米娜:3的个人专页

公司附近就係夏茶，一知道有開心果系列真係好興奮🥰 今日晏晝3點半到，見到店員沖緊幾杯都係開心果，好彩都唔洗等太耐，大約10分鐘就拎得平時唔同口味嘅雪沙都係大杯啲，但開心果芝士雪沙同鮮奶今次係一樣嘅Size，咁就揀左$48嘅雪沙試下開心果醬嘅味道好濃郁，雪沙其實應該係沙冰，但同平時飲嘅雪沙，呢杯無咁似沙冰口感，但味道真係好好，開心果仁都好香口，絕對會再買，唯一可惜係佢唔係平時嘅雪沙Size，唔夠喉🥹…查看更多

好少去沙田新城市行街，今日大約晚上8點到商場，落到1樓見到好多餐廳，而呢間都有三四台仲等緊位，好好彩拎左飛後等大約5分鐘已經入得去啦！入到去坐底服務員會講解是日小食同是日特別版平鐵牛扒，但今日係一款有辣汁嘅牛扒，唔太岩口味，所以揀左美國390日穀飼Prime級平鐵牛扒而呢度嘅特點應該就係薯條仼食啦！Order完立刻就黎熱辣辣薯條打個底先☺️美國390日穀飼Prime級平鐵牛扒 $278選擇左5成熟，熟度剛好，牛扒點埋海鹽味道提升不少，牛味重之餘口感亦唔會Un，建議5成剛好了！伴碟嘅薯蓉都好食，不過如果伴碟係燒蒜頭仲開心限定開心果奶蓋紅茶飲品今次唔選擇酒精類，反而試下奶蓋紅茶，蓋面仲有唔少開心果仁，而杯茶只係微甜，如果太甜的確都會影響牛扒味道，所以呢杯都可以一試。…查看更多

海之戀真係一個好吸引嘅商場，應有盡有！而家仲有Gelato🥰 店舖細細但口味非常豐富，價錢亦都唔貴，單球 $45 2球$55 ，同男朋友1齊就1人1隻味，佢揀左金莎朱古力，我就係衝住開心果黎，唔洗諗！本身以為杯仔細細份量唔會太多，但姐姐好功架，起樓咁砌，最後係滿滿一大杯❤️開心果味道濃郁，奶味都重，有少少果仁係入面，我覺得係必試嘅！而金莎朱古力就真係同金莎一樣，係比較甜嘅口味，男友表示好食，仲一啖食左好大啖🥺….如果喺附近餐廳食完嘢冇食甜品，真係要過嚟試一試👍🏼…查看更多

4條友每月一聚，每次都諗食咩，最緊要個地方岩傾偈，又要一路食一路講，唔使俾人催賣單，打邊爐就滿足哂✨個個都怕辣，所以揀咗胡椒粉腸豬肚鍋都係有少少胡椒嘅辣味，入面都好足料⭐️手打孖寶 蝦丸，墨丸$98⭐️炸魚皮 $48⭐️本地手切牛頸脊 $328⭐️野生竹笙 $68⭐️即炸紫菜響鈴 $68⭐️牛舌心 $128另外再嗌多碟粉腸繼續煲😛德國啤酒每支都係$10 ，好抵！埋單每人$320，每款嘢食唔算好平，正常嘅單嗌價錢，係新鮮丸類覺得跟左少少🤏不過洗手間唔係咁乾淨，地下濕笠笠，沖廁水fill得好慢，等個女廁都好耐，但飲咗酒冇辦法唔去廁所😗如果廁所衛生再搞好啲就好啦…查看更多

男友住係深水埗，話年輕時經常同朋友黎增輝食宵夜，佢好少主動講有咩好食，但就好推薦我黎呢度試下炸榴槤同獅蚶，咁就試下有幾好食🙈⭐️潮州生醃獅蚶 $148當日嚟到已經最後一份，因為都宵夜時間，我係第一次食，有驚艷嘅感覺🤣 每一粒都好Juicy，加埋個汁真係停唔到口，建議如果着淺色衫嘅真係要小心啲開殼，如果唔係一個唔小心就好似被血濺到咁😂⭐️冰火脆榴槤 $98男朋友強烈推介要食，嗰個口感真係好特別，入面榴槤好似雪糕咁⭐️薑蔥撈魚皮 $88個人覺得味道有少少淡，最鍾意食係佢上面啲花生，個魚皮都好脆，男朋友話一定要薑蔥魚皮一齊食，個人覺得一般啦🙈⭐️梅菜扣肉　$98成晚冇食過肉，見到呢個真係忍唔住，呢個等咗大概15-20分鐘，一嚟到賣相超吸引，扣肉嘅肥瘦比例啱啱好，真係要多個飯先對得住個餸🔥 必食😎如果可以下次真係想一個人食晒一兜獅蚶啊🙈…查看更多

每次朋友gathering問食咩，我都會講不如食泰斗，一嚟環境舒服，二嚟食物質素好，地點又方便😜唯一麻煩就係搭lift上去要考智力😂呢款必嗌⭐️脆爆香茅三文魚鮫 $138睇落去好似比啲脆蒜遮住晒，但其實底下份量都唔少，三文魚油香好正，食落又方便，唔係好多碎骨，建議一嚟到就即刻食唔好等啦，熱辣辣最好味🔥⭐️泰式生蝦 $128每隻蝦都好肥好厚肉，無雪味，泰國餐廳基本嘢，食生蝦最緊要都係要點多啲汁，如果唔係會浪費咗隻蝦🤣⭐️菠蘿海鮮炒飯 $168本身同佢request咗唔要提子乾，但最後都係有😅炒飯份量都多，3個人分剛好⭐️串燒沙嗲豬 牛 雞 各$38/2串同朋友一致，覺得豬肉同埋雞都好食，但係牛肉就有啲韌，難咬左少少，但係個沙嗲汁好食，我最鍾意食沙嗲豬😜貪食落去夠彈牙其他例如冬陰功，燒豬頸肉同咖喱軟殼蟹之前黎食過都好好食，飲品又好大杯，如果坐出面嘅話都好Chill，所以都好推薦☺️…查看更多

