BusterGMT的个人专页

是日落深水埗，叫做順路咁過嚟食個 lunch睇佢嘅 FB，呢度剛剛翻新咗，雖然有點匆忙，冇仔細欣賞裝修，但坐低唔多唔少都感受到嗰種「去旅行」嘅感覺點餐後先送上餐湯及飲品，我初初以為係忌廉湯，但一入口就感覺到薯仔蓉，其實應該係薯仔湯鮮忌廉菠菜長通粉 ($68)第一眼望落個份量好似有啲少，事實上係隻碟比較深，我食完都有飽肚嘅感覺每條長通粉都沾滿晒菠菜嘅味道，我又幾鍾意菠菜嗰種炒到淋嘅口感，輕鬆地食晒成碟黑椒照燒汁煎牛柳粒 ($78)另外叫咗個餸兩個人 share，啲牛肉完全唔「鞋」，汁又唔會太多，食落唔會膩，隻碟大約 6-8 吋，兩個人啱啱好私底下我都咬咗兩啖豬扒，冇我最驚嘅「鞋到咬唔開」，好似雞扒咁易咬（所以我食飯鍾意叫雞扒多過豬扒），令我喜出望外不得不提嘅係，呢度嘅職員都好有禮貌，同埋會提示每一個細節位，某程度上個價錢係食埋環境同服務，值得一試…查看更多

返工前食個 lunch，但係啲舖頭一係滿座，一係唔啱食，行到入淘大見到佢，反正好耐冇食過韓國菜，就行咗入去辣雞肉鐵板燒（$55）（另加配凍綠茶牛奶 $11）除咗鐵板燒之外，呢度仲有石鍋飯，不過餸嘅份量比較少，所以就食飽小小，我食晒碗飯都仲有一半餸剩，可以慢慢食雞肉預先剪碎，一粒一粒方便入口，食落幾軟熟，而辣汁係韓式，亦都吸晒入雞肉入面，加埋生菜（？）做 topping，唔會覺得太油膩至於牛奶就無乜特別，反而值得一讚係用咗可重用飲管，支持環保…查看更多

熱狗食得多，條狀嘅熱狗真係未試過，今日就去呢度食嘢熱狗就係用一個包包住條腸，而熱狗棒就可以包住芝士，加上成支熱狗即叫即炸，為「熱狗」帶嚟新定義雙重芝士拉絲熱狗棒（$34）初頭我以為支熱狗棒係細細支，不過實際上都有大約 15cm 長，同一般嘅熱狗差唔多大細外層係炸麵粉漿，內層嘅芝士同一條腸仔差唔多粗，咬落外層係幾脆口，至於芝士就比較杰，試過拉到一次絲嘅，不過冇想象中咁惹味個人覺得其實可以食一次嘅，始終都比較特別，不過$34就食唔飽我，呢樣就差小小…查看更多

又係一篇拖咗差唔多兩個月先捨得寫嘅食評。近來有啲戲院唔只有小食部，仲會有餐廳駐場，而十字冰室本身已經有幾間分店，不過我都係未試過。今次食 lunch 再次行到過嚟，再次係因為之前想去食，但係睇完餐牌就決定不了，今次就應細佬（壽星公）要求去食。其實呢到嘅座位唔算多，我諗係因為預咗人買嘢食入戲院睇，而中午時份過嚟都要用小小時間搵位，搵到位後都快快落單等食嘢了。等咗大約十分鐘，首先出去拎媽媽食嘅焗飯，但係拎完冇耐兩個炒飯都拎得了。五香肉丁香蔥炒飯（$58，另轉牛奶加$6）因為係即炒，所以未食都感受到個飯嘅熱力，而且都聞到五香肉丁同蔥嘅香味。食落又唔覺得好油，呢樣對於我嚟講係一件好事，而且飯粒爽得嚟又夠軟熟，證明師傅炒得都唔錯。不過份量嚟講我覺得偏少，就算呢幾年我細食咗，我都係覺得如果可以食多幾啖就好。至於牛奶就「十字牌出品，信心保證」，不過反而令我回味以前喺屋企樓下食早餐必飲嘅玻璃樽牛奶，雖然我都唔記得係咪十字牌，但始終玻璃樽嘅牛奶都買少見少，可以回憶吓都好。支奶除咗都幾滑之外就冇咩特別，我對奶又冇咩要求。唯一 concern 嘅係價錢問題，我唔知係戲院嘅食品慣性偏貴定係本身十字冰室就係貴，宜家正常出街食飯大約都要四十幾五十蚊，而呢度係講緊飯意類要五十幾六十幾蚊、出前一丁麵餐都要差唔多$50，加上今次炒飯嘅份量，我覺得試一次都可以，但係唔會長期食。（仲要飯係唔入得場食，你話帶得入去都叫做合理價嘅）…查看更多

