阿二的味蕾冒險的个人专页

喺西貢行到有啲熱，想搵間餐廳坐低休息下，抬頭見到呢間有乳酪雪糕即刻衝入去試！:)舖頭空間唔大，室內只有企位，室外得一張長凳可以坐幾個人。不過天氣熱，有得食雪糕已經好開心～我揀咗杯裝乳酪雪糕，可以自選3款 toppings 同1款醬。揀咗海鹽焦糖脆脆、綠茶糯米糍、咖啡蒟蒻加熱情果醬。海鹽焦糖脆脆好好味，咖啡蒟蒻咖啡味濃郁，綠茶糯米糍相比下就比較普通但都唔錯。乳酪雪糕本身酸甜平衡，配熱情果醬一齊食好清新，真係透心涼！黎開西貢一定要黎試下！…查看更多

尖沙咀韓式炸雞有多間，今次就黎試咗呢間都算隱蔽嘅韓式餐廳。:)叫咗一個石鍋拌飯同韓式炸雞＋年糕串燒，賣相吸引，味道亦有驚喜！石鍋拌飯配料豐富，有紅蘿蔔絲、豆芽、青瓜條、牛肉片，加埋煎得剛剛好的荷包蛋，蛋黃流心，拌勻後每一口都充滿層次感。底層飯焦香脆口，鍾意食飯蕉嘅你一定要試下！炸雞外皮酥脆，醬汁濃郁微辣，香口惹味，年糕串燒口感煙韌，辣得過癮。整體味道出色，份量足夠。唯一不足嘅環境俾人感覺有D污糟，同埋店餐廳人手都好似有D不足。…查看更多

突然好想食蛋包飯，上網搵到呢間出名嘅餐廳就決定去試下。網上話要排好耐隊，可能我今日早到，好好采可以即刻入座。餐廳一入去就充滿昭和風情，裝潢懷舊，氣氛溫馨。不過座位唔算多，枱與枱之間距離比較窄，坐得有D逼。主角蛋包飯賣相好靚，蛋滑得黎又有厚度，一切開蛋汁流晒出黎，好吸引！咖喱汁味道濃郁又唔會太鹹，好夾D飯。不過蛋包飯本身冇肉，食落有D dry dry地，如果可以加有肉嘅配料會更好。整體味道唔錯，環境有特色，係值得一試嘅懷舊風日式餐廳！…查看更多

終於俾我喺網上成功訂位，試到日本過江龍挽肉と米，真係好期待！一入門口，店員帶我哋去自助機揀餐同付款，每人都要揀一個漢堡扒套餐。我哋叫咗兩個套餐加兩份沙律同一杯野飲，沙律比較普通，但主角漢堡扒就非常出色！每個套餐有三件漢堡扒、一碗味噌湯同一碗白飯，白飯用秋田縣米，粒粒分明又有米香，仲可以免費添飯！漢堡扒煎得香口多汁，肉味濃郁，食落好滿足。對女仔黎講，其實食兩件扒已經夠飽，第三件就係幸福嘅挑戰！整體體驗好好，食物有水準，價錢又唔貴，值得一試！…查看更多

見呢間餐廳咁出名，放工就同同事一齊去試下。餐廳環境好舒服，裝潢簡約有品味，音樂柔和唔嘈，好適合放鬆傾偈。我哋四個人叫咗沙律、單骨雞翼、普旺斯燉菜、pizza同薯仔丸子，每款都好有驚喜！沙律新鮮清爽，雞翼香口惹味，燉菜味道濃郁，薯仔丸子外脆內軟。最驚喜係個pizza，連我平時唔太鍾意食pizza都覺得好食，餅底薄脆、餡料豐富。整體感覺好好，食物水準高，環境舒服，服務又有禮，絕對係放工聚餐或朋友聚會嘅好選擇！…查看更多

今晚想食飯但又唔想太heavy，所以就揀咗無印良品餐廳。同朋友分別揀咗三品料理同四品料理套餐，食物賣相普通，味道卻有驚喜！明太子炸雞多汁，梅子醬豚肉好入味，比目魚肉質又鮮嫩。環境又舒適，無論係朋友聚餐或者獨自放空，都係一個不錯嘅選擇！…查看更多

聽朋友講九龍塘有間隱世西餐廳，由法國藍帶廚師主理，話咁快就約埋去試試！一入餐廳就感受到舒服嘅燈光同簡約裝潢，氣氛好靜好chill，超適合拍拖或者慶祝生日～當晚客人唔多，冇book位都即刻有位，開心！我哋試咗二人晚市套餐，$888起（視乎主菜），有足足9道菜！牛油果蟹餅香口又清新，龍蝦湯濃郁鮮甜，龍蝦湯意大利飯好creamy，牛扒煎得啱啱好，肉質嫩滑。整體味道有驚喜，CP值真係高，值得一試！…查看更多

一個星期前喺網站訂咗位，所以一到尖沙咀挽肉と米就唔使排隊，輕鬆入座。:)餐廳主打日式漢堡扒飯，環境簡約舒適，裝潢走現代風，座位寬敞，令人感覺放鬆。服務方面，店員態度親切，對第一次來嘅客人會細心講解餐點，令人感覺好貼心。今次試咗漢堡扒飯套餐，包三塊漢堡扒、一碗味噌湯，白飯仲可以任裝！漢堡肉煎得香口又多肉汁，配上來自日本嘅白飯，味道一流，食落好滿足。整體食材新鮮，味道唔錯，加上舒適環境同高質服務，絕對係一間值得推薦嘅日式餐廳，未試過嘅朋友可以一試！…查看更多

尖沙咀本家主打韓式醃蟹，今次試咗佢哋招牌醬油蟹，真係有驚喜！蟹肉鮮甜滑嫩，醬汁鹹香濃郁，配紫菜飯食十分開胃。店員仲好貼心，幫我哋將蟹肉拆出來，再撈埋紫菜飯擺返入蟹殼，啖啖都係蟹汁精華，鹹香夠味，口感層次豐富。醬油蟹雖然唔係人人接受到，但本家處理得好乾淨，冇腥味，反而食完回味無窮。餐廳環境簡潔舒適，服務有禮又細心，整體體驗非常好。如果你鍾意韓式料理，或者想挑戰下新口味，本家絕對值得一試！留意番平時好多人食，如果想試嘅話建議book咗枱先。…查看更多

同朋友慶祝生日，揀咗呢間靚仔OPPA韓國餐廳，真係有驚喜！餐廳環境舒服，裝潢有韓式風格，氣氛好適合一大班朋友聚會。前菜款式特別又好味，仲可以refill，超抵！涼拌豬手啖啖膠質，入口爽滑，泡菜餅香脆惹味，炸雞外脆內嫩，食落好juicy，完全唔油膩。每一道菜都好有誠意，味道比預期更好。唯一比較普通係馬格烈酒，正常發揮。不過整體食物水準高，服務都唔錯，價錢合理。如果你鍾意韓式料理，呢間餐廳絕對值得一試！…查看更多