cathy626的个人专页

見kkday買一送一，以為好著數，搶完之後發覺仲有好多仍未賣出，心知不妙，再睇下評論，已經擔心中伏，但安慰自己只是別人要求太高，但當我食完之後 ，簡直係我食過最差嘅lunch buffet， 已經超越左文華東方了！一坐埋位未食已經唔開胃，見到張枱上面全部都係黑色霉點， 枱與枱之間非常擠迫 ，未食已經大打折扣， 食物水準果然跟得上，種類少之餘，都係一啲唔新鮮嘅海鮮及刺身，舊燒牛肉竟然係9成熟，甜品仲搞笑，雪糕要配給，雖則係任食，但唔明點解要侍應逐個客落單再送上，咁樣啲侍應多了很工夫，又要keep住收碟速度，實難免面上看不到笑容， 切刺身的師傳也好像全世界欠他似的，全場唯一好食嘅就是即煮意粉，其實，其實食物質素及用餐環境做不好，就算買一送十也不會有人幫襯…查看更多

從前常常到筲箕灣總店買雞蛋仔， 外脆內軟真係好好食， 但寶琳店的雞蛋仔， 初開業時，可能是人多的關係，未吹涼就已給客，所以外皮不太脆，可是蛋漿滿滿 ，今天晚上再經過，見人潮已消失，於是再次購買，但我一拎上手已經覺得離奇的輕，外脆是有的， 但內裡蛋漿少得可憐，失望！…查看更多

一年前後嘅Brunch分別很大，首先是凍海鮮，長腳蟹，剝了蝦的大虎蝦不見了，取而代之是沒有蟹蓋的麵包蟹及普通海蝦，當日12pm準時到場，但麵包蟹盤上只有蟹身，我遂問了3名高級男職員會否再出? 但他們態度敷衍稱會再出，但到最後，換了3盤，全都沒有蟹蓋，另外熱湯是洋蔥湯，跟之前的磨菇湯對比，是天堂與地獄之別，看得出此湯亦非心思之作，而點菜及送餐服務亦顯得人手不足，水準及服務態度均令人失望！主菜味道僅屬合格水平，沒有特別驚喜！唯一讚賞的是甜品花款非常之多，雖然gelato選擇由6款變4款，但味道味美軟滑，讚，各款蛋糕亦保持水準，特別是雪菲蛋糕，令人再三回味不過，因所謂高級店員態度問題，應該不會再到中環店用餐了，對比跟北角分店的服務態度望塵莫及，希中環分店注意高級員工之培訓…查看更多

popcorn店的服務員態度參差，坐位擠迫，身處電梯底下，感覺低下，唯食物質素滿意，牛扒焦香肉質幼嫩，咖啡濃香，只是凍檸茶茶底偏苦，蛋糕一出色，但仍然但價格偏貴…查看更多

見openrice咁多笑臉，於是約埋一班朋友一齊去食，餐廳收費分兩種模式，一是5部曲冇限時放題，不可自選湯底，又不可經openrice訂位，二是120分鐘限時放題，可自選湯底，原來大不同，冇限時放題的食物，除左茶碗蒸及雞煲係比較好食，坐得幾闊落之外，其他火鍋食品都近乎垃圾，海鮮冇鮮味兼且霉，蜆好多都冇開口，可想而知有幾新鮮！熟食更加不知所謂，什麼單骨雞翼，完全冇味，啲炸物究竟有冇用心烹調過？ 全部冇調味就拎去炸，連燒菠蘿都唔覺有燒過，燒蝦非常難食，連隔離枱都話肉質好霉！ 成碟冇食過，最終我地8個人有兩個食完呢餐肚痾🫣至於服務員大部份態度殷勤，唯有一個女店員講野又細聲又快，令到我地唔知個雞煲要煲8分鐘，每兩分鐘要攪拌，所以食用時發覺唔熟整體黎講，呢個價錢，性價比極低，如果真係要去試，或者揀限時放題會比較好…查看更多

觀塘區美食林立，今次試一試新開的Parallel，餐廳內部不太大，裝潢明亮，坐位寬闊，坐得好舒服，半自助lunch $168加一，主菜另可選羊或牛扒，但要另外收費，包餐湯及飲品各一，前菜沙律任食，食材非常新鮮，尤其煙三文魚，芝士，蔬菜及紅菜頭，cold cut就比較啖味但健康，我點選了3款主菜各一，魚很嫩滑，配以中東米，口感像意粉類，很特別😋，另一款雞肉墨魚寬條麵，雞肉有少許鞋身及非常啖味，但墨魚寬條麵出色，最後係素千層麵，芝士味濃，份量適中，俾我地可以品嚐多些自助沙律，唯美中不足的是，如果湯也可以無限添飲就更加完美😍。店內服務員位位都態度親切又細心，很滿意的一餐，期待下次再光臨…查看更多

新開張去試下，叫左兩個拉麵，兩個小食，麻醬菠菜，燒叉燒，份量好少，唔抵又唔好食，拉麵等左25分鐘先黎，豬骨湯底還可以，但櫻花湯底超級咸，食完好喉乾，最敗筆係碗拉麵，麵質好硬，食完胃痛，才驚覺點解冇問人客麵質要求？🤔總之幫襯過就算，冇下次😬…查看更多

