fe_kathy的个人专页

見到社交媒體網站有foodie介紹，見啲相正正常常就同朋友試下，點知就出事。再次印證點解會無端端做優惠？因為真係無質素可言，你話佢平又唔係，貴又唔係起碼食到你飽。首先一到餐廳，就見師傅急急子咁上菜，係咪趕收工？可能我地遲咗開始怕我哋唔夠時間追加？個所謂茶碗蒸只係暖，打開見到有堆海膽諗住有驚喜點知海膽都出事，有陣膠味，個蛋仲要蒸過咗火係一啲都唔滑，想點先？雖然有3款生蠔但係佢用好調味啫喱放係生蠔上面掩蓋生蠔既味到上第一舊壽司，我咬左好耐因為有筋，咬黎咬去好似食香口膠咁。啲飯望落似赤醋飯但係又無咩味，然後啲飯又太熱，成件事好怪。有火灸過既壽司大部分都係燶既。。。其實如果趕時間可以唔做omakase，點解要咁虐待啲客虐待食材。做茶仔都未嚐唔係一個好選擇…查看更多

作為‘’古法芝麻糊‘’，一路食一路有攪唔均勻既粒粒，同小時候超市買的即食開粉芝麻糊十分相似。價錢$30一碗，唔值。仲叫古法令人十分之失望，以為真係用古法製造，點知虛有其表。…查看更多

行過見到好多人食，諗住應該唔會同師大個間差太遠掛。就算貴啲都試下，點知伏到一個點。個湯無味得個鹹字，好多師大個間有既配料都無，賣個啲又係無咩味。想點先？其實唔得就唔好開分店。真係好差好失望。…查看更多

行過見到餃子麵，寫到明手工餃。對於有餃子狂熱病既我，立即有興趣。行入去，店舖小小，有10張枱到。冷氣夠涼。咁望下餐牌見到有淨水餃，煎餃，餃加麵。咁餓餓地就叫左個大白菜鮮肉餃加刀削麵，湯底係香濃豬骨湯。等左陣上菜，飲左啖湯，隻味係出前一丁豬骨湯味。有五隻水餃，試食左隻水餃感覺有啲散。一試個麵，嘩，無牙都食到。淋到呢⋯⋯明明刀削麵係彈牙，有趙口，點解可以煮到咁既款。唉，真係失望。睇黎要去發掘第二間餃子店。…查看更多

行葵涌廣場見肚餓，上去2樓睇下有咩醫肚。行行下經過見到有舊大芝士，心諗咁得意。本著無驚喜既心買左碗蘑菇煙肉意大利粉。見店主即叫即煮，又落呢樣又落個樣睇落好講究，等左3分鐘就有得食。點知！有芝士味又有忌廉味，估唔到都有驚喜我見佢仲有黑菘露同埋巴拿馬火腿可以揀，不過今次無試到，下次經過先再試。不過有野可以改善下，例如用個隻膠叉可以換隻大隻d既，因為d粉有d重 “了”起上黎隻叉唔係好夠力，有d擔心😂下次會再試…查看更多