eeyore0714的个人专页

今日同朋友食9點後, 由於我地睇完戲先去食, 大約9.40pm, 門口個小姐話10點9 last order埋單, 11點半交枱...咁都仲有2個鐘左右食, 就OK入去啦~一坐低拿拿聲叫野食, 開頭上得OK, 去得任食都預左會漏單, 但發覺叫左幾樣野都冇來, 問佢先話冇晒~都算啦! 10點半未夠走來同我地講last order, 要埋單...我問佢唔係10點9咩? 跟住個阿姐話: "得~你中意10點9 , 咁咪10點9 至埋單囉 !" 之後掉低張卡走左去! D態度非常差!!之後走淨我地嗰枱, 大約11點3, 有條友埋來叫我地睇住時間, 就快11點半, 之後成班人圍住我地張枱附近, 好似想迫我地走, 食都食得唔安落! 谷鬼氣搞到好浪費D食物, 我地個人一企起身, 班人走衝埋來執枱! 過份~!!咁大間酒樓, 做唔起夜市就唔好學人做9點後任食火煱啦!! D野唔好食唔新鮮都算, 服務態度仲要咁差! 我決定black list佢, 以後請我都唔會去! 唔怪之得冇乜人食啦~…查看更多

一入到去未坐低, 已經決定, 呢間野冇下次!Book左7pm, 我地2人早到左10mins左右, 經理話我地早到左, 未執位叫我地等 (語氣不太友善, 似埋怨我地早到). 等到真係7pm佢先比我地入去…入面好多人, d枱排得好迫好密, 行都行得好辛苦! 搬來搬去, 最後叫我地坐張2人枱 (路口位), 侍應捧住d食物响我地頭頂過,幾驚佢會淋到我!!諗住快快趣叫野食, 食完走人…點知問佢枱號就求其up, 原來同隔離枱一樣..d野食來到時, 求其掉低就算! 問都唔問, 搞到同隔離枱d食物掉亂晒, 明明我地叫先ge就比左隔離枱, 谷鬼氣之下唔再叫!食物質素方面: (由於實在太迫, 根本冇可能影到相)真係罷鬼! 所有吉列食物, 應該係响超市買ge現成貨, 毫無水準可言! 對刺身已經冇期望, 但冇諗過差到咁…唯一可取ge係燒羊鞍…印象中, 冇其他食物令到我地一食就話好味囉!總括: 以相同價錢, 大把更多好ge選擇, 平d ge都仲好過佢! 服務差, 環境差, 食物極之普通!!! 建議大家未去過ge, 唔需要諗住去試, 以免後悔及食得咁辛苦!…查看更多

今日同幾個同事去食飯! 因為真係好想同大家分享下呢間cafe~無論服務同食物都真係非常之好! 老闆亦都係廚師, 佢實在太體貼太細心呀! book枱時, 老闆都會問你有D咩想食, 有D咩唔食, 跟住前一日就會打電話你confirm menu! 到食ge時候, 佢都會不時問你D食物ok嘛? 夠唔夠飽呀?! 雖然今日食ge牛仔肉有少少失準, "un"左少少, 不過都好好味道, 整體來講都係好好!! 我最中意就係食心太軟, 係我食過咁多個最好食ga~呢個係必食推介!同事們都話正, 仲問左老闆攞卡片tim!~另外, 佢唔只係食野, 仲有衫賣, D衫唔係算好貴, D款都幾特別......我覺得真係冇得彈囉~~!!我會繼續帶其他朋友去食呀!!…查看更多