SITHei的个人专页

最近兩次都買左過百蚊小食，諗住當宵夜，點知換左廚師之後d雞髀又乾又柴，上一次以為佢失手，點知今日再去都係中伏。$33一隻雞髀唔係平，質素咁冇保證真係冇下次。除左雞髀，部分炸物過左火都照出，今次d茄子直頭食到有陣濃味。記得以前就算炸到過左少少火，偏乾身都會同客講唔好意思同額外補返，宜家個廚好似當唔知咁。雖然宜家個廚態度好過上一個，但係食物質素真係跌左太多，上一個雖然冇乜耐性，但出爐真係快靚正。以前覺得d遊客經過都唔買係傻仔，宜家發現自己先係傻仔。…查看更多

除左環境同個店名吸引到下人，食物同水吧都不合格。麵嘅份量唔多，亦冇咩貴嘅材料，牛肉只有超薄的半片。湯底味道沒地道的重慶味，卻也不貼合港人口味，唔鹹唔淡。食到尾仲見到隻蟲仔係湯裡面浮下浮下。雖然明白有時好難避免，但係以圍方其他餐廳嘅質素，同樣價錢有更好的選擇。水吧更加不值一提，敢講隨便一間茶餐廳嘅師傅用單手沖嘅檸檬茶都好飲過佢。除左茶底唔濃，叫少冰都要滿冰上。到埋單，收銀唔知係咪外面是但請返黎。全程黑口黑面，基本嘅禮貌都冇，需要再培訓下。總論就係冇下次…查看更多