Sheeta33的个人专页

新年同朋友食飯兼拜年, 想搵個地方傾下偈, 佢提議去呢間居酒屋, 話之前食過好隱世. 好啦, 既然佢話食過就比佢話事, 不過個人唔太喜歡咁細間既食店, 因為好似坐到好迫, 而且完全聽到隔離唔識既人講野, 佢又聽到我講野, 心理上唔係咁好.按時到達唔滿人, 但唔知點解都唔比bar枱我地坐, 要我地坐細枱, 感覺仲更加窄.睇下餐牌, 不外乎豬牛雞呢D寸燒, 同普通寸燒鋪一樣.日本和牛扒, 個份量都幾細同埋薄, 燒到好柴, 好似食緊十成熟一樣, 好似浪費左日本牛.牛舌心, 燒到好硬好韌, 好難咬開, 要成78蚊3粒, 即係廿幾蚊1粒, 咬唔開都要成舊吞左佢.波提豬肉卷, D豬肉片又係燒到好乾好乾, 得粒提子最正路.之後再要左幾寸豬五花腩同雞之類, 但係全部都燒到好乾好柴皮, 完全無肉汁.個朋友話之前黎食唔係咁, 唔知點解差成咁, 佢話下次都唔會再黎食. …查看更多

又係大閘蟹季節, 以前鍾意搵D任食既酒樓, 貪心可以食多幾隻, 但係覺得D質素越黎越下降, 所以今年黎左東海薈食大閘蟹套餐.睇menu有1位, 4位, 6位餐, 侍應話可以叫1位餐, 同行人叫其他野食都無問題, 咁又幾好, 可以配合唔食大閘蟹既人. 最後我地叫左2個1位餐.一黎係花膠雞絲羹, 料都幾多, 味道唔咸, 1人既份量都幾大.跟住係煙鴨胸拼青瓜, 鴨胸D肉都幾嫩, 反而鍾意個青瓜, 好爽口清新, 同埋上面D汁幾好味.仲有蟹粉小籠包, 每人1粒, 餡好滿, 但係無咩蟹粉味, 剩係覺得好咸, 呢個麻麻地.跟住就黎每人2隻公大閘蟹, 侍應話可以慢慢食, 之後既餸食到差唔多先會上.公既大閘蟹都幾多膏, 味道濃郁, 肉質都好新鮮.食到咁上下就上埋隻后, 膏都多不過係實肉既, 大隻唔會太瘦.食完就黎菠蘿黑豚肉, 2人份都幾大碟, 黑豚肉好軟腍, 隻條都係豚肉無骨, 好味.黑松露炒蝦球, 黑松露味好濃, 但係有D咸, 但係蝦好爽口彈牙.鮮茄菌浸時蔬, 呢個清清地反而幾好, 解左大閘蟹既濃味, 不過加蕃茄仔個配搭好似怪怪地.最尾係薑茶湯丸, 唔記得影, 有2粒湯丸, 薑茶好夠薑味, 驅晒D寒氣.…查看更多

聽聞呢間小店好出名, 朋友話不如試下, 人好多, 坐位放得好貼, 部份係高凳bar枱位, 慶幸編排坐矮枱, 如果唔係都幾辛苦. 最有名豬扒飯, 選了配肉燥汁, 個人覺得肉燥味道偏咸, 就算撈左白飯都咸, 味道太重口味.有名既炸豬扒, 上枱時好吸引既, 但一開始食無耐, 成塊炸皮跟肉完全分離左, 變左皮還皮, 肉還肉, 唔知想點, 唯有繼續分開食.肉質較硬, 好雪藏豬扒feel, 無肉味. 成碗都好普通, 份量又唔多, 坐得又迫, 亞姐又趕客feel, 一食完即刻拎走你D碗.…查看更多

同朋友食完飯唔夠喉, 搵多間甜品鋪繼續傾, 呢間環境都幾開揚就是但入左去.冷熱甜品幾多選擇, 見佢有埋窩夫, 所以最後我揀左黃布甸窩夫, 等左一陣就有.賣相唔差既, 有窩夫, 有雪糕, 有布甸, 加D朱古力醬, 幾種口感一次過食到.先食個窩夫, 一切已知硬既, 入口係微暖, 唔夠熱, 所以食落又硬又乾, 似係一早整定加熱就算, 一D都唔鬆軟, 失左窩夫原有既感覺.朱古力雪糕無朱古力味, 布甸唔知咩味.小食店既格仔餅即整仲好食D.…查看更多

呢間炸雞由韓星劉在錫代言, 記得開朗豪坊店要排幾個鐘, 今日行過完全唔洗排, 未食過又試試.菜式同一般連鎖韓式炸雞店差唔多, 除左炸雞仲有其他韓式料理, 款式唔算好多.2個人除左要炸雞之外, 就要多樣迷你雞蛋卷, 分原味同明太子.叫做"迷你", 諗住都唔會太大份, 應該食到, 點知一上枱有D嚇親, 好大好大份量, 手腎咁粗.蛋卷面加左好多蔥粒, 沙律醬等, 入面仲加埋芝士.先食一口, 蛋味都濃且香, 有質感唔會太鬆散, 但明太子就無咩味, 夾左芝士所以好漏, 食左兩件已經非常濟, 好飽.蛋卷得覺得簡簡單單點少少醬已經好好, 呢個D醬料過晒龍.…查看更多

同朋友行到攰攰地, 諗住商場搵間cafe坐下, S同P字果間爆晒人, 朋友提議黎Agnes B, 我從來都未黎過, 試下都好.K11呢間環境幾大, 坐位寬闊好舒服, 起初以為唔平, 原來咖啡都係幾十蚊杯, 坐下傾下都唔錯.要左mocha, 熱飲有個簡單既熊仔拉花, 幾得意.咖啡味好香濃, 好滑溜, 咖啡同奶既份量得宜, 味道剛剛好.呢度唔算太多人, 好輕鬆無人趕. 見menu有晚餐野食, 下次要黎試下.…查看更多

諗住星期六旺角好多人，唔想行嚟行去，行過見到主打牛邊爐，我又係牛魔王，就去試下.呢間係樓上舖，上到去唔洗等位，坐低無耐先發覺原來果個自助調味站就係我朋友身後，仲要係得個櫃上面放調味品，兩邊完全無嘢遮擋，因為無其他位轉只好坐果度，當有人去調味站攞醬油，我地就望實，好驚佢會整到d豉油呀落我朋友身後，又驚有人整跌，就成身污糟哂，呢個真要改善下.點好嘢食一陣已經有嘢嚟，嚟嘅唔係湯底，係牛肉，之後其他嘢都好快上哂，但係湯底呢？個侍應話同我地跟，再等咗10分鍾，又一個侍應行過，e..湯底我再同你跟，又再等，後面果枱遲過我地嚟已經食緊，又過咗7,8分鐘，有位姐姐行過嚟話，你地點嘅牛坑腩湯底無喎，等咗咁耐先話無，都唔想諗，是但一個牛骨湯底.講到d牛料，話就話唔同位置，不過我唔覺有咩分別，上到枱係有講係咩嚟，但放多幾碟係枱，都已經唔知邊碟係咩位置，咩位置嘅牛肉都係無牛味，份量仲要好少，仲要一d都唔平.…查看更多