氣🤬朋友喺OpenRice訂左枱，喺門口同女侍應講book左枱，已經慢吞吞，對講機都未開咁游魂，幾經辛苦入到去，微辣將坐低左嘅人搬走俾張5人枱我地，book左枱你唔係應該一早安排好嘅咩？真係有人先reallocate，安排失當！坐低一陣就已經催落單不停強調90分鐘交枱，但叫乜無乜，係咁意先落左3個餸（陳皮魚餅、小炒王同豬大腸），其他朋友坐低左15分鐘，先上咗一個豬大腸，點知個豬大腸入面有汁，侍應剪嘅時候，又唔通知一下，佢就咁樣剪剪到成枱都係汁，唔好意思都唔講聲。喺上豬大腸之前再落左2個餸（窩蛋牛肉飯同粉絲什菜煲），呢兩個後尾叫嘅餸仲早過我15分鐘之前叫嘅兩個餸，都算喇，食完窩蛋牛肉飯同粉絲什菜煲，再坐左15分鐘唔對路，催返原本未到嘅陳皮魚餅、小炒王，再落左單叫咖喱牛筋腩煲，咪走雞同涼拌蓮藕片，隔左10分鐘竟然係見到咪走雞同涼拌蓮藕片上菜先😨都再算喇，再催先見到陳皮魚餅同小炒王上菜😨😨臨近佢哋閂門，叫我哋埋單，我哋話咗個咖喱牛筋腩煲未到，其實你未到，我地都話cut咗算數囉，又話幫我check check cut單好好好，條友到最後喺個出菜位度等咗好耐，個咖喱牛筋腩煲終於上到，仲同我講睇熱😤 嘩🤯真係好熱呀，啱啱臨時臨急煮起梗係熱啦，薯仔又唔熟，啲牛腩仲靭過乜咁，只係好過食垃圾囉😡總括而言，啲侍應又唔想做，又要催人哋落單，明明自己漏晒單，又扮晒嘢，尤其是嗰個經理，死催爛催提人哋90分鐘，我哋好配合叫晒野你唔黎，但搞咁多野就係為左9點前趕晒啲客走，真係無下次，食到成肚火。…查看更多