對上一次食味口福已經係太安樓年代，今次約了久違嘅朋友，選擇咗久違嘅餐廳以前太安樓係得一張枱嘅企位可以食嘢，自從去咗灣仔就開始有座位，嚟到筲箕灣都係有位坐雖然係快餐店式嘅先買飛後食嘢，但係齊人之前，店員都唔介意畀我哋坐低先一路等一路睇餐牌，齊人就買嘢食，之後就吹水等食嘢相比以前太安樓，最大唔同係多咗飯食，而且仲好快有得食，但係一埸嚟到，我就當然揀漢堡包食啦！厚炸巨型洋蔥雞堡（跟餐$47，凍飲加$2）呢個包一上枱嗰陣，我真係畀個尺寸嚇親，如果冇洋蔥個 size 應該同普通嘅包差唔多，就係因為有塊同塊雞扒差唔多大嘅洋蔥，令到成個包即刻大咗唔少，我要壓扁個包皮先食到同行人士一睇就睇得出包皮係烘過，我咬落去都感覺到脆嘅感覺（當然唔係非常脆嗰隻，係微烘嗰類）而雞扒個人覺得煎得比較熟，有啲似食雞扒麵嘅雞扒表面睇唔出嘅蜂蜜醬，一食落就發現原來入面收埋唔少，彌補翻因為雞扒嘅熟而帶嚟嘅口乾感覺塊芝士比較硬身，食落係 feel 到成塊咁樣，如果可以熱小小令到佢融化小小，口感就會更加好整體嚟講一啖就有幾種味道，係幾有趣嘅一個包另外都叫咗一個小食拼盤（$48，冇圖 sorry）三個人分，有雞翼、洋蔥圈、薯條等等，一人幾啖食飽晒價錢啲講其實唔算太貴，平均一個人六十幾蚊，而且一個普通嘅包餐其實都只係大約$40，呢個價位嘅港式漢堡包係幾吸引，加上服務都幾好，所以絕對可以再 encore…查看更多

原本只係喺地鐵入面打個轉，不過 bookmark 咗好多間餐廳都未試，又想搵新嘢試，所以就上地面食呢間呢間我記低咗要食沙爹牛西多，不過我嚟到只係13:45，下午茶都未到，好彩問一問就話等十幾分鐘，有得食好過冇得食啦（同埋人哋都要特登整）但係未食 lunch 嘅我一個西多一定唔夠，所以就要多個蛋牛治啦蛋牛治餐（$26，雙拼/凍飲）今次佢唔係主角，所以賣相絕對唔重要（一個三文治你想有幾靚嘅賣相呀），隻蛋都係一貫嘅炒法，將咸牛肉加入蛋度一齊炒，出嚟嘅賣相同普通炒蛋差唔多（我印象中有啲炒到一舊黃色磚咁嘅樣，嗰啲其實幾靚）雖然一邊蛋比較多、一邊咸牛比較多，不過呢個唔係問題，返正隻蛋熟得啱啱好，咬落滑滑哋，及格就夠啦沙爹牛肉西多士（$30）跟住就係主角出埸啦，成個基本上係奶西多+沙爹牛，雖然唔係太覺有花生醬，不過因為沙爹牛肉本身都係咸嘅，所以宜家咁樣係啱啱好沙爹牛肉混入咗小小洋蔥粒，啲肉又夠鬆軟，易入口，份量係可以啖啖都有沙爹牛肉，加埋煉奶嘅甜，一咸一甜成件事好豐富而價錢啲講其實算係咁，正常一個 lunch（一個飯加一杯飲品）呢度賣約$40，同出面差唔多，自己都好少可會咁樣食下午茶當 lunch…查看更多

