Cherise Sin的个人专页

咁岩行經旺角見到初芋嘅門店外賣自取，之前外賣食過係唔錯架，今次encore介紹俾屋企人食，滿心期待。芋圓我地好多間都食過，鮮芋仙同萬華我哋都好鍾意，冇諗過行過去外賣自取會整到咁。首先係漏單，前後等咗超過半個鐘先拎到一碗外賣。拎喺手上輕飄飄咁，心諗最多假日細碗少少，點知返到屋企打開，點解冇糖水嘅？得芋泥，布甸，芋圓半碗，咁就48蚊。食落啲芋泥仲酸酸哋，真係唔敢繼續食。我諗我哋會black listed呢間野，伏。…查看更多

大熱天時收工又攰又肚餓，諗起未試既呢間餐廳。上次嚟撞正休息，今次兩點幾都仲排緊隊，排左一陣發現頂唔順，再等可能會中暑，啲食客食完傾極唔走，開panda叫take away，冇加一仲有折，拎返附近食。正！新鮮好味，份量夠，尤其芝士大啡菇，多士，燒香蕉都好好味！腸同埋薯餅都唔錯，大滿足。好開心絕對冇因為外賣變hea，會encore😋!祝貴店早日擴張業務，唔駛食客排得咁辛苦，繼續做良心店，好多人會支持。…查看更多

第一次黎太安樓...原來係個尋找隱世美食既好地方,其中排隊試左呢個炒麵..好有鑊氣,阿廚炒到嘭嘭聲,辛苦曬! 平日好少食炒麵因爲怕油,但呢個麵炒得一d都唔油膩,高手!大大盒,好多料,紅腸,魚蛋,肉絲,大量牙菜,好味吖!環境其實唔可以要求d咩,夜市咁,有幾張枱俾你開餐就夠,仲可以去附近買特色野飲同糖水,一次過試咁多款小店美食既太安樓..兩個人掃街,食到捧住個肚走,間間都係美食,都唔駛一百蚊per head抵!…查看更多

好耐冇見晚老朋友終於夾到時間出後食飯,佢話想試意大利菜..環境幾舒服,幾岩慢慢傾計。先來麵包,有蕪花果醬,大蒜,牛油..蕪花果醬幾好味,燒原粒大蒜搽麵包原來好好食,好想返去學吓整😋頭盤叫左烤焗大菇伴釀巴拿馬芝士溫泉蛋,個味幾有層次,好多時烤菇會乾,但佢仍然好fresh好juicy,夾埋芝士同ham既咸香,唔膩,好味!之後試左野菌忌廉伴黑松露湯,朋友揀左香濃蝦湯伴龍蝦肉,忌廉湯幾香濃,食到碎粒野菌,truffle味幾香.之後個經理俾我地揀雪芭,揀左甜既桃味同西柚味,話可以清清味蕾喎😋主菜我地揀左慢煮黃油雞同黑松露蟹肉千層麵,佢唔似一般既千層麵,有蛋香,非常之creamy,有蟹肉鮮味同松露香,麵身薄薄但其實好飽肚架.而黃油雞係slow cook既,份糧有一隻雞,兩個女仔share就剛剛好,有三個醬汁,芥末,燒烤汁,同有原粒蘑菇既菇汁,個BBQ汁同配菜都幾好味,有火箭菜整串燒番茄仔。我地又試左house wine白酒,少飲酒既我覺得易入口既。我諗全晚最欣賞既係甜品😊白朱古力雲尼拿奶凍同Balleys tiramisu賣相都好靚,原本擔心食唔曬,點知...哈,第日要做運動burn返佢地至得啦。意式奶凍好滑好滑,奶味剛剛好,mix埋酸酸地既果汁啫喱片同白朱力好夾,咁大杯傾傾吓計唔覺意就食曬😋 朋友話好飽,咁Balleys tiramisu我唯有試吓落力食多d啦,balleys原來係好似分子料理咁包喺薄膜入面,然後整穿黎食,餅身質地濕潤,食過咁多間餐廳既tiramisu,佢好似係喺香港食過最好味既一間,原來balleys加tiramisu係咁香咁軟滑,我諗我會為呢個tiramisu再黎過😋.…查看更多