beelingleung的个人专页

星期三下午茶時段去，本身都知道店內唔大但原來入到去坐位之間都好逼客人都好急攞好多野食，好逼，冇乜幾多時間可以望真有咩食物，淨係見到salad 果部分都多選擇。飲品係桂園水果茶但冇咩味，似擺左好多冰，溝淡左；另外有龍眼冬瓜茶，有飲到冬瓜甜味。碗仔翅ok、pizza 一拎出黎已經唔熱唔暖、糯米飯ok、避風塘粟米同椒鹽豆腐係全場最有味，椒鹽豆腐喺下午茶時段頭30分鐘出左兩round已經好快比人攞哂就冇再refill 過。蛋散係lunch 時段淨返1/3碎碎，由14:30-16:00都冇refill過。至於餐具方面，有部分碗碟杯都未洗得乾淨，碟上有乾左嘅食物積、杯都有食死左嘅唇膏印洗唔甩。…查看更多

午市點心雖然夠熱但得個樣，一啲都唔好食，乾爭爭，黑金流沙炸蛋入面得一小啖芝麻。食物黎到枱面完全唔吸引，想叫多一兩款試下但係好驚愈叫愈失望🙃價錢同食物賣相、質素唔太岩比例。唯一員工服務態度都ok叫左四款點心但係都冇乜味，食落淡口，$58一個點心叫到埋黎真係完全失望😞😞😞😞餃類做得好乾身，建議加少少類似粟米湯/羮嘅野會比較吸引，同埋圖有花裝飾，但實物冇😔雞泡魚餃對眼點漏左，變得唔似雞泡魚各人口味唔同，大家都係自己去試下…查看更多

$1/一件夠抵之餘仲好好味，魚蛋唔會死實，我買幾粒即食，老闆仲要倒返落油翻熱😍正下次會再過黎食😊豆腐比起其他舖還要大件少少☺️雲吞皮都唔錯😌最正係粒魚蛋，必食😋老闆好nice 🥳…查看更多

想搵野食，行過門口見到set lunch $98幾抵，有前菜、小食、湯同甜品。主菜味道超出預期好味，最主要野食夠熱，好味過酒樓好多😋前菜秋葵我本身唔鍾意，所以味道唔係咁好😅服務方面，雖然問親姐姐佢都話唔太清楚，但佢都好有禮貌叫我地等等，跟住去問經理😊其他職員都好友善，每個傳菜員一過到黎都會講句「你好」先😅成個過程都食得開心滿足☺️餐廳環境都夠大闊落，14:30-16:00都唔多人。會有下次👍🏽…查看更多

環境好坐得舒服，服務唔錯點心好精緻，影相影到d野食凍哂🤭有啲野食味道未算最好味，但係都好ok會有下次😜星期日去，最好book定位網上見到人地餐牌有$438四人商務套餐，但打電話去book果時，問過職員過幾日的假日會唔會有供應，回應係有，但當日去到只有$398二人餐，唯有散嗌其他，雖然唔太貴，但有少少失望，感覺冇咁抵😂其他整體感覺都好好，食到好開心😃期待下次平日去，可以食得返個4人$438商務套餐🤓仲有門口等位果時，見人地話有間房好似teamlab咁可以打下卡影相，去到果時，以為未夠12點個開門時間就未開放，擺設都是亂的，諗住食完再去補影相，點知都係亂同冇開燈，希望下次影得返😅…查看更多

午市熟食放題$78加一好抵，野食夠熱，有啲都暖暖地好岩食，野飲選擇有好多！位置坐得幾舒服又夠闊落。平日去人流好少，但係職員都會fill野食☺️樓面職員非常有禮貌又友善，全程用餐好開心好飽好滿足。有水果有甜品，雪糕雪條有5個款又任食（後來有加甜筒）！120分鐘$78真係好有誠意，值得去幫襯！…查看更多

價錢唔貴，泰北金麵味道一般，湯太過杰撻撻，可以加返少少水，雞髀有啲「鞋」。加左$25芒果糯米飯，份量太少，只有三小塊芒果，但係夠甜。餐具好似用左好耐冇更換，有啲污跡。…查看更多