有朋友話想試吓，於是就大隊嚟到了，但係第一件事係要排隊，條龍由室內排出門口再打兩個蛇餅，結果排咗一個鐘先落到 order落完之後就要等多大約15分鐘先有嘢食，餓咗好耐嘅我哋快快手影完相就即刻食嘢了Smoke Shack (Single) ($62)成個包嘅特別之處係加咗塊煙肉，但係咬落唔會覺得好乾，相反因為有個 ShackSauce，加上溶溶哋嘅芝士同埋多汁嘅牛肉，成個包感覺好軟熟，相比類似價位嘅漢堡包店，呢個係抵食嘅Cheese Fries ($36)呢兜薯條係五個人一齊分嘅，呢度嘅薯條比較厚身同埋稍為長小小，因為啲芝士溶晒落薯條上面，所以食落唔會太硬，冇咗嗰種好熱氣嘅感覺，不過份量比較多，一個人不如食個 double burgerMilk Tea Shake ($42)香港獨有口味，menu 寫係 vanilla frozen custard 加黑茶，不過個人飲落覺得雲呢拿味好重，反而唔係好覺有茶味HK Style (Double) ($62)呢隻 concrete 因為主要有 vanilla custard，所以食落其實同 Milk Tea Shake 口感幾似，只係多咗西多士（其實西多入面係應該有花生醬）同香蕉其實個口味係幾特別，不過因為一人已經一杯 Milk Tea Shake，所以呢個 concrete 真係食唔晒呢個價位嘅漢堡包店其實都食過幾間，係呢間我會有 encore 的衝動…查看更多

今日到葵涌做野，順路就過嚟嘗試吓期待已久嘅漢堡包舖頭其實唔大間，店員直情要開張枱畀我地坐雖然係星期六，但係都到咗 lunch time，所以有唔少人食緊，眼見得一兩個樓面，反正有時間都唔介意等吓一行三人，一人一個包，落咗單唔使好耐就有野食另外兩個嗌咗日式芥辣雞堡同惹味辣醬蛋雞堡，而我就食麻醬雞堡（$25，跟餐菊花茶同薯格加$15[加套餐$13，薯格另加$2]）個包唔算太大，同M記嗰啲包差唔多尺寸，不過餡唔會太少雞肉比較厚，肉質容易入口，加上菜同埋蕃茄，簡簡單單就組合成一個包麻醬雞堡個名聽落好似普通過其他包，但係食落原來一啲都唔平凡我其實唔太好麻醬嘅口感，不過一個包最緊要有咩呀？沙律醬呀嘛，所以兩隻醬混合嘅味道係幾夾、幾特別個薯格就應該係即炸嘅，所以就可以食住個包等，咬落薯仔係夠淋嘅，作為求飽肚嘅小食絕對係及格有餘價錢嚟講廿幾蚊個包，呢個質素算係平架啦…查看更多

好耐冇睇過戲，是晚到附近嘅戲院，睇邊套唔使講啦，都係嗰一套啫由6點睇到差唔多9點，睇完點都肚餓，所以就喺戲院出面求其搵一間算好求其咁睇吓個餐牌，覺得不錯就直接同侍應講兩位，好彩即刻有位入得其實去過呢頭都知呢度似係半 food court，所以間舖只係一個長方形，一眼睇晒唔係太多位因為呢排天氣凍，戲院冷氣又勁，所以叫咗個石鍋飯，最緊要夠熱辣辣北海道燒芝士咖喱烤雞扒石鍋飯（$60，晚市要再加一）坦白講成兜真係冇晒配菜，得芝士、咖喱、雞扒同埋飯，不過冇配菜對我而言冇問題雖然最後都係逃唔過食飯焦（只係小小啫），但係一開始都有搞一搞啲飯，用咖喱汁避免啲飯痴底作為主角嘅雞扒表現唔錯，咬落唔會太韌，加上咖喱汁同埋芝士，令到口感更加豐富咖喱汁唔會太咸，溝飯食都唔錯，但係芝士嘅味道唔算突出，個人而言今次係適中，不過芝士控可能會有啲失望至於份量嚟講都算係適中嘅，起碼夠一餐晚飯嘅份量，不過呢$60係得個飯，並唔係餐，個人而言就差小小野咁下次可能會有，不過會試吓其他餐廳先囉…查看更多