原來元朗有兩間辣媽，但泰祥街附近嗰間冇螺獅粉食，放飯突然想食要行到去教育路，少遠🥹本身唔係好肚餓又只係心癮起，叫左最平個款⭐️柳州招牌螺螄粉 加凍奶茶$59+$9唔係好食得辣，但又好鐘意螺獅粉浸味，所以嗌最細辣，黎到見到好足料，平時食開都係屋企自己煮，原來出街食係會咁大份就算係最細辣，都係要不停咁飲奶茶，不過應該係我唔食得辣姐😹其實味道都好好，配料又多，個粉唔會好淋，虎皮雞爪好入味，如果要埋隻炸蛋嘅豪華版真係食唔哂，$59都算抵食👍🏼…查看更多

夜麻麻九點幾去到尖沙咀，自己一個唔知食咩好，行到去厚福街諗住食過沾麵就算數，經過呢間肉搏食堂見到好吸引嘅Menu停低咗嚟睇，門口個哥哥同我講新開張有8折，諗咗2秒，就入咗去😆之前IG都有留意到呢個牛肉丼，賣相好似日本嘅Red Rock，當回味下都好⭐️慢煮頂級牛肉盛丼 150g $98本身都諗會唔會好細份，但係原來真係有好多牛肉，慢煮口感好好一啲都唔會靭，加埋個蛋黃同返食，真係好好味，女仔食嘅話150 g啱啱好見有折扣，順便嗌多個小食試吓☺️⭐️鹽燒三文魚骨 $48送到黎熱辣辣，即刻食好脆好香口，唔會好鹹，味道啱啱好，三文魚嘅油香好吸引，Lun出嚟嘅魚肉好滑，魚肉都啜到出嚟，$48呢個價錢絕對非常OK！（仲要有折😆）呢餐都食得好滿足，服務態度好，員工都好似幾靚仔😂食物一啲都唔求其，咁夜仲可以慢慢食唔催人走，可以好好享受食物😎…查看更多

約左朋友慶祝生日飯，佢都好錫住我荷包話唔洗咁貴，等我決定！ 咁就食我想食嘅餐廳啦😆 海之戀真係好方便港鐵站一出就係，沿路都見到有好多餐廳，裝潢都好吸引朋友同我都唔係大胃王，所以散嗌唔洗食SET⭐️PEKO 拼盤 （青口、葫蔴雞、廣島蠔、海苔魷魚）$168個人最鍾意食個青口同海苔魷魚，加白酒忌廉汁好食，平時會好怕食炸蠔，怕個炸漿會好厚，但呢個小食都唔會，如果小食黎，呢款咩都有啲算抵，因為淨係嗌海苔魷魚都$88⭐️扇貝明太子意大利麵 $158都係睇食評見到呢一個賣相好吸引，本身最鍾意食多汁嘅意粉同明太子，個汁好足夠，帶子好鮮，無揀錯🥰⭐️烤彩虹芝麻脆皮羊架 $318呢個係朋友嗌嘅主菜，佢話賣相同Menu有少少唔同🤣不過味道都唔錯，再熱啲就好價錢唔算話非常之平，但同朋友gathering或者慶祝生日都唔算失禮，但座位上黎講，一入門口排長枱好似同隔籬枱好近，傾偈都俾人聽到晒，如果可以隔開少少感覺會再舒服啲。…查看更多

本身係附近返工，漁師兄都係平時會食開嘅，平時會揀鮮魚湯魚咀米線，今日就諗住試下唔同口味，所以選擇左⭐️蕃茄魚湯魚咀牛丸米線(加底) $61魚咀有兩舊，各切開咗一半，好鍾意lun住慢慢食，眼個嗰位係最愛嘅部份😂 另外加咗牛丸，普通無咩特別，但係蕃茄魚湯感覺唔夠鮮魚味好味，應該都唔會再嗌呢個湯底，之前都食過隻芫荽皮蛋魚湯，都好足料，但唔可以話好好食，甚至覺得芫荽皮蛋多過頭🤣 如果講抵食都係抵嘅，但係都係普通嘅鮮魚最好食！…查看更多

之前聖誕節同男朋友唔知去邊度慶祝，見到呢間價錢唔係好貴，環境又唔錯，1於GOGOGO！confirm Booking話有用餐時間限制，本身訂咗七點，但預計會遲少少到，打俾餐廳通知，餐廳好好嗌我慢慢，話會補返時間俾我😀餐廳環境唔錯，店員都好好禮貌本來嗌咗一杯嘢飲，但之後發現枱面原來有推介開心果latte，問店員可唔可以轉，佢都好好即刻肯幫我轉🥰兩條友唔係太餓，本身想食大推嘅煲仔飯，但係應該食唔落😂前菜小食⭐️龍蝦竹笙湯 $68味道好濃，推介⭐️芝士焗大啡菇 $63大啡菇切開依然都好Juicy主食⭐️鵝肝雜菌竹笙黑松露意大利飯 $168個飯好Creamy但係唔會太濕鵝肝份量都唔少，份量同男朋友一人一半唔會太漏甜品⭐️日式卷蛋 $58唔會太甜，卷蛋好鬆軟雖然今次唔係嗌得太多嘢食，但係每樣都唔錯，價錢亦都合理，餐廳服務亦都好好❤️會為咗煲仔飯下次再嚟！…查看更多