maruko ng的个人专页

2017年，佢哋在太子試業時，品嚐過佢哋嘅食物，當時嘅羊架同牛舌，真係回味，不過之後再去，己經不在了。以為佢哋冇做，再搵唔到，又俾我見到佢哋出post，立即聯絡下，原來搬了地方。講番今次生日飯，真係要預約㗎，唔係就冇位囉！入到去，環境好幽靜，有些音樂，唔會太大聲，令人好舒服。我哋點咗炭燒M4和牛牛板腱同肉眼，仲有青口，前菜有慢煮牛面肉同凱撒沙律，最後有甜品杏仁榛子餅同雙重朱古力餅。先講前菜，要提當然係牛面肉，真係好淋，好嫩口。跟住兩個湯，一個週打魚湯一個龍蝦湯，兩個湯底都非常濃郁，好香嘅鮮魚同龍蝦味，兩個字-足料。主菜M4出場，俾佢嚇一嚇，成塊扒大過一隻男人手。油份充足，炭燒後令肉質滿佈油香，不過都係份量驚人，食三分之二己經好飽。另一個五成熟肉眼，就真係整得剛剛好，皮香脆內部粉紅色嫩肉，充分肉汁。最後兩份甜品，食完口內仲充滿榛子杏仁同朱古力味，不是太甜的甜品，令全個晚餐畫上完美嘅句號。可惜係未能嘗試到傳說中好味嘅檸檬撻。…查看更多

今日晚上行過入去食，入去時餐廳內都唔太多人，由56分開始落單，當中有個熔岩tiramisu 同牛扒，甜品唔使10分鐘就上枱，仲開始溶緊，問個服務員可否食完個主菜先攞出嚟，佢哋先攞返入去雪，但個牛扒就等到半個鐘度都未嚟，要問先上枱，仲要係個鐵板微熱，塊牛扒同薯條凍晒嘅，質素非常好唔好。趕時間一定唔好入去食。到個甜品終於食啦！味道好似散嘅一樣，非常之唔好食，完全唔係tiramisu個樣嘢。所以成餐飯都係負評。…查看更多

今日行去大埔，廣福道開了間壽司店，個名好好，良鮨壽司店。選擇太多都想試，今次就食良鮨冬季二人前。先嚟磯煮鮑魚冷豆腐，味道不會太濃。再來茶蒸碗，滑溜溜有鮮甜香海鮮味。刺身，壽司，生蠔繼續出場，刺身新鮮，不過點都唔及生蠔，鮮中帶少少海水味，二人前只分得一隻，真係唔夠喉。跟住來一碗暖暖嘅魚奶湯，沒有魚腥味，只有魚嘅甜鮮味，應該裡面加入左豆漿或奶嘅物質，有些滑溜濃郁。安格斯牛肉金菇卷，係同場最讚嘅食物之一，平時食都會出現牛肉韌口嘅問題，今次食嘅牛肉鬆化又唔黐牙。串燒雞翼同厚切牛舌，比較喜歡牛舌厚但唔會鞋口韌皮，雞翼皮脆口，肉汁多。最後海膽海鮮炒飯，唔知係咪想推介佢哋嘅海膽，雖然只有四片海膽放在飯面點睛，但一口即溶真係令人想叫原隻品嚐。雪糕作甜品係芒果味，這個牌子雪糕，亦值得推介。同場加插厚燒玉子。正！不錯質素的日本餐廳，服務質素亦滿意，值得再來光顧。…查看更多

真係名乎其實，這間餃子店嘅餃子超好食，仲好鬼大隻添。每個餃子充滿餡料，不論你叫煎定湯，都一樣好食。今次食一碟韮菜煎餃，一個白菜煎餃加上海麵，一個羊肉湯餃加麵，兩個人食，真係食剩嘢，但又真係想食，但係都食唔落。我哋揀上海麵食，都算爽唔黐牙。同八卦問師傅一日做幾多，佢話一個盆就60隻，一個雪櫃睇嚟，應該都有20-30間，一日做三轉，都有成萬隻喎！…查看更多

這間好多人讚，但係唔知地點嘅食肆，終於去尋找到了。之前睇人介紹過，話好鬼死正，一試之下，嘩嘩嘩，真係好好好正喎。試在三樣嘢食，咖喱牛燴薯仔，鐵板烤羊架配原味薄餅。驚太辣得滯，所以叫少辣，嚟到一聞就好香嘅香料加辣味，但食落又唔太辣，真係好合適我唔食得太辣，但又想食少少嘅人。至於羊架呢，又係好味到死嘅，肉質冧軟，配薄餅食一流。值得一提，係佢哋價錢大衆化，水準一流。…查看更多

之前一直住這區，己經不停食食食。雖然現在已經搬走了，但這區的美食，又點會跟我走喎，一於走返嚟，繼續尋好嘢食。這間店舖逢星期一休息，千萬別摸門釘。店舖內不是太多位坐，約有16個，但環境舒適，最重要係食物質素好。今次點了三文魚蝦海膽丼加升定食，有前菜湯同沙律，老公就要三文魚腩油甘魚吞拿魚碎。…查看更多

荃灣區真係好多食店，今次選這間，係因為佢夠快速食。不過佢都有好幾間分店嘅，只係荃灣就新開咁。野菜牛肉飯，或者所有牛肉飯都是一樣的配菜材料煮成，所以我覺得自己食緊吉吉家。牛肉鍋，材料都好多款，不過我喜歡，皆因菜多過肉。最後南瓜薯餅同旋風薯條，一個字，脆。…查看更多

