CarineFung的个人专页

我們一行8人（其中一位長者），因為睇到電話某節目介紹，好想食乳鴿，於是訂好位食晚飯。當天氣温30多度，非常炎熱。有一位及長者先到，舖頭冷氣温度係凍到「雪房」，每位入到去客人都話好凍。我朋友詢問服務員可否調一下冷氣，實在太太太凍，然後男服務員去收銀問疑似老闆娘，再回來告訴我朋友，可以關或開冷氣，但不能調，我朋友二話不說「關這部冷氣」，不過服務員又反口話吾可以關喎，仲叫我朋友如果覺得凍先叫住「雞粥」食，會感覺暖啲。朋友已氣得不得了，等到我地其他人到左，我地真係蠢左，應該即是離開，仍然處於「雪房」情況下快快食埋走，服務員覆完單，但最後又落漏個雞粥，然後又再等雞粥。補充，洗手間要攞匙去，衛生程度非常差，不要去。要去就去對面商埸洗手間。大家可想而知，所有餸菜好快凍，因為冷氣無比冷。我哋離開後，立即就話以後吾會再去。…查看更多

預早公眾假期前定位，果然座無虛席，等咗一陣就可以入座。我哋經常幫襯嘅西餐廳，今次分享午餐，有最愛蘑菇湯，主菜我哋揀咗香煎鱸魚忌廉意粉，我個妹原本唔食魚都可以食晒成份，無骨豬扒配薯菜（我就因為要食生酮飲食，所以走飯走意粉，轉薯菜）黑松露釀雞髀配飯（雞髀夠林，用釀製呢個方法都好特別，好味，推介）。一如以往份量大大份，廚師用心製作，所以大家都喜歡喺呢度聚會，食個午餐晚餐，晚餐會多一啲款式嘅選擇，我鍾意叫生蠔配紅酒，加沙律同主菜，最重要係性價比高，午餐都係$100左右，有餐湯餐飲。…查看更多