車卡的个人专页

晚餐去左屋企附近，大興村大家樂食晚飯，點了雜排鐵板燒及最近大力宣傳的炸魚柳焗飯。鐵板燒有雞排猪排比較薄，另有一條大香腸，味到ok，還配有酥皮湯及焗薯，整個餐都合理抵食。魚柳餐，就令人大失所望喇，望落魚柳好大條，食落就知中伏了，炸得好乾之外，食到的只是又硬又厚又乾的炸漿皮，魚柳只是薄薄一片，大概0.5cm厚度，只感覺在食一塊炸柴皮，完全感覺吾到在食炸魚柳，麥記十幾元的炸魚柳包好食好多。大家樂破費做咁多宣傳，不如做好品質啦！🙄☹️…查看更多

終於等到限聚令可4人晚餐，提早來到鼎泰豐取票，都要等個半小時，一家人方可入坐，進餐限時個半小時，這店地方寬敞，食物上菜很快，但食物一般，餸菜味道很淡， 份量偏少。紅燒牛肉麵，肉質淋滑，但無牛肉味。叫了兩籠小籠包，偏細粒，肉餡很少，失望。炸排骨炒飯肉(鞋) ，醉雞酒味淡。其他餸菜都無驚喜，不值得 嘥時間排隊食。…查看更多

一行五人搵食，進入這間台式小店， 鋪內狹窄 ,坐位不舒適。叫了紅燒牛肉麵 ,冇味！清燉牛肉麵,冇味！香炸排骨滷肉飯還可以!老爹滷肉拼盤,無味！從未食過滷肉，可以淡已無味的。牛肉完全無味。價錢偏貴，質素完全吾掂！…查看更多

同家人慶祝生日，滿心歡喜黎到呢間餐廳，預早訂了位，晚上8：00到達，店員要求選定套餐，才可進入，有不同價錢的套餐。原先以為有女士半價，但原來是三位女士先有半價，同行兩女三男當然無啦。話生日，會有牛肉生日蛋糕，又話無貨！龍蝦 鮑魚海鮮餐又話無！要食燒烤火鍋餐，就只有268元的餐 ，店員話有少量海鮮包括 白鱔片，生蠔等... 最後揀咗268的餐。 家人便進入餐廳，當時我還未坐下，返轉頭同店員講，想改變主意吾燒烤剩火鍋，店員竟然話，已經點了餐就不能改的，（吓，吾係呀！剛剛點，即時改餐都吾得！）唉！因為家人已坐下，不想爭拗，唯有坐下。餐廳內環境昏暗光線不足，點餐用QRcode， 只可用一部電話落單。自助區熟食只有幾款，火鍋食物亦不多，有罐裝飲品，甜品只有朱古力軟雪糕，一款類似雪耳糖水（因沒有食）。落單後，食物陸續送上，所謂的指定套餐燒烤拼盤，令人失望，只有五隻吾新鮮扇貝，5隻手指公size 的墨魚仔，五條蟹柳，五粒丸，五串煙肉金菇卷，5件金沙骨，原先話有的白鱔片生蠔呢？搵返先前店員詢問，話無貨，（剛才入黎時話明有的:(！！）店員無法解釋下索性走開,（太過份了）再搵另一位店員問，店員最後取出5隻迷你生蠔及5隻大蝦（先前又話無貨:(）這樣的食材，每人加多$100的燒烤拼盤，實在不值（吾燒烤剩火鍋$168巳經任食）所以加錢燒烤，已經中伏了！！任食的火鍋食材，都是一般，湯底很鹹，食時不停要飲汽水。不會再來！！…查看更多