已經聽聞這間小店很久，但時間唔啱，所以一直冇去食過。今日正直凍凍地，就去試食吓。店舖內裡沒有太多位置，大概可以坐8-9人。但這些唔緊要，最重要係食物好。在門口會貼上當日嘅湯水，今日係西洋菜豬肺湯，正！一定要來一碗，再來一個時令臘腸糯米飯，再加個豉椒炒蜆。湯呢？不用講甜又潤肺，阿媽煮出來的味道。臘腸糯米飯足料到滿瀉，炒蜆即炒有鑊氣，有些辣辣地，如果有碗白飯，連汁都可以撈埋。其實佢哋出名嘅仲有豬油渣麵，下次再去試下。…查看更多

在元州邨附近行街，到了晚飯時間，就在附近搵到這間蘇杭菜館。兩個人食，一主食一小食一湯兩飯，再加兩個小點，就己經足夠食飽，埋單都係200零300蚊。我哋選咗鎮江排骨，賽螃蟹，酸辣湯，再加追小籠包，銀絲卷，桂花糕/椰汁西米糕。鎮江排骨煮得好入味，酸甜度剛好，連骨都好冧，餸汁撈飯就一流。賽螃蟹就比想像中滑溜，酸辣湯覺得比較偏鹹少少，但辣度剛好，至於小籠包銀絲卷都合乎標準，桂花糕同椰汁西米糕甜度剛剛好，一個清淡帶油花香，另一個椰汁味唔會太濃。…查看更多

一直都聽聞威靈頓扒好好食，但又未親身試過，點知好唔好食呢？但上網搵資料，原來做法繁複而且仲要好多心機去做，所以決定出街試，但原來唔係咁多地方有得食，終於搵到這一家餐廳有得食。入到去餐廳佈局有啲似英式家庭feel，可能有高背梳化，急不及待叫咗個威靈頓牛扒先，再嚟過香草燴羊肩意粉。餐湯係南瓜湯，對於比較鍾意濃味嘅我，就覺得淡咗啲，但配蒜蓉包尚可以。因為威靈頓扒要等半個鐘，所以食住個意粉先，羊肩肉好淋，配以香草剛剛好。終於主角出場啦，賣相值得讚許，威靈頓扒內雖然冇包煙肉去整，但蘑菇醬已經值曬分，配搭牛扒剛剛好，最緊要係外層酥皮，一切落去有種極脆感覺，但可惜頭尾兩件酥皮太厚。最後係個甜品，小小fruit tart配以果醬，為成個晚餐劃上句號。…查看更多

今年如以往 提早食飯先 荃灣區開左間近期口碑幾好嘅食肆 就網上訂位 跟住打去問有冇餐單睇 佢就立即whatsapp俾個菜單黎 菜名就好有創意咁 但食呢就要去到先知當晚早左去水入左去後 發現枱嘅數目唔太多 之後再落多一個餸 就等待出菜頭果幾味新奇又好味 上菜時間都算快 但到最後兩道菜 雞同飯就遲遲未見影 因為有幾枱客都食完走人 所以要再催促才再上菜 不過味道就不及之前果幾味餸 但總括黎講係有心思同創新嘅 最好味係法國紅酒燴牛膝同紅蟳天鵝酥伴柚子淮山…查看更多

今晚去海之戀商場行街 但個場冇咩啱食 諗起如心2有間石燒牛 就不如去試下 香港有好多間石燒牛 要好食一定要食材新鮮 再加上最重要嘅係塊石 有些店塊石唔多耐熱 字切好晒塊牛 塊石己經唔夠熱 雖然話可說以再換過一塊 但就掃興些囉 今次這間塊石堅熱 食左成個鐘 塊石仲熱嘅 我食牛橫隔膜肉 真係超冧超多肉汁 唔點任何醬料都非常好味 加上任食嘅飯 湯同沙律 真係飽到一個點 另外牛肩肉都係唔錯嘅選擇 肉味濃煙韌些 同場加上海老 味道一般 有些位要用刀大力切才可以食到肉 有些技巧先得 …查看更多

今晚去行新商場 當然要試吓新嘢 聽聞這間食日本嘢好過同場另一間 咁就去嘗新其實打開餐牌 真係好多款 唔知叫咩食好 就是但點啦 不過都點左成5至6款 當中有蝦同野菜天婦羅 吞拿魚碎飯 刺身 牛舌 芒果炸蝦壽司 玉子 個飯好味仲有魚湯跟 個魚湯好鮮甜 刺身都尚算新鮮 天婦羅就外脆內軟 不足嘅只係個芒果炸蝦 頭尾有蝦殼係可以接受嘅 但個身位有兩嚿就有蝦殼在 咁就食得唔順暢喇 但整體都係好好味嘅…查看更多

今晚同家人去馬山這間試食 之前佢地食過 話隻豬手好鬼正又好脆口 果然今晚試過後 真係好非一般的脆口 直情脆到拍拍聲 裡面嘅肉都算嫩滑絕非嚡口 仲有配酸椰菜 去除左油膩味 其餘青口亦好新鮮好飽滿 滿足肚腹之餐…查看更多

因為鍾情茄菲 所以bookmark左去食 今晚有幸途經此地 就上去會一會茄菲先前以為點心來來去去都應該冇咩新意 但原來好多嘢食 味道比想像中好 甜品唔會太甜太膩 食左菠蘿飯同兩款點心(牛腸蛋摓同燒賣) 仲有甜品(芒果布丁) 已經好飽 下次要再去食其他先結帳時仲有茄菲memo紙送…查看更多