是日嚟到旺角做野，做到中途想搵個地方坐低做，又咁啱想食 lunch，就決定過嚟呢度喺地圖上見到呢度係酒店，但點估到酒店底會有綜合大樓，仲要係有天橋去朗豪坊嘅由地下搭扶手電梯，一入門口就係呢間舖，二話不說即刻叫翻個農夫包試吓起初入門口我以為個場好細，買完野行入去搵位先發現原來可以行入啲，不過有位就坐啦，做野要緊呢個包要等大約10分鐘，坐低之後就做埋啲野，做吓做吓就有野食啦咖喱豬頸肉農夫飽（$62：$60包餐湯同熱飲，凍咖啡加$2）其實用膠刀叉係幾難切開個包，而舖頭都好貼心咁比咗對手套用個包都幾大個，仲大過我個拳頭，用錫紙包住，我估同佢整嘅方法有關，一嚟可以固定個包切開咗嘅蓋面，二嚟都可以保持溫度，個包外層幾脆吓，而入面係鬆軟嘅，幾易入口咖喱汁就係分開上嘅，上面有加香草，大大兜唔驚唔夠用一開始我倒咗小小汁入去包入面，浸一浸啲豬頸肉，之後就將個包逐舊逐舊撕出嚟、點咖喱汁咁食，我覺得啲咖喱汁入面有好微小嘅辣，係食完大半先開始有啲啲辣嘅感覺，同埋個汁唔係甜咖喱，配農夫包食都唔差至於啲豬頸肉就有小小彈牙，都比較易咬，份量亦都係正常嘅；個湯酸酸甜甜咁，食完啲肉飲翻啖湯都算有助消化至於凍咖啡都係呢間舖出名嘅，我聽住個收銀向我前面嗰個食客推介嘅，咁我都唔執輸叫一杯咖啡嘅賣相唔差，飲落啲咖啡味都幾香，特別我飲開走甜嘅，個咖啡味係出啲嘅食到飽一飽，又係時候繼續做野了…查看更多

是日同朋友到葵廣掃街，食完碗麵之後其實飽飽地，不過都想試下其他野，就係咁一路行下行下見到呢間舖一望個餐牌，即刻見到「邪惡玉子燒」五隻字，諗都唔諗即刻買翻個邪惡玉子燒（煙肉）（$28）落單比錢之後就即刻整，然後一個新鮮嘅玉子燒就喺我眼前今次就揀咗煙肉餡，大概係因為龍蝦沙律太邪惡，食飽飽嘅我地就唔直接挑戰了（不過下次一定要試！）個玉子燒嘅表面其實好靠 topping 裝飾，因為蛋係喺外圍包晒啲餡，而且啲蟹子同醬汁仲可以幫個玉子加味，個玉子燒能夠稱之為邪惡都係因為佢而入面嘅栗米+芝士已經係幫啲蛋調味，加埋餸同 topping 嘅味道，我都唔識點用文字去形容了，睇張圖可能實際啲呢個野我地三個一人兩啖就搞掂晒，如果餓啲我一定獨食一個…查看更多

呢間舖未喺 OR 出現之前，我已經食過呢度嘅野食，只要路過安基苑又肚餓，我就會買翻個撈麵餐食呢幾年安基商場大裝修，呢間舖係裝修果期先出現，第一次食完其實就已經想寫兩隻字，不過上嚟搵唔到就作罷鐘愛撈麵餐係因為有餸，除咗當下午茶仲可以過下口癮，有時又想食下呢樣又想食下果樣，但係買一份就夠填肚嘅情況下就有選擇困難症，一個餐就可以滿足幾個願望啦撈麵餐（撈麵+3粒魚蛋+3粒燒賣）（$14）個麵冇記錯都係印尼撈麵，其實冇咩特別，所以都係著墨於魚蛋燒賣坦白講魚蛋比較硬身，食落去冇彈牙嘅感覺，感覺總係差啲；相反燒賣就比較淋，易咬易吞，喺呢間舖嚟講我會鐘意燒賣多啲份量嚟講唔算好大份，但係下午茶嚟講就絕對夠晒數，如果唔夠可以加$7加大個撈麵講真行去隔離商場，隔離某便利店個熟食檔都有撈麵，不過我就比較鐘意去小店，唔係話連鎖店冇人情味，但係我鐘意小本嘅果種人情味多啲…查看更多

