Kay.HON的个人专页

見人多係門口等位諗住都唔差，點知食到一肚氣！首先人手唔算多，叫極都無人應，點個菜都有難度。已經為左方便同快上菜，叫左6人套餐5人食，仲要晚上7:00就無冬瓜盅，只係食羹餐。但每道菜都好似法國餐咁逐碟上，最後食左兩個幾鐘先食晒！如果你有時間，不妨可以挑戰下，但首先你係飽肚先黎食。周邊幾張枱都係食到勞氣，仲要漏埋個炒飯，早過我食，但都要遲過我走。最後只係第一碟菜影張相😤之後已經成肚氣！食物味道一般，如果咁既價位，我寧願揀返其他餐廳，唔會揀呢度。最後，連埋單都要等半個鐘先走到，真係點會有下次。…查看更多

今日下午經過見食台灣野，望完menu決定幫襯一下。不過企左好耐都無人出黎量體溫帶位，眼見得兩個侍應，一位亞伯，一位四眼女，可能唔夠人手，都算......我等下入到位，規定要人坐一邊，明明一張四人枱而且無咩客，都算.....叫好食物，留意兩位侍應其實都唔係幾想做咁，全程黑口黑面無禮貌，食物幾好食都無用，況且食物味道一般，對住咁既服務態度，好食都唔會有下次。魯肉飯：只是溫暖，肉同蛋係凍牛肉麵：牛肉正常，麵同湯係熱我就唔會再幫襯，因為無值得再食既價值，侍應態度已經好似話俾大家知表示唔憂做，等執啦…查看更多

見成日都有網上宣傳，荔枝角又好少有台式飲品店，特別行去一試。當日星期日下午去排隊，少少人排隊等，鋪位處於馬路旁，等緊飲品先要承受馬路發出既熱氣同廢氣，真係大大扣晒分。等左十分鐘左右，終於等到兩杯飲品。選擇叫左Q罩杯同黑糖奶霸。但係......結果令人失望，奶霸只有奶味，黑糖完全沒有。Q罩杯的奶茶有很重手的奶精味，幸好芋圓有些小咬口，否則唔知自己飲緊咩。飲完一次，唔會再去，$30杯既價位買呢D，去便利店買飲品好過。…查看更多

諗住新開張，又見網上有晒宣傳，諗住應該支持下，落住雨都去排隊買杯飲。點知，招牌野啵爆黑糖厚鮮奶，無！咁諗住轉飲白玉珍珠奶茶，無！乜都無，做咩生意呀最後，揀左杯黑芝麻珍珠鮮奶茶，諗住橫掂都要買，都揀一杯招牌飲品。最後都係失望之作，珍珠無乜味，奶茶無奶同無茶味，飲左半杯頂唔順，送去垃圾桶，無下次。咁既價錢，周圍幾間飲品店都仲好味。…查看更多

見食評正面，唔同平台都分享WTF既食品，今日就特登抽時間去試下睇下係咪咁值得。點知...所謂既鰻魚蛋包飯只係好普通....既鰻魚飯...真係有D失望，以為隱世得黎真係有料到，原來都同平時既味道差唔多，唔洗特登山長水遠入黎食，轉完車都仲要行一段無乜人既路，真係唔好講笑。除左食鰻魚蛋包飯，天氣咁凍都特別試左杯Latte，但係總結而言，飲品同湯都係無乜特別。餐廳裝修方面，係幾有風格，係有D塵無乜點抹囉😂…查看更多

開心星期五，同班同事一於走去賀一賀佢，一行九人去隱世貮館燒一燒，飲下野，傾下計。自助形式，食物用具飲品一站式自助，任君選擇，食物種類亦相當特別，我地最愛當然係燒鴨胸、墨魚咀、菠蘿、蜜汁叉燒、雞翼。食物質素不俗，醃料亦將食物醃得好入味，菠蘿亦都好新鮮，老實講，食十舊鴨胸都已經回到本！另外一提，員工風趣幽默，令到氣氛相當不俗，成餐飯都食得好開心，讚呀！…查看更多

環境舒服，服務態度一流！店員姐姐笑容可加，熱情招呼，咁既服務態度香港地已經好難有！一入門口即刻加分！ 前菜: 南瓜湯，味道濃，足料! 西冷牛扒配迷迭香燒汁，薯角 西冷牛扒可自選幾成熟，牛扒夠晒juicy，滿滿牛味!薯角新鮮即叫即焗，味道剛剛好，好味到要再額外叫多份先夠!鮑魚鵝肝意粉，勁好味！ 意粉夠晒乾身，味道仲好香，大大隻飽魚唔會咬唔開，鵝肝夠晒味!超抵食之選!!以為食飽？未！仲有甜品加飲品！ 芝士蛋糕味道濃郁，甜而不膩!食物質素很好，店員姐姐告知每星期餐單不同，包有驚喜！價錢合理，仲免收加一。是日餐單：…查看更多