先講食物，煎吞拿魚蕃茄水牛芝沙律，配合感及味道不錯，牛排由落單至上碟需30分鐘，美國安格斯肉眼炭燒咪濃，只略嫌肥膏偏多，可能唔係我杯茶啫。再講服務，入座後沒有提供水給我，需開口問取，只講了因我經openrice訂位有6折，但只限部份正價食物，我再番看6折優惠細節，只稱正價食物便可，原來只有貴價主菜有折，其餘餐湯，小食，飲品，甜品等正價食物沒有，餐廳難免令人感以此噱頭招徠，但優惠略嫌小家。當日經理一人加二位服務員，經理及高大服務員態度友善，到結帳時，我用wechat消費券結帳，那戴眼鏡較矮小的服務員稱如用消費券，只可用alipay結帳，我強調入座前已ws查詢，確定可用wechat結帳，後那服務員只稱自己誤會左，但態度並不友善，最後結帳連一句多謝都沒有，難得現今市道淡靜，仍有這些連基本服務態度都欠缺的服務員…查看更多

大年初一去秋田食鐵板已變成我家習俗，感覺今年食材大縮水，不知是否疫情影響入貨質量，蒸蛋沒有了黑色魚籽，只得4至5粒橙魚籽，牛小排明顯縮水還有渣，伴碟蒜片不是即燒，但刺身食材仍尚算新鮮，職員態度友善…查看更多

120分鐘的點心放題，提供芝士點心頗有新意，坐位闊落，用apps自己落單夠方便，可以睇番已點東西，食物種類雖不太多，但質素還可以，侍應態度殷勤，提醒我地先食炸物，收碟速度滿意，唯今次未能坐靠窗口位置有啲失望，或因是團餐關係！推介芝士蝦餃，芝士咸水角，芝士撻，玫瑰芝士球必食，腸粉及包類可以不點…查看更多

第一次食勝牛喺大阪，今次香港開分店點都要黎朝聖嘅，我地叫左兩set吉列牛及一set吉到豚，其實吉列牛要全冇根的才好食，而最平$158那款就比較多根，而吉列豚肉質雪藏，完全冇味！ 都心知今餐只作回味大阪旅行時嘅感覺，試一次便夠，侍應態度不太好，木板木面，入座時稱當時客人不太多，未齊人數可先行入座，但並未有提及只有75分鐘用餐時間，食到一半，侍應提醒還淨10分鐘用餐時間，我驚訝地問侍應，我還想order甜品但不夠時間怎辦？但他回應說：沒有辦法，那我唯有放棄點甜品，埋單時發覺根本沒有其他客等位，我覺得食物水準不高又有趕客的侍應，不難明為何開業到現在只有3個多月，已經不見開業時的人龍！…查看更多

雖然$79不算便宜，但仍是一頓不錯的tea set, 食物水準保持，唯獨分店長髮黑外套店員態度黑面，話氣亦像機械人似的，令人感覺生厭，希望佢睇到呢段食評會多加改善。…查看更多

之前上網知道東海堂出呂宋芒軟雪糕,看一看售買地點,只得屯門,荃灣同埋呢間尖沙咀天星碼頭,所以多在港島活動嘅我早早將佢拋諸腦後,但今晚去睇talk show, 經過碼頭,見到好多人買呂宋芒軟雪糕,我如夢初醒,嘩!發達喇,我9秒9衝埋去買,果然聞落已有濃香芒果味,食落好香甜,好好味呢,令我心思思想再食多一次添…查看更多

買了yahoo團購,一行五人,傾傾講講,任食6小時,有數款湯底選擇,我們加了$30轉龍蝦湯底,有半隻龍蝦(不算大隻),所以湯底不是太有龍蝦味,建議可以唔加!食物,飲品及甜品種類算多,我最推介炸蝦卷及牛壽司仔,一次性的刺身拼盤及海鮮併盤份量適中,海鮮新鮮,蜆蚌冇沙,唯獨脆肉鯇魚有點腥,建議上枱後盡快食,肥牛任叫,偏瘦(個人喜愛偏瘦)但美味,更為yahoo團購朋友提供特別優惠,整體滿意,會推介俾朋友。…查看更多

黎意蠔屋食蠔&芝士焗係常識吧! 其他的我不敢亂試,蠔有海水味,但新鮮度約7成! 還時芝士焗比較出色,食品整體滿意。一如以上各食評,女侍應態度超級惡劣,本人亦較主重食物多於服務,但這店女店員態度實難以忍受,全程黑口黑面,語氣粗劣,態度散慢,連我旁邊那枱客人也細語地評那位店員態度很差!我初時以為她本性如此獨特,但後來我見她有一大肚女友人和她談天的時候,有講有笑,竟判若兩人。所以我想,為何雖要來這店吃飯自作自受呢? 如下次見到這位女侍應仍在工作的話,我便不會再幫襯,亦不會推介此餐廳給朋友。…查看更多