呢個舖位對面本身有一間日式放題同一間食烏冬嘅舖，不過兩間舖都相繼結業至於呢個位前身就係賣運動用品嘅，估唔到咁細個位都可以開一間拉麵舖，仲要有我未食過嘅沾麵根據商場 FB 嘅介紹，呢間係新開試業嘅，返正係新舖頭就入去試下啦如果 Google「一生懸麵」呢四隻字，結果好多都係講緊台南嘅一間同名拉麵店，未知兩者有冇關係二人同行，被安排坐普通枱，枱面已經放定點餐紙，另外都有紙巾、餐具、杯同埋檸檬水比客人用，不過水入面係冇落冰，而且水溫係偏向室溫，個人覺得有冰水會好啲今次我就食特濃豚骨沾麵，麵有得揀軟硬度，而我就揀標準嘅，落單果陣職員問我地要熱麵定冷麵，我自己就揀冷麵另外我地都叫左份煎餃子黎食稍為等左一陣，首先黎嘅係煎餃子（$25/5隻）個餃子皮煎得幾靚，有小小脆脆地嘅感覺，唔會成隻餃子散晒，賣相唔差同埋食落口感覺到有小小汁，唔會話太乾食唔落跟住就係特濃豚骨沾麵（$68，另加半熟蛋 $9/2隻）第一次食沾麵，其實都唔係太知咩叫正宗沾麵汁嘅豚骨味幾突出，個汁本身都幾濃郁，但個人而言唔會覺得太濃，亦都有小小蔥係入面麵條嘅口感都 ok，我食果個係冷麵，但係食落口又唔覺得好冷，不過鐘唔鐘意又係因人而異啦；因為同行果位揀左熱麵，所以我都有試兩啖嘅，我又冇特別喜好話鐘意熱定冷，不過上網睇就有人話沾麵最好配冷麵，麵條會好食啲碗麵本身都有一隻半熟蛋，我就另外加左兩隻，不過就覺得略為熟左啲，始終冇果種半熟嘅感覺；至於叉燒同埋荀都不過不失，起碼成碗麵唔會覺得太單調不過份量黎講我就覺得唔係太足夠，如果大食小小嘅要考慮下加麵底如果住附近又想食下沾麵，呢間會係其中一個選擇，雖然唔會成日食，但係間唔中食下都得…查看更多

呢日去銅鑼灣做野，行去中央圖書館果陣路過呢間舖頭，就諗起網上推薦嘅沙茶醬撈麵，返正未食 lunch 就買個麵試下佢有個套餐，即係撈麵加一個餸，既然是次重點係沙茶醬，就揀左沙茶魚蛋撈麵套餐2（撈麵 + 沙茶魚蛋，$14）拎完就行埋一邊試下，份量上同其他舖頭不相伯仲，其實作為小食係絕對足夠嘅魚蛋幾有彈性，咬入口有軟熟嘅感覺，同埋沙茶醬嘅味道幾突出，同咖哩味比係多左一種香味，當然冇辣味啦至於撈麵，其實整得唔差嘅，不過第一次食嘅我漏左樣最重要嘅野，就係加沙茶醬啦，因為我呢碗撈麵係得魚蛋有沙茶醬，個撈麵本身係冇嘅如果我冇記錯，加沙茶醬就要$3，下次有機會真係要食多次，加翻沙茶醬…查看更多

是咁的，某日收到某電訊商嘅客戶優惠，話買個餐送溫泉玉子，咁我平時都唔會特別加錢食隻蛋，難得有 offer 當然要食下啦呢日做完野就係時候拎個優惠出黎食 lunch，原本諗住求其食個牛肉飯，點知去到發現佢新出左個黑松露芝士牛肉飯，黑松露我平時都唔會食到，既然只係貴牛肉飯幾蚊就當然試下啦跟餐小弟指定係飲麵豉湯，得閒飲下熱野都好嘅，不過唔係主角嘅野，唔係太難飲就得啦至於隻溫泉蛋呢，正宗嘅食法係煮完要放係低溫度（好似係），所以隻蛋凍凍地咁其實幾好，同埋蛋黃都做到流心嘅效果，整體都唔錯，不過如果加翻啲冷麵汁會仲正然後就到（搶左溫泉蛋 focus 嘅）黑松露芝士牛肉飯啦黑松露芝士牛肉飯（跟餐有野飲 $46）首先講下黑松露，我食落去係 feel 到幾大陣唔知係咪黑松露味嘅黑松露味，咁講係因為我真係未食過黑松露，我只可以話個味道都幾重，只要果啖係有小小黑松露就一定食到果陣味如果真係要形容，我會形容為「唔係變壞左嘅腥味」（😂），強調一下，唔係變壞左，唔係變壞左，唔係變壞左如果真係想試下係咩味，即管食一次啦，我唔敢寫包單你一定會鐘意，但係最少我都接受到嘅（但係唔會無黑松露不歡囉）至於芝士呢，我覺得係配翻黑松露多過配牛肉飯，因為呢兩隻材料放埋一齊，食落口嘅味道係可以接受，鮮味+芝士味係幾新穎嘅，以未食過黑松露黎講，感覺上會好過剩食黑松露連埋不過不失嘅牛肉飯，其實今餐都算唔錯，最少成件事係幾吸引，有興趣嘅不妨一試…查看更多